PENNE CHEESE & PIMIENTO PASTA

Lahat kami sa pamilya ay marunong magluto. Siguro ito ang namana namin sa aming namayapang Inang Lina. Kaya naman nitong nakaraang Media Noche ay hindi ako masyadong nahirapan dahil kaming lahat ay may kani-kaniyang dish na niluto. Nakakatuwa nga, kasi ba naman, komo nag-attend pa kami ng party bago pumutok ang bagong taon at 11pm na natapos, talaga namang pandalas kami sa pagluluto para umabot sa 12 midnight. Hehehehe. Halos mag-ekis-ekis kami sa kusina habang nagluluto. Buti na lang ang tatlo ang kalan na pwede naming gamitin. Hehehehe

Dalawang dish lang ang niluto ko. Yung isa Roasted baby back ribs at ito ngang penne pasta na entry ko for today.

Madali lang yung sa baby back ribs. I-kwento ko na lang separate entry ko. Ito namang sa pasta dish na ito, niluto ko na ang pasta ng mas maaga at nung bago nga mag-new year ko naman niluto ang sauce. Kahit madalian ang luto na ginawa ko dito ay talaga namang super sa sarap ang kinalabasan. Gustong-gusto ko yung lasa ng pimiento , yung cheese wiz at yung bacon na inilahok ko dito. Kung baga, swak na swak ang mga lasa nila sa isat-isa.


PENNE CHEESE & PIMIENTO PASTA

Mga Sangkap:

500 grams Penne pasta cook according to package direction

2 cups Cheese Wiz Pimiento flavor

1 cup All Purpose cream

1 small can Pimiento or 2 Red bell pepper cut into small cubes

250 grams Bacon cut into small pieces

1 cup grated cheese

1 cloves minced garlic

1/2 cup butter

salt and pepper to taste

Paraan ng pagluluto:

1. Sa isang non-stick na kawali, i-prito ang bacon sa butter hanggang sa maging crispy. Hanguin sa isang lalagyan.

2. Igisa ang bawang hanggang sa mag-golden brown ang kulay.

3. Sunod na ilagay ang hiniwang pimiento o red bell pepper. Halu-haluin

4. Ilagay na ang cheese wiz at all purpose cream. Haluing mabuti hanggang sa lumapot a ng sauce.

5. Timplahan ng asin at paminta

6. Ilagay ang nilutong penne pasta at haluing mabuti hanggang sa ma-coat ng sauce ang lahat ng pasta.

7. Hanguin sa isang lalagyan at ibudbod sa ibabaw ang nilutong bacon.

Ihain habang mainit pa.

Enjoy!!!!

Comments

Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more