MEAT BALLS with MUSHROOM in WHITE SAUCE


See picture pa lang parang ang sarap-sarap na ng entry natin for today. Lalo pa siguro kung matikman nyo ito. Masarap talaga.
Sa pag-luluto ng meat balls o bola-bola, wala naman talagang eksaktong recipe. Nasa sa atin yun kung ano ang mga sangkap na gusto natin isama. Kanya-kanyang diskarte kung baga.
Katulad nitong niluto ko, sibuyas, mushroom at parsley lang ang ibang sangkap bukod syempre sa asin at paminta.
Ang nagpasarap sa kabuuan ng lutong ito ay ang sauce. Yun ang nagdala sa lutuing ito.

MEAT BALLS and MUSHROOM in WHITE SAUCE

Mga Sangkap:


For the Meatballs:
½ kilo Pork giniling
5 pcs. Dried Mushroom
2 medium onion finely chopped
2 tbsp. Oyster sauce
1 tsp. ground black pepper
1 tsp. salt
4 cloves minced garlic
1 cup Parsley chopped
1 tsp. Maggie magic sarap
1 tsp. garlic powder
2 eggs
1 cup flour
1 tsp. sesame oil
For the sauce:
½ cup butter
1 small can Alaska Evap
1 big can Whole button mushroom
1 tbsp. Flour

Paraan ng Pagluluto:
1. Sa isang bowl, pagsama-samahin ang lahat ng sangkap para sa meatballs. Haluing mabuti. Maaring mag-steam o mag-prito ng kaunti para matikman ang lasa. I-adjust ang lasa kung nais.
2. Gumawa ng mga bola-bola ayon sa nais ninyo na laki.
3. I-prito ito sa kumukulong mantika hanggang sa pumula ng kauntin. Huwag i-over fried dahil isasama pa natin ito sa white sauce. Hanguin sa isang lalagyan.
4. Sa isang sauce pan o kawali, bahagyang i-orito ang button mushroom sa butter.
5. Ilagay ang sabaw ng button mushroom, timplahan ng asin at paminta at hayaan ng mg 2 minuto.
6. Ilagay ang Alaska evap at tinunaw na harina. Halu-haluin hanggang makuha ang tamang lapot ng sauce. Maaring lagyan ng tubig kung kinakailangan. Tikman at i-adjust ang lasa.
7. Ilagay ang piniritong bola-bola. Halu-haluin hanggang sa ma-coat ang lahat ng bola-bola ng white sauce.
8. Hanguin sa isang lalagyan at lagyan ng chopped parsley sa ibabaw.

Ihain habang mainit pa. Masarap kainin ito sa kanin o kaya naman ay sa paborito ninyong tinapay.

Enjoy!!!!

Note: Pwede din na all purpose cream ang gamitin sa halip na evap milk. Kung cream, pwede nang hindi lagyan ng harina ang sauce.

Comments

Anonymous said…
hi Dennis last week i tried this meat balls recipe but i used coconut milk instead of evaporated milk oh! super sarap talaga thank you for sharing those yummy recipe greetings from your kababayan here in the netherlands

Popular posts from this blog

Sinigang na Baboy

Tinolang Manok

FOOD SUGGESTIONS para sa mga MAHAL na ARAW