ROASTED BABY BACK RIBS in PINEAPPLE JUICE and HOISIN SAUCE




Paborito sa bahay ang roasted baby back ribs. Pansin nyo nung pasko at bagong taon may handa kaming ganito? In different flavors ha. hehehehe.

Ang masarap kasi sa dish na ito, yun nga, pwede kang mag-experiment ng mga flavor. Pwede kang gumamit ng kung ano-anong spices at seasonings para mapasarap pa lalo ang ribs.

Sa lahat ng mga version ko, itong entry nating ito for today ang the best. Tamang-tama kasi yung lasa at yung lambot ng karne. Sarap to the bones kung baga. Siguro na-tyempuhan ko lang yung tamang karne na ginamit ko at yung tamang tagal ng pagpapalambot. Ang verdict ng mga anak ko? Ayun humihirit pa na magluto daw ako ulit nito. Hehehehe


ROASTED BABY BACK RIBS in PINEAPPLE JUICE and HOISIN SAUCE

Mga Sangkap:
1.5 kilo Baby back ribs
3 cups Unsweetened Pineaple juice
1 head Minced Garlic
1 tsp. Ground Black pepper
2 cups BrownSugar
1 tbsp. Salt
1 cup Soy sauce
For the Glaze Sauce:
2 tbsp. Hoisin Sauce
2 tbsp. Soy Sauce
1 tbsp. Brown Sugar

Paraan ng pagluluto:
1. Sa isang kaserola, ilagay ang bawang, pineapple juice, asin, paminta at brown sugar. Ilagay na din ang baby back ribs at lagyan ng tubig. Dapat halos lubog ang karne. Pakuluuan ito hanggang sa lumambot ang karne. Maaring lagyan pa ng tubig kung kinakailangan.
2. Paghaluin ang sauce na ipapahid sa ribs.
3. Lutuin muli ang baby back ribs sa turbo broiler o sa oven sa init na 250 degrees hanggang sa pumula ang balat nito.
4. Pahiran ng glaze sauce ang paligid ng karne from time to time.

Maaring ibuhos o ipahid pa ang natitirang sauce sa karne bago ihain.

Enjoy!!!!

Comments

J said…
Katakam takam ang pineapple at hoisin. Patikim kuya ha! Hehehe.
January 19, 2011 at 10:43 AM
Dennis said…
Yummy!!!! It melts in the mouth...hehehehe. Try mo ito J...simple pero masarap talaga.
January 19, 2011 at 12:08 PM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more