LECHON KAWALI


May ilang posting na din ako ng lechon kawali sa archive.   Ang pagkakaiba lang nitong post ko for today, niluto ko ito in the traditional way.   Yung mga naunang version ay luto sa turbo broiler.

Masasabi kong iba pa rin ang original version ng dish na ito.   Mas masarap ang malutong talaga ang balat.   Yun lang medyo hazzle ang mga pagtilamsik ng mantika habang piniprito ito.   Hehehehe.   Pero nung malaman ko ang technique para hindi magpuputok at magtilamsikan ang mantika, ay masasabi kong sulit talaga ang hirap sa original version.   Ang technique?   Actually nabanggot ko na din ito sa mga previous veriosn ko.   Ang dapat lang gawin ay i-freezer muna ang pinalambot na liempo at from the fr5eezer ay diretso na ito sa kumukulong mantika.   Also, dapat hindi masyadong makapal ang taba ng liempo.   Yun kasi ang dahilan kung bakit napupuputok ito habang pini-prito.   Try nyo para masubukan.


LECHON KAWALI

Mga Sangkap:
1.5 kilo Pork Liempo (piliin yung manipis lang ang taba)
2 pcs. Dry Laurel leaves
1 large Onion quartered
1 tsp. Whole Pepper corn
Salt

Paraan ng pagluluto:
1.   Sa isang kaserola, ilagay ang liempo at lahat ng mga sangkap at lagyan ng tubig.  Dapat lubog ang karne sa tubig.   Isalang sa apoy at hayaang lumambot ang karne.   (Maaarig hiwain ang karne into 2 para magkasya sa kaserola)
2.   Kung malambot na, hanguin sa isang lalagyan at palamigin.
3.   Kung malamig na ilagay sa freezer at hayaan ng mga 3 araw.
4.   Magpakulo ng mantika sa isang heavy bottom na kaserola o yung malaking kawali na may takip.
5.   I-prito ang pinalambot na liempo hanggang sa sa pumula at lumutong ang balat.   Buhusan ng mga 2 kutsarang sabaw na pinaglagaan ng karne from time to time para bumula at mag-pop ang balat ng liempo.

Palamigin sandali bago hiwain.

Ihain na may kasamang Mang Tomas Lechon sauce or toyo na may suka at sili.

Enjoy!!!!

Comments

zachariketayluz said…
favorite ko to hehe!
May 4, 2012 at 6:53 AM
Dennis said…
Thanks zachariketayluz...what a name....hehehe. Me too favorite ko itong dish na ito.

Thanks for the visit
May 4, 2012 at 1:19 PM
Paolo Paranada said…
boss matagal na ako nagbabasa at halos lahat ng ulam na niluluto ko ay galing sa blog na ito. unang recipe ko na nagawa mula dito eh yung Beef and Potatoes in Cheesy Creamy Sauce. Nung una ko syang naluto, talagang napahanga sakin ang mga kapatid at parents ko. Mula noon ay talaga namang dito na ako kumukuha ng mga uulamin namin everyday. Dahil sa blog na ito eh talagang mas nahahasa ko ang passion ko sa magluluto. More power kuya Dennis. And more recipes to come :D
May 14, 2012 at 9:01 PM
Dennis said…
Thanks Paolo. Nakakatuwa naman ang nakakatulong kahit papaano ang blog kong ito. Kung may mga tanong ka just email me at denniscglorioso@yahoo.com

Thanks again


Dennis
May 16, 2012 at 9:55 AM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more