SINIGANG na HIPON sa CALAMANSI


Sa mga pagkaing Pilipino na may sabaw marahil nangunguna sa listahan natin ang sinigang. Mapa baboy man o isda, baka man o manok, o kahit na seafoods pa ang laman nito, panalong-panalo talaga ang asim ng sabaw nito. Kung mag Tom Yum ang Thailand, syempre hindi naman papatalo ang ating sinigang.

Maraming pang-asim an pwedeng gamitin sa sinigang. Ofcourse pinaka-common dito ang sampalok. Pwede din ang kamyas, santol, manggang hilaw o kaya naman ay calamansi. Kahit saang parte ng Pilipinas ay may kaniya-kanyang version ng sinigang. Depende na lang siguro kung anong pang-asim ang available sa lugar na yun.

Kaya nga sa recipe kong ito for today, naalala ko ang sinigang na bangus sa calamansi na inihain sa amin ng aking Ate Mary Ann nung huling beses na dumalaw kami sa aming lugar sa Bocaue Bulacan. Nagustuhan ko talaga yung asim ng calamansi na kanyang inilagay. Kaya naman ito din ang ginamit ko sa sinigang na hipon na ito na niluto ko.


SINIGANG na HIPON sa CALAMANSI
Mga Sangkap:
1 kilo Hipon o Sugpo (alisin ang sungot o balbas)
1/2 cup Katas ng Calamansi (or more depende sa asim na gusto ninyo)
1 taling Sitaw
1 taling Kangkong
1 pc. Labanos hiwain ng palihis
4 pcs. Siling pang-sigang
2 pcs. Kamatis quartered
1 large Onion Sliced
patis or salt to taste
Paraan ng pagluluto:
1. Sa isang kaserola, magpakulo ng tubig o hugas bigas. Ang dami ay depende sa nais na dami ng sabaw.
2. Ilagay na ang sibuyas, kamatis, sitaw, siling pang-sigang at labanos.
3. Kung malapit nang maluto ang mga gulay, ilagay na ang hipon at katas ng calamansi.
4. Timplahan ng asin o patis ayon sa inyong panlasa. Hayaan ng mga 5 minuto.
5. Huling ilagay ang kangkong.
6. Tikman ang sabaw at i-adjust ang lasa.
Ihain habang mainit pa ang sabaw. Gawing sawsawan ang pinirat na siling pang-sigang at patis.
Enjoy!!!!

Comments

J said…
Parang nangasim ako kuya... di ko pa na-try ang sinigang sa calamansi. Try ko kaya with lime? Hehehe.
November 4, 2010 at 1:45 AM
Dennis said…
Hindi kaya npapait ang sinigang mo kung lime ang gagamitin? parang hindi pwede....
November 4, 2010 at 5:33 PM
Anonymous said…
the best yang sinigang na hipon sa calamansi... proven tested na yan sa aming lugar sa Mindoro.. walang sinabi ang ibang pang asim! promise...!! basta sa hipon lang ,calamansi ang masarap.
November 17, 2014 at 2:57 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more