BUFFALO WINGS

Noon ko pa gustong i-try na magluto nitong buffalo chicken wings. Komo maanghang ang dish na ito, hindi ko ma-try at baka hindi makakain ang mga anak ko. Ngayong 2 lang kami ng asawa ko sa bahay, natuloy na din ang pagluluto ko nitong dish na ito.

Mga ilang recipe at paraan ng pagluluto din ang nabasa ko para sa dish na ito. Ang common lang sa kanila ay yung pagka-spicy nito. Yung iba ay walang breadings na ginamit yung iba naman ay meron. Yung iba din isinasama na yung spicy sauce sa piniritong wings, yung iba naman inilalagay na lang as a dip.

Well, kahit ano pa man ang pamamaraan at sangkap na ginamit, masarap talaga ang dish na ito. Pwede itong pampagana bago ang main course o kaya naman ay pulutan sa isang inuman.


BUFFALO WINGS

Mga Sangkap:
10 pcs. Chicken Wings
1 tsp. Paprika
1 tsp. Chili Powder (depende kung gaano kaanghang ang gusto ninyo)
3 pcs. Calamansi
1/2 tsp. ground Black Pepper
1 cup Instant Chicken Breading Mix
For the Dip:
1/2 cup Mayonaise
1/4 cup Milk
2 tbsp. Olive oil
1/4 tsp. Paprika
Salt and pepper to taste

Paraan ng pagluluto:
1. Sa isang mixing bowl i-marinade ang chicken wings sa katas ng calamansi, paprika, chili powder, paminta at breading mix. Hayaan ng mga 30 minuto sa loob ng freezer para kumapit ang breading mix.
2. Lutuin ito sa turbo broiler hangang sa pumula ang balat. Kung walang turbo broiler i-prito nyo na lang ito ng lubog sa mantika.
3. Para sa dip, paghaluin lang ang lahat ng sangkap. Tikman at i-adjust ang lasa.

Ihain habang mainit pa.

Enjoy!!!!

Comments

Popular posts from this blog

Sinigang na Baboy

Tinolang Manok

FOOD SUGGESTIONS para sa mga MAHAL na ARAW