AFRITADANG MANOK



Before ko gawin ang entry ko na ito for today, nag-browse muna ako sa internet for this afritada recipe. Madami namang lumabas at isa-isa kong binasa. Nakakatawa lang kasi halos pare-pareho ang recipe at procedure nung mga nabasa ko. I mean as in carbon copy. Sino kaya ang original sa kanila? hehehehe. Yung isa pinalit-palit lang ang mga sangkap. hehehehehe.

Itong recipe ko namang ito ay kung papaano ito niluluto ng aking Inang Lina. Kung baga, lumaki ako na ganito ang alam kong luto ng afritada. Nilagyan ko na lang ng iba pang pampasarap para maging mas malinamnam ang finished product.


AFRITADANG MANOK

Mga Sangkap:

1 whole chicken cut into serving pieces

1 sachet(200g) Del Monte tomato sauce

2 pcs. Medium size potatoes quatered

1 large carrots cubes

1 large Red bell pepper cubes

1/2 cup grated cheese

2 small cans Green peas or guisantes

4 cloves minced garlic

1 onion chopped

Paraan ng Pagluluto:
1. Sa isang kaserola, igisa ang bawang at sibuyas. Halu-haluin ng mga ilang sigundo.
2. Ilagay ang manok. Timplahan ng asin at paminta. Halu-haluin. Takpan at hayaang masangkutsa.
3. Ibuhos ang sabaw ng guisantes sa nilulutong manok. Ilagay na din ang patatas, carrots at siling pula o red bell pepper. Takpan muli.
4. Kung malapit ng maluto ang patatas, ilagay ang tomato sauce. Halu-haluin at hayaan ng mga 5 minuto.
5. Ilagay na din ang grated cheese at green peas o guisantes.
6. Tikman at i-adjust ang lasa.
Ihain kasama ang mainit na kanin.
Enjoy!!!

Comments

cool fern said…
dennis, native na manok mas malasa
December 12, 2009 at 4:03 AM
Dennis said…
Yes...pero ang native na manok kasi medyo matigas ang meat. So okay yun sa mga may sabaw na dish kagaya ng tinola, sinampalukan o kaya naman arroz caldo.

Ang ginamit ko dito ay yung manok na bagong katay. As in mainit-init pa yung manok ng mabili ko at nakikita mo talaga nung tinatanggalan ng balahibo...hehehehe

Thanks friend


Dennis
December 12, 2009 at 8:01 AM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more