BARBEQUE ISAW, MUGS, CHICKEN at IBA PA....

BARBEQUE ISAW, MUGS, CHICKEN at IBA PA

Last Sunday April 10, umuwi kami ng aking mga anak sa aming probinsya sa Bocaue, Bulacan. Medyo matagal na din kasi kaming hindi nakakapasyal. Ang last ay noong January 1 pa. Tuwang-tuwa naman ang mga bata dahil kahit papaano ay makakapag-bakasyon sila doon kahit 1 week lang. Sabik na sabik kasi sila sa probinsya kasi nga malawak ang pwede nilang paglaruan, masarap ang hangin at syempre ang pagkain. Nadatnan namin ang kapatid kong si Shirley (picture sa itaas) na naghahanda ng kanyang mga paninda na barbeque. Ito ang kanyang pinagkakakitaan bukod pa sa mga lutong ulam na itinitinda din niya.


Mga street food na maituturing ang mga ganitong klaseng pagkain. Kahit nga dito sa Manila ay patok na patok ang mga ganitong pagkain. Meron nga akong nakita na food kiosk sa may MRT sa Cubao, talaga namang ang haba ng pila dun sa nagtitinda ng isaw at kung anon-ano pa.


Ang mga picture na nakikita nyo ang ilan lang sa mga bina-barbeque ng aking kapatid. Yung picture sa taas (2nd picture) ay chicken intentine at ito namang nasa itaas ay isaw at bituka din ng baboy naman. Mugs ang tawag sa bituka ng baboy kapag na-fried na o naihaw.


Ang picture naman sa itaas ay boneless chicken barbeque.


Konti lang daw ang tinda nung araw na yun dahil hindi naka-pamalengke ang aking kapatid.


Tinanong ko din pala kung papaano nila ito ginagawa. At eto ang ilang info na nakuha ko.


1. Dapat mahugasan o malinis na mabuti ang isaw o bituka na gagamitin. Otherwise hindi magiging kaaya-aya ang lasa ng inyong barbeque.


2. Papakuluan ang mga ito sa barbeque sauce hanggang sa lumambot. Yung sa chicken, hindi na kailangan itong pakuluan dahil madali lang naman itong maluto.


3. I-ihaw ang mga ito sa baga, at pahiran ng pinaghalong barbeque sauce at catsup na may konting mantika ang iniihaw.


Ang pinaka-key sa masarap na barbeque ito ay ang lasa ng marinade mix na pagpapakuluan. At syempre dapat malinis na malinis at walang amoy ang mga isaw at bituka na gagamitin.


Ang sarap kainin nito lalo na kung ilulubog mo siya sa sukang may sili at toyo. Pang-ulam o kaya naman ay pulutan.


YUMMY!!!!!


Comments

cusinera said…
Naku, ang sarap sarap naman lahat niyan. Self confess Street food addick ako, noong bata at hanggang ngayon. Mas masarap pag binibili kaysa ako gumagawa...LOL! ang weird ano?
April 11, 2011 at 6:16 PM
J said…
Kuya pabili naman sa kapatid mo. Pero parang mas mahal pa ang shipping kesa sa inihaw diba?
April 12, 2011 at 10:21 AM
Dennis said…
@ Cusinera.....me too...hehehe...sarap kaya ng isaw...hehehe. Pero di na ako masyado ngayon...nananakit kasi ang mga buto-buto ko pag kumakain ako ng laman-loob...hehehe
April 12, 2011 at 12:21 PM
Dennis said…
@ J....Oo nga...P10 lang ang isang stick nun...hehehe. alam m ba na sa SM supermarket meron nang mga ganito sa frozen section nila? O di ba..iihaw mo na lang....hehehe
April 12, 2011 at 12:22 PM
Cheerful said…
wow, ang sasarap ng foods...kakagutom po dito sa website mo! btw, followed you, hope you can follow me back...salamat po! have a great weekend! :) -PinayMum - Mommy's Life Around...!
April 16, 2011 at 11:08 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more