BAKED ALASKA / DULCE DE LECHE

Nito ko lang nalaman na Dulce de leche pala ang tawag dito sa entry natin for today. Noong araw as in my elementary days, Baked Alaska ang tawag namin dito. Gustong-gusto ko itong papakin o kaya naman ay ipalaman sa tinapay o pandesal.
Sinubukan kong gumawa nito after kong mabasa sa isa pang food blog ang tungkol dito. Doon ko din nalaman na Dulce de Leche pala ang tawag dito. Nagbalik tuloy sa aking ala-ala nung araw na gustong-gusto ko ito sa tinapay. Kaya naman gumawa agad ako nito at pinatikim sa aking mga anak.
Ipinalaman ko ito sa tinapay na baon nila sa school at talaga namang nagustuhan nila. nag-worry lang ng konti ang aking asawa dahil masyado daw matamis ito. Well, hindi naman lagi itong kinakain kaya okay lang.


Para gumawa ng Baked alaska o Dulce de Leche, magpakulo ng tubig sa isang kaserola. Dapat lubog dito ang lata ng condensed milk. Kapag kumukulo na ilagay ang lata ng condensed milk at hayaang maluto ito sa loob ng 1-1/2 hanggang 2 oras sa mahina lang na apoy. Maaring lagyan ng tubig pa kung kinakailangan.

Hayaan munang lumamig ang lata bago buksan at kainin.

Masarap din itong ipahid sa sumang malagkit, sa toasted bread o pandesal o kaya naman ay sa puto. Samahan mo pa ng mainit na tsaa o kape ay talaga namang solve na solve ang meryenda mo. Hehehehehe

Enjoy!!!

Comments

J said…
Hi Kuya! Dito sa States, ang Baked Alaska ay ice cream na nilalagyan ng meringue at bine-bake sa oven. ;-)
Dennis said…
Hi J! Sabi ko nga yan ang tawag nung bata pa ako. Nito ko lang nalaman ang ang tawag din pala dito ay dulce de leche.

Pero masarap siya ha...hinay-hinay lang at may katamisan ito.


Dennis
i♥pinkc00kies said…
I like spreading condesed milk (just the one straight from the can) to my wheat bread toast! :D I also like coco jam.. Haha. I usually eat dulce de leche with banoffee pie or cakes.
Dennis said…
Me too mypinkcookies....nalala ko tuloy nung bata pa ako..yan ang madalas na palaman namin sa tinapay.....hehehehe

Popular posts from this blog

Sinigang na Baboy

Tinolang Manok

FOOD SUGGESTIONS para sa mga MAHAL na ARAW