BEEF and ASPARAGUS in OYSTER SAUCE



Mahirap din pala ang food blogging. Syempre dapat mga fresh ideas or recipes ang pino-post mo. Or yung mga recipes na dati na may twist na kasama. Otherwise, baka tamaring bumisita ang mga regular visitors mo.

And it’s a challenge for me to think ng mga recipes na lulutuin ko at ipo-post sa blog na ito. Madalas nag-che-check ako sa Internet for new recipes tapos binabago ko nalang yung ibang sangkap at paraan ng pagluluto.

Kagaya nitong entry ko for today. Napaka simple. Pero ang ginawa ko naman dito ay binago ko ang pamamaraan ng pagluluto. Ang resulta? Masarap pa din.


BEEF and ASPARAGUS in OYSTER SAUCE

Mga Sangkap:

1/2 kilo Thinly Sliced Beef

150 grams Asparagus cut into 1 inch long

1/2 cup Oyster Sauce

1/2 cup Soy Sauce

1 large White Onion sliced

5 cloves minced garlic

1 thumb size ginger sliced

1 tbsp. brown sugar

1 tsp. Sesame Oil

salt and pepper to taste


Paraan ng pagluluto:

1. Timplahan ang baka ng asin, paminta at toyo. Hayaan ng mga 15 minuto.

2. Sa isang kaserola, lutuin ang binabad na baka kasama ang marinade mix at 2 tasang tubig hanggang sa lumambot. Maaring lagyan pa ng tubig kung kinakailangan.

3. Sa kalagitnaan ng pagluluto, ilagay ang bawang at luya.

4. Kung malambot na ang karne, ilagay ang asparagus, oyster sauce at ginayat na sibuyas. Halu-haluin. Dapat kakaunti na ang sauce pag inilagay na ang mga sangkap na ito.

5. Timplahan ng brown sugar at i-adjust ang lasa.

6. Lagyan ng sesame oil at saka hanguin sa isang lalagyan.

Ihain habang mainit pa.

Enjoy!!!!

Comments

We Ate This! said…
Mukhang masarap itong beef recipe mo. Bihira lang ako kumain ng beef pero ang mister ko ay paborito ang beef. Naiisip ko, mukhang masarap din na replacement sa asparagus ang broccoli. Ano sa tingin mo?
May 8, 2010 at 6:29 PM
Dennis said…
Tama ka dyan....actually dapat broccoli ang ilalagay ko dyan kaya lang naisip ko may entry na ako na ganun. Beef with broccoli. Nang makita ko ang fresh na asparagus sa palengke hindi ako nagdalawang isip na ipalit yun sa broccoli.

:)
May 8, 2010 at 7:12 PM
Unknown said…
Imaginative kayo sa recipes nyo. I visit your blog almost everyday. Parang dyaryo ko na haha. Keep up the good work.
May 11, 2010 at 8:49 AM
Dennis said…
Thanks Vanessa.... :)
May 11, 2010 at 12:08 PM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more