ADOBONG LIEMPO at ATAY na may HONEY


Sino bang Filipino ang hindi nakaka-alam ng lutong Adobo. Kung mayroon siguro tayong pambansang ulam, ito ay ang Adobo.

I love Adobo. Mapa manok man o baboy...o kaya naman ay kahit ano pa man ay pwedeng i-adobo. Hindi ko pa rin mahigitan ang adobo ng aking namayapang Inang Lina. Ewan ko ba... but I'm still trying.

Itong adobo entry ko for today ay wala namang masyadong pagkakaiba sa mga adobo na nai-post ko na sa blog kong ito. Ang pagkakaiba lang nito ay ang pamamaraan na ginawa ko na nabasa ko naman sa isa sa mga paborito kong food blog ang http://homecookingrocks.com/ ni Connie Veneracion. Sinunod ko ang pamamaraan niya ng pagluluto ng adobo at masarap nga ang kinalabasan. Ako kasi basta pagsasama-samahin ko lang ang lahat ng sangkap at yun na. Pero dito sa version kong ito yun na nga ang ginawa ko. Try nyo din.


ADOBONG LIEMPO at ATAY na may HONEY

Mga Sangkap:

1 kilo Pork Kasim or Liempo cut into cubes
1/2 kilo Pork Liver cut also into cubes

1/2 cup Vinegar

1 cup Soy Sauce

1 head Minced Garlic

1/2 tsp. Ground Black pepper

1 tsp. Garlic Powder

1/2 cup Honey

1/2 tsp. Rock Salt

Paraan ng pagluluto:

1. Sa isang kaserola ilagay ang karne ng baboy, asin, paminta, bawang, suka at 1 tasang tubig.

2. Pakuluan ito hanggang sa lumambot ang karne. Maaring lagyan pa ng tubig kung kinakailangan.

3. Kung malambot na ang karne, ilagay ang toyo at atay ng baboy. Hayaan kumulo ng mga 5 minuto.

4. Ilagay ang honey at halu-haluin. Hayaan muling maluto sa mahinang apoy hanggang sa kumonte na lang ang sauce.

5. Tikman at i-adjust ang lasa.

Ihain kasama ang mainit na kanin.

Enjoy!!!

Comments

Popular posts from this blog

KALDERETANG BUTO-BUTO

TORTANG ALIMASAG (Crab Meat)