Paksiw na Lechon



Ang paksiw ay isang lutuing Pilipino na nilalahukan ng suka. Maaring itong baboy, isda o maging sa manok man. Masarap ang paksiw kung kakainin mo ito ng kinabukasan pa pagkatapos mong lutuin.

Last Wednesday, um-attend ng wedding anniversary ng kapatid niya ang aking asawa sa Batangas. Maraming handa, at isa na dito ang lechong baboy. Inuwian niya ako ng ulam. May afritada, pinalabuan, adobo, hipon at lechon nga. Masarap ang lechon kung kakainin habang mainit pa. Pero kung lumamig na, paksiw na ang kakauwian nito. At ito nga ang ginawa ko sa lechon na ito. Napakadali lang...tingnan nyo....


PAKSIW NA LECHON


Mga Sangkap:

1/4 kilo Lechong Baboy

1 cup Mang Tomas Sarsa ng lechon

1 tbsp. minced garlic

2 tbsp. vinegar

1 medium onion

salt and pepper

sugar


Paraan ng pagluluto:

1. Sa isang kaserola, ilagay ang lahat ng sangkap

2. Hayaang kumulo. Huwag hahaluin

3. Makaraan ang mga 15 minuto, tikman at timplahan pa ng asin, paminta at asukal. Ang tamang lasa nito ay yung nag-aagaw ang asim, tamis at alat.

4. Ihain habang mainit.


Note: Sabi ko nga mas mainam kainin ito 1 day after na maluto. Mas malasa ang sauce at ang lechon mismo.


Enjoy!!!

Comments

MaMely said…
nakaka-gutom naman itong luto mo Dennis. Mas masarap talaga itong paksiw na lechon kisa sa lechon lang dahil ang mga ibang sangkap ay in-a-absorb ng karne. Huag mong kalimutan and laurel leaves.
more power to you Dennis!!
Dennis said…
Thanks MaMely.....Pero di kasi ako pala gamit ng laurel. siguro next time subukan ko...hehehehe. Masarap din pala itong kainin kasama ang mainit na pandesal....hehehehe

Dennis
Cool Fern said…
ako rin,dennis, meron ding mang tomas lechon sauce..nakaka enhance ng lasa pag may mang tomas lechon sauce..at nilalagyan ko rin ng laurel leaves katulad ng sabi ni mamely
MaMely said…
Dennis, nagluto ako nito kaya lang wala akong lechon at saka wala akong lechon sauce. ang ginamit ko all purpose sauce,tapos, naiwanan ko sa apoy naatagalan ang simmering niya, kaya kaunti lang an sabaw. Pero masarap talaga!maraming salamat! tingnan mo sa blog ko.

Popular posts from this blog

Sinigang na Baboy

Tinolang Manok

FOOD SUGGESTIONS para sa mga MAHAL na ARAW