BOLA-BOLA in SWEET & SOUR Sauce


Almondigas o Bola-bola na may misua at patola ang dapat sana ang lulutuin ko sa giniling na baboy na ito. Nakabili na ako ng mga sangkap maliban na lang sa patola. Nang tanungin ako ng asawa ko kung ano ang ulam, sabi ko almondigas nga. Ayaw daw niya nun. I-prito ko na lang daw. Kaya eto, para naman hindi maging plain na bola-bola, nilagyan ko na lang ng sweet and sour sauce. Alam nyo ba? Nagustuhan ng mga anak ko ang luto kong ito. Lahat silang tatlong naka-dalawang balik ng kanin at humirit pa ng 1 pang bola-bola.....hehehehe.

Nakakatuwa lang na nagugustuhan ng mga mahal mo sa buhay ang niluluto mo o kahit na ano sigurong ginagawa mo. Di ba? Iba ang pakiramdam nung may nakaka-appreciate ng effort na ginagawa mo. Thanks to my kids.....hehehehe


BOLA-BOLA in SWEET & SOUR Sauce


Mga Sangkap:

Para sa bola-bola:

500 grams Giniling na Baboy

1 small carrots finely chopped

1 large red onion finely chopped

1/2 cup dried mushroom (ibabad sa tubig at hiwain din ng pino)

1/2 cup chopped wansuy or kinchay

1 tbsp. sesame oil

2 eggs beaten

1/2 cup cornstarch

salt and pepper

1 8g sachet maggie magic sarap

cooking oil for frying

For the sauce:

1/2 cup tomato catsup

2 tbsp. cornstarch

1 thumb size ginger (hiwain na parang palito ng posporo)

1/2 pc. carrot (hiwain din na parang paliuto ng posporo)

1/2 red bell pepper (parehas na hiwa ng carrots)

1 small onion

2 cloves minced garlic

2 tbsp butter

3 tbsp. sugar

salt and pepper


Paraan ng pagluluto:

1. Sa isang bowl, paghaluin lahat ng sangkap ng bola-bola maliban sa cooking oil.

2. Gumawa ng mga bola-bola ayon sa laki na nais ninyo. Ilagay sa isang lalagyan.

3. Sa isang kawali, i-prito ang mga bola-bola hanggang sa mag-golden brown. Hanguin sa isang lalagyan.

4. Para sa sauce: Sa isang kawali, igisa ang luya, bawang at sibuyas sa butter.

5. Isunod na ilagay ang carrots at red bell pepper

6. Ilagay ang catsup at kaunting tubig. Timplahan ng asin, paminta at asukal.

7. Ilagay ang tinunaw na cornstarch para lumapot ang sauce.

8. Tikman ang i-adjust ang lasa ayon sa inyong panlasa.

9. Ibuhos ang sauce sa piniritong bola-bola

Ihain habang mainit pa.

Enjoy!!!

Comments

Anonymous said…
sir thanks sa idea! sobrang dami ko kc n ground beef di ko alam kung pno ko lulutuin yun. try ko tong bola bola na ground beef in sweet and sour sauce. hehe.
August 28, 2009 at 3:18 AM
Dennis said…
Tama ka...huwag mong kalimutang lagyan din ng kinchay or wansuy. Mas masarap ang kakalabasan ng niluto mo. Kaya mo yan....hehehe


Dennis
August 28, 2009 at 8:21 AM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more