TUNA FILLET with CHEESY PIMIENTO SAUCE

Niluto ko ang dish na ito nitong nakaraang Ash Wednesday (February 22, 2012). Alam nating lahat lalo na tayong mga Katoliko na ang ash Wednesday ay ang simula ng mga Mahal na Araw o Holy Week. Sa mga araw na ito ay gumagawa tayo sakripisyo bilang paggunita sa paghihirap ng ating Pangioong Hesus sa pagtubos ng ating mga kasalanan.

Isa sa mga sakripisyo na pwedeng gawin ay hindi pagkain ng karne tuwing ash Wednesday, Biyrnes Santo at bawat araw ng Biyernes sa buong araw ng adbiyento. Ako bilang katoliko ay ginagawa ko din ito kahit sa munti kong pamamaraan.

At eto nga, isang dish na pwede nating isama sa ating menu this Lenten Season. Yes, it's fish pero hindi tipid sa lasa. I'm sure magugustuhan ito ng inyong mga anak at buong pamilya.


TUNA FILLET with CHEESY PIMIENTO SAUCE

Mga Sangkap:
1 kilo Tuna fillet (cut into serving pieces)
3 pcs. Egg
2 cups flour
1 cup Cheese Wiz with Pimiento
1 cup All Purpose Cream
1/2 cup Butter
1 tsp. Maggie Magic Sarap
Salt and pepper to taste
Cooking oil for frying

Paraan ng pagluluto:
1. Timplahan ng asin at paminta ang tuna fillet. Hayaan ng ilang sandali.
2. Sa isang bowl, paghaluin ang all purpose flour at 1 tubig o higit pa na malamig na tubig. Haluing mabuti para makagawa ng batter.
3. Ihalo na din ang binating itlog at timplahan ng konting asin, paminta at maggie magic sarap. Dapat ay medyo malapot ang inyong batter para kumapit ng husto sa tuna fillet.
4. Ilubog sa batter ang tuna fillet at saka i-prito sa kumulong mantika.
5. Hanguin sa isang lalagyan kung mag-golden brown na ang kulay.
6. For the sauce: Sa isang sauce pan, ilagay ang butter hanggang sa matunaw.
7. Sunod na ilagay ang cheese wiz at all purpose cream. Halu-haluin
8. Timplahan ng konting asin at paminta ayon sa inyong panlasa.

Ihain ang nilutong tuna fillet at lagyan ng ginawang sauce sa ibabaw.

Enjoy!!!!

This is my entry for:

GINISANG TALBOS at OKRA sa BAGOONG

Dito sa may labasan namin malapit sa isang istasyon ng provincial bus, may mga nagtitinda ng mga prutas at gulay na fresh galing probinsya. Pahapon sila kung magtinda dito para siguro hindi mainit.

Napabili ang asawa kong si Jolly ng sariwang talbos ng kamote at dahon ng malunggay. Iluto ko daw at ako na ang bahala. Ang nasa isip ko lang ay i-steam ito at isawsaw sa bagoong alamang. masarap yun di ba? Kasama ang pritong isda alam kong marami na naman kaming makakain sa ini-steam na talbos na ito. hehehe.

Kaso bago ko pa na-steam yung gulay (sinamahan ko pa din kasi ng okra), napansin kong kokonti na yung bagoong na nabili ko. parang bitin kung gagawin ko pang sawsawan. Kaya ang ginawa ko na lang, iginisa ko ang talbos at okra at saka ko nilagyan ng bagoong. Nilagyan ko din ng chili-garlic sauce to add flavor at para may konting sipa na din. At yun! panalo ang gulay dish na ito.


GINISANG TALBOS at OKRA SA BAGOONG

Mga Sangkap:
2 tali Talbos ng Kamote
10 pcs. Okra (hiwain sa dalawa)
1/2 cup Bagoong Alamang (yung regular gisa flavor)
1 tsp. Chili-Garlic Sauce
4 cloves Minced Garlic
1 medium size Onion sliced
2 tbsp. Canola oil

Paraan ng pagluluto:
1. Sa isang kawali, igisa ang bawang at sibuyas sa kaunting mantika.
2. Ilagay ang okra at bagoong. Lagyan ng kaunting tubig. Takpan hanggang sa maluto ang okra.
3. Sunod na ilagay ang talbos ng kamote at chili-garlic sauce. Halu-haluin.
4. Tikman ang sauce at i-adjust ang lasa.

Ihain habang mainit pa.

Enjoy!!!!

MAGHAPONG KAINAN sa BULACAN

Tama ang title ng entry kong ito for today. As in maghapong kainan ang nangyari sa huling pag-uwi namin sa aking bayan sa Bulacan.

Pabinyag kasi ng pinsan kong si Jenica para sa panganay niyang anak na si Althea. Swerte naman at isa sa mga sponsor ay ang asawa kong si Jolly. BTW, born-again christian pala ang napangasawa ng pinsan kong si Jen kaya dedication ang tawag sa pabinyag nila. hehehe

Maaga pa lang ay gumayak na kami pa-uwi sa amin sa Bocaue dahil 10:00am ang schedule ng dedication. Ayos naman at mga 9:30am pa lang ay nakarating na kami at tamang-tama sa pag-alis at papunta sa venue ng dedication.

11:30am ay natapos na ang mga seremonya at tumuloy na kami sa bahay nila sa Balagtas, Bulacan kung saan ginawa naman ang reception.

Nagpa-cater na lang sila. Maraming food. I-try ko na lang na i-recall ang mga pangalan ayon sa aking pagkakatanda. Yung nasa ibaba ay Beef Mongolian. Beef dish na manamis-namis ang lasa na nasa bed ng mix vegetables.

Yung nakikita din sa pict sa taas sa may babang kaliwa ay Fish Fillet with Mayo-Garlic Sauce. Yung nasa dulo naman ay Chicken Teriyaki.

Yung dish na nasa una after ng rice ay hindi ko maintindihan kung Pasta Carbonara o ano ang tawag. Pero mayroon siyang sahog na shrimp at gulay? Hindi ako sure.

Ang dessert ay nakalagay sa mga cups na may ibat-ibang minatamis. Mayroon ding mga kakanin kagaya ng nasa itaas na bibingkang malagkit. Mayroon ding sapin-sapin, bibingkang gatas at maja blanka. My personal favorite ko itong bibingkang malagkit. Hehehehe

Syempre picture-picture matapos ang masaganang panaghalian.

Pagdating namin sa aming bahay ay nagpahinga lang kami para maghanda naman sa afternoon birthday party ng aming pamangkin na si Raven. Katabing bahay lang namin sila kaya madali lang puntahan.

3:30pm nag-start ang party at kami ang isa sa mga naunang bisita. Maaga kami komo babalik pa agad kami ng Manila that afternoon.

Children party ito kaya naman ang mga handang pagkain ay pambata din. May Spaghetti (Filipino style), Pancit Bihon, Fried Chicken at Lumpiang Shanghai. May chocolate fountain din na na-enjoy talaga ng mga bata at chocolate cup cakes na may picture pa ng may birthday.

Nasa itaas ang larawan ng may birthday. Si Raven yung maliit. ang mommy niya na si Donna, ang kuya niya na si Renz at ang daddy nila na si Ron. (Tama ba? hehehe)

Enjoy kami sa food lalo na yung fried chicken at lumpia. Maging ang mga kids ay busog na busog sa kanilang nakain.

Hindi na kami nag-dinner pagdating namin sa bahay dahil sa busog na nangyari sa aming ng buong maghapong yun. hehehehe. Nagluto na lang ako ng kapeng Batangas para pampababa ng aming kinain.

What a day....hehehe. Papaano na ang diet ko nito kung ganito ng ganito ang mangyayari sa amin every weekend. hehehe

Till next...

PANCIT CANTON-SOTANGHON GUISADO

Matagal-tagal na ding hindi ako nakakatikim ng pancit guisado. Ewan ko ba? Daig ko pa ang naglilihi nitong mga nakaraang araw. Hehehe

Kaya naman para mawala ang cravings ko sa pancit guisado, pinlano ko talaga na magluto nito nitong nakaraang Sabado para almusal namin. Kaya naman namili talaga ako ng mga pansahog para dito.

Sotanghon noodles ang ginamit ko dito sa halip na ordinaryong bihon. Sinamahan ko din ng canton noodles para makadagdag ng flavor at texture sa panlasa. At hindi naman ako nabigo. Ang pancit guisado na hinahanap-hanap ko ay eksakto sa aking naging panlasa. Winner!!! ika nga...hehehe


PANCIT CANTON-SOTANGHON GUISADO

Mga Sangkap:
1/2 kilo Sotanghon noddles
1/2 kilo Canton or Egg noodles
2 pcs. Chinese sausage sliced
300 grams Chicken Breast Fillet cut into strips
1 medium size Carrot cut into strips
1/2 medium size Repolyo
1 cup chopped Kinchay
1 Knorr Chicken cubes
1/2 cup Soy Sauce
2 pcs. Egg beaten
5 cloves Minced Garlic
1 large Red Onion sliced
1 tsp. Sesame Oil
3 tbsp. Cooking oil
Salt and pepper to taste

Paraan ng pagluluto:
1. Sa isang non-stick na kawali, i-prito ang scrambled egg sa konting pantika. Hanguin sa isang lalagyan.
2. Sa parehong kawali, igisa ang bawang at sibuyas sa mantika.
3. Isunod na agad ang hiniwang chicken breast fillet at chinese sauage. Timplahan ng konting asin at paminta. Halu-haluin.
4. Ilagay na din ang carrots, toyo, knorr chicken cubes at mga 3 na tasang tubig. Hayaang kumulo.
5. Tikman ang sabaw kung tama na ang lasa. I-adjust kung kinakailangan
6. Ilagay na ang sotanghon noodles. Haluin. Maaring lagyan pa ng tubig kung kinakailangan.
7. Sunod na ilagay ang canton ang ginayat na repolyo. Haluing muli.
8. Huling ilagay ang sesame oil bago hanguin.
9. Ilagay ang hinwang kinchay at scrambled egg sa ibabaw.

Ihain habang mainit pa.

Enjoy!!!

BRAISED PORK LIEMPO with HONEY-SOY GLAZE

Marami din akong pinagkukuhanan ng recipe ideas dito sa net. Ilan na dito ang http://casaveneracion.com ni Connie, http://www.overseaspinoycooking.net, http://panlasangpinoy, yummy.ph at iba.

Kung sa tingin ko ay simple lang, madaling gawin at simple din ang mga sangkap, sinusubukan ko itong gayahin para mai-share ko din sa inyo. Ofcourse may mga palpak din na mga attempt ko. Hehehehe.

Kagaya nitong entry ko for today. Napaka-simple at napaka-daling lutuin. Konti din lang ang mga sangkap pero hindi konti ang sarap at lasa. Dapat lang medyo alisto sa may bandang huling part kung hindi ay baka mangitim ang inyong niluluto.

BRAISED PORK LIEMPO with HONEY-SOY GLAZE

Mga Sangkap:
1 kilo Pork Liempo (yung manipis lang ang taba...cut into 3 inches long)
1/2 cup Soy Sauce
1/2 cup Pure Honey Bee
2 pcs. Star Anise
2 pcs. Dried laurel leaves
5 cloves minced Garlic
1 large Onion chopped
1 tsp. Sesame Oil
Salt and pepper to taste

Paraan ng pagluluto:
1. Timplahan ng asin at paminta ang pork liempo. Hayaan ng ilang sandali.
2. Sa isang non-stick na kawali, i-pan-grilled ang mga liempo hanggang sa pumula lang ng bahagya ang magkabilang side.
3. Gamit ang mantika na lumabas sa pork liempo, igisa ang bawang at sibuyas.
4. Ibalik sa kawali ang mga liempo at ilagay ang toyo at 1 tasang tubig. Ilagay na din ang dahon ng laurel at star anise. Takpan at hayaang lumambot ang karne.
5. Kung kakauntin na ang sauce saka ilagay ang honey bee. Halu-haluin hanggang sa ma-coat ng sauce ang lahat ng liempo.
6. Tikman ang sauce at i-adjust ang lasa.
7. Huling ilagay ang sesame oil at saka hanguin sa isang lalagyan.

Ihain habang mainit pa.

Enjoy!!!

INIHAW NA BANGUS with a TWIST

Nanonood ba kayo ng Umagang kay Ganda sa ABS-CBN Channel 2? Nag-reformat na sila at nagkaroon ng mga bago pang mga host. Yes. Nandun pa din yung mga datihan na katulad nina Tita Winnie at Anthony Taverna.

Mayroon din silang mga bagong segment at ang isa sa mga nagustuhan ko ay yung portion ni Tita Winnie na nagpapakita ng mga lutong bahay na ang dali-dali lang sundan.

Hindi ko makalimutan ang inihaw na bangus na niluto niya nitong isang araw. Ang pagkakaiba sa version niya ng inihaw na bangus ay, bukod sa kamatis at sibuyas na ipinapalaman natin, nilagyan pa niya ito ng itlog na maalat.

Sa isip pa lang ay paniguarado na akong masarap ang version na ito ng inihaw na bangus. bakit naman hindi, yun lang itlog na maalat na may kamatis at sibuyas ay panalo na, what if ipapalaman pa ito sa boneless na bangus? Winner ito. Kaya naman ito ang niluto ko nitong nakaraang araw. Ang hindi nga ako nagkamali, masarap at malinamnam ang inihaw na bangus na ito. Siguro lang, kung binalot ko ito sa dahon ng saging at saka ko inihaw sa baga, baka mas higit pa na masarap ang kinalabasan. Yun lang kasi, hindi naman pwedeng mag-ihaw sa condo at wala naman kaming puno ng saging. hehehehe. But for sure, kahit pan-grilled lang ang ginawa ko dito, masarap talaga ang kinalabasan.

Ihanda nyo na ang maraming kanin kapag ito ang naisipan ninyong pa-ulam sa inyong pamilya. hehehehe.


INIHAW NA BANGUS with a TWIST

Mga Sangkap:
2 pcs. medium to large size Boneless Bangus
6 pcs. Tomatoes sliced
2 pcs. large white Onion sliced
1 thumb size Ginger grated
4 pcs. Itlog na maalat chopped
salt and pepper to taste
1 tbsp. Sesame oil
Yarn o pangtali

Paraan ng pagluluto:
1. Timplahan ng asin at paminta ang boneless bangus. Hayaan ng ilang sandali.
2. Sa isang bowl, paghaluin ang ginayat na kamatis, sibuyas, grated ginger, itlog na maalat at sesame oil.
3. Ipalaman ang pinaghalong mga sangkap sa loob ng bangus at saka talian para hindi lumabas ang palaman.
4. I-ihaw ito hanggang sa maluto.

Ihain na may kasamang calamansi na may toyo, suka, konting asin at asukal at siling labuyo.

Enjoy!!!!

This is my entry for:

CREAM DORY with CURRY SAUCE

Hindi masyadong tanyag sa ating mga Pilipino ang pag-gamit ng mga spices kagaya ng curry powder. Kahit nga ako, sa mga karinderya lang ako naka-tikim ng mga luto o ulam na may curry. Yung iba hindi gusto ito komo may kakaibang amoy na parang amoy bumbay. hehehehe. Pero nung natutunan kong kumain ito, nagustuhan ko ito talaga at naging part na din ng aming pang-ulam sa bagay. Katunayan naging paborito din ito ng pabnganay kong anak na si Jake.

Na-try ko nang magluto ng dish na may curry powder sa manok, baboy at maging sa karne ng baka. Sa isda ko na lang hindi ito na-try not until last week. Yes. May nabili akong 1 kilo na cream dory at ito agad fish fillet with curry sauce ang aking naisip na gawing luto. Pero siguro, kung magluluto ulit ako ng dish na ito, hindi cream dorry ang gagamitin kong isda. medyo matabang kasi ang lasa ng isdang ito, halos matabunan na ito sa matapang na lasa ng curry powder. Lapu-lapu, maya-maya or tuna marahil ang mainam na substitute.


CREAM DORY wIth CURRY SAUCE

Mga Sangkap:
1 kilo Cream Dory or any white meat fish (cut into serving pieces)
2 tbsp. Curry powder
2 pcs. Potatoes cut into cubes
1 large Red Bell Pepper cut into cibes
1 medium size Carrot cut also into cubes
2 cups Coconut milk or 2 cups Evaporated milk
1 tsp. Maggie magic Sarap
1 tbsp. Cornstarch
1 thumb size Ginger sliced
5 cloves minced Garlic
1 large Onion sliced
cooking oil for frying
1 cup All purpose Flour
salt and pepper to taste

Paraan ng pagluluto:
1. Timplahan ng konting asin at paminta ang cream dory fillet. Hayaan ng ilang sandali.
2. Sa isang plastic bag, ilagay ang fish fillet at harina. Alug-alugin hanggang sa ma-coat ng harina ang lahat ng fish fillet.
3. I-prito ito hanggang sa pumula lang ng bahagya ang magkabilang side. Hanguin sa isang lalagyan.
4. Sa isang kaserola, igisa ang luya, bawang at sibuyas sa kaunting mantika.
5. Ilagay na agad ang patatas, carrots at 2 tasang tubig. Takpan at hayaang maluto ang patatas.
6. Ilagay na ang red bell pepper, curry powder at gata ng niyog.
7. Ilagay ang tinunaw na cornstarch at timplahan ng maggie magic sarap.
8. Tikman ang sauce at i-adjust ang lasa.
9. Ilagay sa sauce ang piniritong fish fillet.

Ihain habang mainit pa.

Enjoy!!!!

STRAWBERRY GELATIN with CHOCOLATE SYRUP

Hindi kagandahan ang pagka-kuha ko sa pict ng dessert na ito pero tinitiyak ko sa inyo na magugustuhan ito ng mga kids at maging ang mga young at hearts. Hehehehe. Bakit naman hindi? Strawberry na gelatin tapos nilagyan pa ng chocolate syrup...panalo ito.

Yung strawberries na ginamit ko dito ay yung nabili ko pa galing Baguio. Medyo late ko na nga ito na-post komo hindi nga kagandahan ang pict. Pero for sure masarap ang dessert na ito.


STRAWBERRY GELATIN with CHOCOLATE SYRUP

Mga Sangkap:

3 cup fresh Strawberries
1 sachet Unflavored Mr. Gulaman (White color)
2 cups Sugar
2 cups Evaporated Milk
2 cups all Purpose Cream
1 tbsp. Vanilla
Chocolate Syrup

Paraan ng pagluluto:
1. I-blender ang fresh strawberries at 2 cups Evaporated milk.
2. Sa isang kaserola, magpakulo ng 3 tasang tubig.
3. Samantala, tunawin ang Mr. gulaman sa 1 tasang tubig.
4. Isalin ang tinunaw na gulaman sa kumukulong tubig.
5. Ilagay na din ang strawberry-milk micture at halu-haluin.
6. Ilagay na din ang asukal, vanilla at all purpose cream. Patuloy na haluin hanggang sa mawala ang buo-buong parte ng gulaman.
7. Tikman ang tamis at i-adjust ang lasa.
8. Isalin sa mga llanera o hulmahan at palamigin hanggang sa mabuo.
9. Palamigin sa fridge bago ihain.
10. Isalin sa isang lalagyan at lagyan ng chocolate syrup sa ibabaw.

Enjoy!!!

PAN-GRILLED CHICKEN FILLET with MUSHROOM-GARLIC SAUCE

Isa sa mga paborito kong lutuin ang pan-grilled chicken fillet. Ang mainam sa dish na ito, pwede kang mag-lagay ng kung ano mang sauce ang gusto mong ilagay.

Ito ang natutunan ko sa isang fastfood sa isang foodcourt sa Makati. Plain grilled chicken fillet at pagkatapos ay ikaw ang pipili kung anong sauce ang gusto mong ipalagay. Mayroong barbeque sauce, gravy, asian sauce at iba pa. Ofcourse paborito ko ang mushroom sauce nila.

Kaya naman ito ang ginawa kong luto sa 1 kilo na chicken breast fillet na nabili ko. At syempre, ang mushroom sauce ang inilagay ko na sauce. Dinagdagan ko pa ng toasted garlic for extra flavor and viola! Isang masarap na dish ang aking naihanda sa aking pamilya.


PAN-GRILLED CHICKEN FILLET with MUSHROOM-GARLIC SAUCE

Mga Sangkap:
8 pcs. Chicken Breast Fillet (skin on)
1 big can Sliced Mushroom
1/2 cup Butter
1 head Minced Garlic
1 cup Evaporated milk or cream
1 pc. Knorr Chicken cubes (dissolved in water)
Salt and pepper to taste

Paraan ng pagluluto:
1. Gamit ang kitchen mallet o kahit ano mang pamukpok, pitpitin ang chicken fillet hanggang sa nimupis ng bahagya.
2. Timplahan ito ng asin at paminta at hayaan ng ilang sandali.
3. Sa isang non-stick na kawali, i-pan-grilled ang chicken fillet hanggang sa maluto at pumula ng bahagya ang magkabilang side nito.
4. Sa parehong kawali, i-prito ang bawang sa butter hanggang sa matusta at pumula ito. Hanguin sa isang lalagyan.
5. Ilagay ang sliced mushroom kasama ang sabaw nito. Timplahan ng asin at pamainta.
6. Ilagay na din ang cream at tinunaw na chicken cubes. Halu-haluin. Kung kulang sa lapot, maaring lagyan ng tinunaw na cornstarch.
7. Tikman ang sauce at i-adjust ang lasa.

To serve, lagyan ng sauce ang bawat piraso ng chicken fillet at budburan na din ng toasted garlic sa ibabaw.

Ihain kasama ang mainit na kanin.

Enjoy!!!

CRISPY PORK LIEMPO in SINIGANG MIX

Sa mga working mom or dad na kagaya ko, na naghahanda pa ng dinner pagka-galing sa trabaho, ito ay para sa inyo.

Mahirap para sa ating mga working mom and dad ang ganitong sitwasyon. Kaya ang ginagawa ko madalas ay sa umaga ko na niluluto ang ulam namin for dinner. Buti na lang ang ang panganay kong anak na si Jake ay marunong nang mag-saing kaya bawas na yun sa lulutuin ko pa.

Nitong nakaraang araw, hindi ako nakapagluto ng pang-ulam namin sa dinner. Kaya naman naging impromtu ang dish na ito na niluto ko. Ilang minuto lang siguro in less than 20 minutes ay napakain ko na ang aking mga anak.

Try nyo din ito kung madaliang pork dish ang gusto ninyo. Madalian pero hindi tipid sa lasa at sarap.


CRISPY PORK LIEMPO in SINIGANG MIX

Mga Sangkap:
6 slices Pork Liempo
2 tbsp. Sinigang Mix
Cooking oil for frying
Salt and pepper to taste

Paraan ng pagluluto:
1. Gamit ang kutsilyo, tusuk-tusukin ang laman ng liempo.
2. Sa isang bowl, pagsamahin ang sinigang mix, konting asin at paminta.
3. Ikiskis ang pinaghalong sangkap sa paligid ng liempo. Hayaang ng mga 5 minuto.
4. I-prito ang liempo sa kumukulong mantika hangang sa maluto at mag-golden brown ang kulay. Hanguin sa isang lalagyang may paper towel

Ihain na may kasamang lechon sauce o catsup.

Enjoy!!!!