NILAGANG BAKA - Level Up


Ang nilagang baka marahil ang pinaka-madaling lutuing ulam para sa ating pamilya. Walang kumplikadong na mga sangkap at as in tambog-tambog lang ang pamamaraan ng pagluluto nito. Kahit siguro hindi marunong magluto ay mailuluto ang soup dish na ito.

Sa amin sa Bulacan, kahit simple lang ang dish na ito ay itinuturing na espesyal na ulam ito. Kung araw ng Linggo o kaya naman ay may bisita, nilagang baka ang soup o ang ipinauulam. Espesyal marahil komo nga medyo may kamahalan ang karne ng baka.

Masarap na ilaga ang baka na may buto-buto. Di ba nga panalo ang bulalo sa ating panlasa. Hindi ako masyadong bumubili ng mga mabutong karne. Although masarap naman talaga ito sa mga masabaw na dish, sayang din kasi komo nga matatapon din lang ang buto pagkatapos.

Sa nilagang baka kong ito. Ini-level up ko ito sa pamamagitan ng paglalagay ng iba pang mga sangkap para mapalasa o mapasarap ang sabaw kahit walang buto na inilahok sa pagpapalambot. Ang sekreto? Nilagyan ko ng dried mushroom, carrots at leeks. Try nyo ito. ito din ang ginagamit ng mg Tsino sa kanilabng mga beef soup.

NILAGANG BAKA - Level Up

Mga Sangkap:

1 kilo Beef Brisket

2 pcs. Dried Mushroom

1 Carrots cut into cubes

2 tangkay na Leeks

1 tali Pechay

1/2 Repolyo

1 large Onion

Paraan ng pagluluto:

1. Palambutin ang karne ng baka na may timplang asin at pamintang buo.

2. Kung malambot na ang karne, ilagay ang hiniwang sibuyas at dried mushroom.

3. After ng mga 5 minuto saka ilagay ang carrots at leeks.

4. Huling ilagay ang repolyo at pechay.

5. Tikman at i-adjust ang lasa.

Ihain habang mainit pa.

Enjoy!!!!

Comments

J said…
paborito ko ito, kuya! Kaso ang mahal ng baka hehehe.
February 23, 2011 at 8:25 AM
Dennis said…
Yun na nga J....pero yun ang ang punto ko sa entry ko na ito. Pwedeng half kilo na lang yung karne ng baka at lagyan mo na lang ng maraming gulay. Para hindi bitin yung lasa ng baka lagyan mo ng dried mushroom. Tiyak yan masarap pa rin ang nilagang baka mo. :)
February 23, 2011 at 12:14 PM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more