Posts

Showing posts from April, 2010

PORK BINAGOONGAN with TOMATO SAUCE

Image
Meron na akong recipe na pork binagoongan sa archive. Pero itong entry ko na ito for today is another version. Eto nga at kakatapos ko lang kainin ang dish na ito as my lunch dito sa office. hehehehe. Very common na nilalagyan ng gata ang binagoongan. Pero itong ginawa ko, nilagyan ko naman ng tomato sauce. Actually nakuha ko yung recipe sa label nitong bagong labas na tomato sauce ng Del Monte. Nung una talagang nagduda ako sa kung ano ang kakalabasan ng dish na ito. Binagoongan na may tomato sauce? Pero sinubukan ko pa din. Akala nga ng asawa ko caldereta....hehehehe. Try nyo masarap siya. Mas masarap siguro kung medyo spicy ng kaunti ang sauce. PORK BINAGOONGAN with TOMATO SAUCE Mga Sangkap: 1/2 kilo Pork Kasim cut into cubes (adobo cut) 1 tetra pack Del Monte Sulit Sinangkutsa Tomato Sauce 2 tbsp. Bagoong Alamang (yung nasa bottle na ang ginamit ko...guisado na) 1 large onion chopped 4 cloves minced garlic 1 tbsp. brown sugar salt and pepper to taste Paraan ng Pagluluto: 1. Timpla

NILASING NA HIPON

Image
Noon ko pa gustong i-try ang dish na ito, hindi matuloy-tuloy kasi nga may kamahalan ang hipon. Pero komo nga dadalawa lang kami ngayon, pwede ko itong i-try para sa kalhating kilo lang na hipon. At last....hehehehe Nang i-check ko ang recipe sa pagluluto nito, nagtataka ako kasi ang daming version. So hindi ko alam kung alin ang tama. Yung iba kasi may sauce. Yung iba naman fried. Well, kahit alin man ang tunay sa mga ito basta ang tawag dito nilasing na hipon . Hehehehe Try it! Masarap ito as a main dish o kaya naman ay pulutan. NILASING NA HIPON Mga Sangkap: 1/2 kilo Hipon or Sugpo (alisin ang balbas) 1 bottle San Mig lights (beer) 3 cups All purpose flour 1 tsp. Garlic Powder 1 tsp. Maggie Magic Sarap salt and pepper to taste cooking oil for frying Paraan ng pagluluto: 1. Ibabad ang hipon sa beer at timplahan ito ng asin at paminta. Hayaan itong mababad sa loob ng isang araw. 2. Sa isang zip block o plastic bag, ilagay ang hipon, garlic powder at maggie magic sarap. 3.

PINEAPPLE GLAZED CHICKEN WINGS

Image
Dalawa lang kami sa bahay ng asawa kong si Jolly. Yung tatlo kong anak ay nagbabakasyon sa bahay ng aking biyenan sa San Jose Batangas. Tuwing weekend na lang namin sila binibisita at magdala na din ng mga supplies at pagkain na kailangan nila. Kaya naman ang hirap mag-isip ngayon para sa akin ng iuulam namin at pati na rin yung ipo-post ko sa foodblog kong ito. Kaya pasensya na kayo na every other day na muna ang posting ko ng bago kong recipe. Today, isang simple chicken dish ang handog ko sa inyo. Simple pero masarap. Kahit siguro baguhan pa lang sa pagluluto ay kayang gawin ito. PINEAPPLE GLAZED CHICKEN WINGS Mga Sangkap: 5 to 6 pcs. Chicken wings 2 cups Pineapple tidbits 1/2 cup Soy sauce 1 large White onion slice 3 slices Ginger 2 tbsp. Brown sugar Salt and pepper 1 tsp. constarch (tunawin sa 1/2 tasang tubig) Paraan ng pagluluto: 1. I-marinade ang chicken wings sa asin, paminta, toyo at pineapple tidbits. Overnight mas mainam. 2. Sa isang non-stick na kawali, ilagay ang manok ka

TUNA STEAK ALA POBRE

Image
Last Thursday, nakabili ako ng murang tuna fillet sa Farmers market sa Cubao. Yung kilo nabili ko lang ng P229. Pangkaraniwan kasi dati umaabot ng P280 to P300 ang kilo nito. Sabi nga nung tindero, mura ngayon ang tuna kasi daw maraming hindi nai-export lalo na sa parteng Europe dahil dun sa bulkan na sumasabog sa Iceland. Kaya ayun flooded sa nga palengke ang mga good quality na tuna. 2 Slices lang itong niluto ko na tuna steak. Kinuha ko lang ito dun sa niluto ko na Tuna fillet with white sauce na pinaluto ng asawa kong si Jolly na dadalhin niya sa clinic nila sa Alabang. Bale dun sa 1 kilo na nabili ko, 3 dishes ang nagawa ko. At eto nga ang entry natin for today. Isang simpleng dish na napakasarap. Try it. TUNA STEAK ALA POBRE Mga Sangkap: 2 slices Fresh Tuna 1/2 cup Soy Sauce 1 tbsp. Rice wine 2 tbsp. Worcestershire sauce 3 tbsp. brown sugar 1 head Minced Garlic 4 tbsp. Olive oil 1 large White Onion cut into rings salt and pepper to taste 1 tsp. Cornstarch 1/2 tsp. Maggie magi

FISH FILLET, MUSSELS and SHITAKE MUSHROOM in OYSTER SAUCE

Image
Remember yung Baked Tahong na entry ko the other day? Yes, ito yung kasamahan nung nabili kong 1 kilo na tahong nitong isang araw. Dalawa lang kasi kami sa bahay ngayon. Nasa bakasyon na sa province ang tatlo naming anak. Nung bumibili na ako ng gulay na gagamitin ko sa baked tahong, nakita ko itong fresh shitake mushroom na ito. Stir fried na agad ang naisip kong luto dito. Sa totoo lang, first time ko pa lang na magluto ng fresh na shitake mushroom. Madalas ko lang itong mabasa sa mga food blog at food magazines. Yung fish fillet naman, nagpaluto ang asawa kong si Jolly ng fish fillet with white sauce. Ang ginawa ko, kumuha ako ng mga 100 grams at ito nga ang inihalo ko sa dish nati na ito for today. The result? Ang sarap. Ngayon ko lang nalaman na masarap pala ang fresh na shitake mushroom. FISH FILLET, MUSSELS and SHITAKE MUSHROOM in OYSTER SAUCE Mga Sangkap: 1 cup Tuna Fillet cut into cubes 1 cup Tahong meat 100 grams Shitake mushroom sliced ½ cup Oyster Sauce 1/2 cup Soy sauce 1

TAPSILOG - Tapa Sinangag at Itlog

Image
Alam naman siguro natin na ang Tapsilog ay short for Tapa, Sinangag at Itlog. Ito ang pagkain na hanggang ngayon ay in na in pa rin kahit saang lugar dito sa atin sa Pilipinas. Hindi ko alam kung anong year ito nagsimula, pero natatandaan ko, as early as the 80's ay parang kabuteng nagsulputan ang mga tapsihan sa lahat ng kanto ng metro manila. Kahit nga ang malalaking fastfood chain kagaya ng Jolibee ay nagkaroon na din nito. Maraming variety ang SILOG. Basta ang pinaka-base nito ay ang sinangag nga at itlog. Pwedeng samahan ito ng tocino, tuyo, pritong manok, porkchop at marami pang iba. Ito na marahil ang pambansang almusal ng Pilipinas....hehehehe Although marami namang available na tapa or tocino sa palengke o supermarket, ang i-she-chare ko sa inyo ay ang simpleng pag-gawa ng beef tapa na natutunan ko sa aking Inang Lina. Kung ikaw ang gagawa mas makakatipid ka as compare sa bibilhin mo na timplado na. Try nyo ito...baka makapag-negosyo ka na din sa pamamagitan nito. TAP

BAKED TAHONG in a MICROWAVE OVEN Ver. 2

Image
Eto yung pangalawang version ko ng Baked Tahong na na-post ko na last year of the same month. Yung unang version ay simpleng-simple lang ang pagka-gawa. This time, ginawan ko ng kaunting experiment with the toppings. Wala naman talagang eksaktong recipe para sa baked tahong. Kahit yung paraan ng pagluluto ay magkakaiba din. Kagay nitong una at pangalawa kong version, microwave oven ang ginamit ko. Ofcourse pwede naman talaga sa regular oven, oven toaster o kaya naman ay i-ihaw. With regards naman sa toppings, kahit ano ay pwede. Basta ang base lang niya ay cheese or butter. Kagaya ng nasabi ko sa itaas, medyo nag-experiment ako sa version kong ito. Try it! Ang sarap talaga nito. Sarap nito as ulam o kaya naman ay pulutan. BAKED TAHONG in a MICROWAVE OVEN Ver. 2 Mga Sangkap: 1/2 kilo large size Tahong 1 cup Grated Cheese (quick melt or ordinary cheese) 1/2 tsp. Dried Basil 1/2 pc. White Onion finely chopped 1/2 tsp. Garlic powder 3 tbsp. Olive oil 1/2 tsp. Ground black pepper 3 tbsp. Ch

PAN-GRILLED PORK BELLY in WORCESTERSHIRE SAUCE

Image
Inihaw ang isa sa paborito kong luto sa liempo. Ang problema lang, walang pwedeng pag-ihawan sa tinitirhan naming condo ngayon. Ang solusyon? bakit hindi na lang i-ihaw sa kawali o pan-grill ang gawin. Although, mas masarap pa rin kung sa nagbabagang uling ito lulutuin, okay na din, masarap pa rin ang kinalabasan. Syempre, nasa tamang timpla sa karne ang sekreto ng anumang inihaw na liempo. PAN-GRILLED PORK BELLY in WORCESTERSHIRE SAUCE Mga Sangkap: 1 kilo Pork Belly (Liempo...yung manipis lan ang taba) 3 tbsp. Worcestershire Sauce 4 cloves Minced Garlic salt and pepper to taste 1/2 cup Barbeque Sauce 2 tbsp. Soy Sauce 1 tbsp. Brown Sugar 1 tbsp. Olive oil Paraan ng pagluluto: 1. I-marinade ang karne ng baboy sa asin, paminta, bawang at worcestershire sauce. Hayaan ng mg 30 minuto. Mas matagal mas mainam. 2. Sa isang soup bowl, paghaluin ang barbeque sauce, toyo, brown sugar at olive oil. 3. Sa isang square pan o non stick pan, i-pan-grilled ang liempo hanggang sa maluto at p

SUMMER 2010 - BOCAUE, BULACAN

Image
Last Sunday April 18, 2010, nangyari ang annual summer swimming ng pamilya. Hindi ko na matandaan kung anong year nagsimula ang summer swimming na ito. Siguro mga 12 or 15 years na ito namin ginagawa. Kadalasan, sa isang private pool kami sa Pandi, Bulacan at minsan naman ay sa isang private resort sa Bataan. Basta ambag-ambag o kaya naman ay share-share sa pagkain. May nagdadala ng ulam, yung iba naman ay drinks. As in ang daming pagkain na aming pinagsasaluhan Isang six wheeler na truck ang ginagamit naming sasakyan papunta sa resort. Ang saya-saya naman at mapa-bata o matanda man ay sama-sama dito. Ayan di na maipinta ang mukha ng tatlo kong anak...hehehe. Medyo na-delay kasi ang lakad namin dahil may hinintay pa kaming ibang kasama. Pag-dating sa resort, syempre prepare muna ang mga pagkain na aming kakainin. Ang asawa kong si Jolly at mga pamangkin kong sina Rochelle at Leah ang nag-tuhog ng hotdog para sa mga kids. Ang kapatid kong si Shirley, Ate Susan at Ninan

EGG-DROP SOUP with BOK CHOY

Image
Remember yung beef dish na niluto nitong isang araw? Boiled Beef with Potatoes and Cashiew nuts? Di ba pinakuluan ko yung beef hangang sa lumabot at yung pinaglagaan ay ginawa kong sauce. Yung natira pang sabaw ay itinabi ko at eto nga ang kinalabasan. Egg drop soup with Bok choy. You know what? Ang sarap ng kinalabasan. Hindi ko tuloy mapigil na hindi mai-share ito sa inyo kahit na napaka-simple lang ng mga sangkap at paraan ng pagluluto. Try it!!! EGG-DROP SOUP with BOK CHOY Mga Sangkap: 6 cups Pinaglagaan ng Baka 1 egg beaten 10 pcs. Bok choy leaves 1 small White onion chopped Salt and pepper to taste Paraan ng pagluluto: 1. Sa isang kaserola, pakuluin ang sabaw ng baka. 2. Timplahan ng asin at paminta ayon sa inyong panlasa 3. Ilagay ang Bok choy 4. Ilagay ang binating itlog. Haluin pagkabuhos para hindi magbuo-buo ang itlog. Ihain habang mainit pa. Enjoy!!!

CHICKEN POCHERO

Image
Ang Pochero ang isang pagkain na masasabi ko na isa sa mga paborito ko. Mapa baka man o baboy ang lahok nito ay gustong-gusto ko talaga. Gustong-gusto ko kasi yung lasa na naghahalong asim ng tomato sauce, alat at tamis ng saging na saba. Syempre, yung halo-halong gulay na kasama pa nito. Akala nga ng anak ko kare-kare ang niluluto ko…..hehehehe This time, manok naman ang niluto kong pochero. Bukod pa sa dating kong recipe na ginagamit, nilahukan ko din ito ng chorizo de bilbao na nagdagdag ng sarap at extra flavor sa dish. Yun lang parang nabitin ako sa manok kasi konti lang yung nailahok ko. Well, sa gulay ko ibinunton ang pagka-bitin ko sa manok….hehehehe..healthy pa. CHICKEN POCHERO Mga Sangkap: 1 kilo Chicken legs or whole chicken cut into serving pieces 2 tali Pechay 1/2 Repolyo 100 grams baguio beans 2 pcs. potatoes quatered 5 pcs. Saging na Saba (hiwain ng dalawa) 1 sachet Del Monte tomato sauce 1 large onion quartered 1/2 cup brown sugar salt to taste 1 tbsp. flo

HAM, TOMATOES and CHEESE FRITATTA

Image
May ilang entry na rin ako sa archive about fritatta. Ang sosyal ng dating di ba? Actually nung una naguguluhan din ako kung ano ang pagkakaiba nito sa torta o kaya naman ay sa omellete. Sa tulong ni Wikipedia, naintindihan ko din ang pagkakaiba nito. Yung fritatta mini-mix na yung ibang sangkap sa binating itlog. Samantalang ang omellete naman ay ipinapalaman ito sa binating itlog at saka pino-fold. Yung torta naman ay basta lang natatandaan ko na niluluto ng Inang ko na basta anything na hinaluan ng binating itlog at saka pinirito. Fritters din ata ang tawag dito. At sa fritatta, tinatapos ang pagluluto nito sa oven o kaya naman ay sa broiler. Pwede din na sa kawali na lang mismo. Slow cooking lang dapat para hindi masunog ang itlog at huilaw pa ang loob. Simple lang ang dish na ito. Again, nasa sa inyo na kung ano-anong sangkap pa ang gusto nyong ilagay sa fritatta nyo. Try it. HAM, TOMATOES and CHEESE FRITATTA Mga Sangkap: 7 slices of Square Sweet Ham or any k

BOILED BEEF with POTATOES & CASHIEW NUTS

Image
Sa lahat ng mga pwedeng lutuin, itong sa karne ng baka talaga ako nahihirapan. Mahirap kung anong luto ang gagawin at ang tagal pang palambutin. Bukod pa a may kamahalan ang presyo nito per kilo. Kaya eto nag-experiment na naman ako sa dish na ito. Actually parang malapit siya dun sa niluto ko nang beef with gravy and potatoes. Dito naman nilagyan ko pa ng herb at cashiew nuts to add more flavors sa dish. Hindi naman ako nabigo. Parang roast beef ang kinalabasan at nagustuhan talaga ng mga anak ko ito lalo na yung sauce. Try it! Winner ito.. BOILED BEEF with POTATOES & CASHIEW NUTS Mga Sangkap: 1 kilo Beef Brisket 2 pcs. Large Potatoes cut into cubes 1 cup Toasted Cashiew nuts 1 tsp. Dried Thyme 1 large White Onion sliced 1 tsp. Garlic powder Salt and pepper to taste 1 tbsp. Flour 1/2 cup butter 1 tsp. Maggie magic Sarap Paraan ng pagluluto: 1. Sa isang kaserola pakuluuan hanggang sa lumambot ang karne ng baka (whole) 2. Kung malambot na, hanguin ito sa isang la

GINATAANG HIPON (SWAHE)

Image
Tuwing umuuwi kami sa bayan ng aking asawa sa San Jose Batangas, lagi siyang nagpapabili ng ginataang hibe. Gustong-gusto niya ito maging ang aking biyenan. Hibe ang tawag nila dito although ang hibe in general ay dried shrimp o pinatuyong hipon na isinasahog sa mga nilulutong gulay katulad ng sayote o kaya naman ay upo. Nitong isang araw naisipan kong magluto nito sa bahay para naman masiyahan ang aking asawa. Gustong-gusto din pala ito ng mga anak ko. Nung una, yung malalaking hipon o sugpo sana ang gagamitin ko sa pagluluto. Pero nung makita ko yung mga buhay pa na hipon o swahe, ito na agad ang binili ko. Una mas buhay pa talag yung yung hipon at pangalawa mas mura ito kumpara sa sugpo. Panalo ang ang dish na ito. Lalo na kung naka-kamay kang kumain at may sawsawan ka na pinirat na sili at patis. hehehehe. Winner!!! GINATAANG HIPON (SWAHE) Mga Sangkap: 1 kilo Hipon (Swahe) Kakang gata mula sa dalawang niyog 4 cloves minced garlic 5 slices Ginger 1 large White Onio

A DAY at RICHMONDE HOTEL ORTIGAS

Image
Nakatanggap ako ng Gift Checks ng Richmonde Hotel as a prize for my 10 years service award nung last Christmas party namin sa Megaworld. Yung iba nagamit na namin last January para sa aming wedding anniversary at yung iba naman ay nito ngang last April 9 & 10. Bukod sa masarap nilang breakfast buffet, syempre ang swimming pool nila ang pinupuntahan namin dito. Eto nga at kaka-check-in pa lang namin ay nagyaya na agad ang mga kids na mag-swimming. hehehehe. Indoor at heated ang pool nila dito kaya naman masarap talagang mag-swimming. Kaya naman enjoy na enjoy ang mga anak ko. Ang papel ko dito? Eto taga-kuha ng picture....hehehehe. Hindi naman...nakapag-swimming din naman ako. Nagsawa ako ng kakasaway sa tatlo kong mga anak. Tingnan nyo naman sa pict...talagang harutan to the max sila sa pool. After the swimming sa first day namin. Paglaruan ba ang hair dryer.....hehehehe. Kuha ang picture na ito bago mag-sunset sa bintana ng room namin. Second day, syempre an

CHICKEN, BROCOLI and CARROTS in OYSTER SAUCE

Image
Last Sunday na mag-groceries ako, hindi ko napigilang hindi bilhin ang broccoli na nakita ko sa vegetables section ng SM Supermarket sa SM Makati kahit na may kamahalan ito. Una agad na naisip ko ay lutuin ito with the chicken breast fillet na nabili ko din that day. At stir fry nga ginawa kong luto dito. Sinamahan ko na lang ng carrots pa para madagdag sa gulay. Hindi naman ako nagkamali, masarap at nagustuhan ng aking mga anak ang lutong ito. Yung broccoli nga muntik ko nang maubos bago pa nahalo sa chicken....hehehehe. CHICKEN, BROCOLI and CARROTS in OYSTER SAUCE Mga Sangkap: 500 grams Chicken Breast Fillet cut into cubes 500 grams Broccoli cut into desired pieces 1 large carrots cut into strips or slice 4 cloves minced garlic 1 large Onion chopped 1 thumb size ginger sliced 1/2 cup Oyster Sauce 1/2 cup Soy sauce 1 tbsp. brown sugar 1 tsp. sesame oil 1 tsp. cornstarch salt and pepper to taste Paraan ng pagluluto: 1. I-steam ang broccoli hanggang sa maluto ng kaunti. Huwag i-overcook