HONEY-PINEAPPLE CHICKEN

Mula nang maumpisahan ko ang food blogging, natutunan ko na ang mag-experiment sa aking mga niluluto. Awa naman ng Diyos nakakain naman ang lahat ng niluluto ko. Kapag may bago nga akong naluto, sasabihin ng bunso kong anak na si Anton, "Daddy imbento mo yan?". hehehehe.

Pininyahang Manok sa unang tingin, pero komo ilagyan ko pa ng pure honey bee, mas naging masarap ang katakamtakam ang chicken dish na ito. Nilagyan ko din ng turmeric powder to add color at extra flavor.

Try nyo din ito, masarap at madali lang lutuin.


HONEY-PINEAPPLE CHICKEN

Mga Sangkap:
1 kilo Chicken Thigh fillet (cut into bite size pieces)
1 big can Pineapple chunk
1 tsp. Turmeric Powder
1/2 cup Pure Honey Bee
5 cloves minced Garlic
1 large Red Onion sliced
1 thumb size Ginger sliced
Salt and pepper to taste

Paraan ng pagluluto:
1. Timplahan ang manok ng asin at paminta. Hayaan ng mga 30 minuto.
2. Sa isang non-stick na kawali i-helera ang mga manok sa ilalim yung may balat na part. Isalang sa apoy at hayaang pumula ng bahagya.
3. Ilagay ang luya at bawang. Halu-haluin.
4. Ilagay ang mga 2 tasang sabaw ng pineapple chunk. Takpan at hayaang maluto o hanggang sa kumonte na lang ang sabaw o sauce.
5. Ilagay ang sibuyas at honey. Halu-haluin hanggang sa ma-coat ang lahat ng manok ng sauce.
6. Tikman ang sauce at i-adjust ang lasa. Maaring dagdagan ng asin o asukal.

Hanguin sa isang lalagyan at ihain habang mainit pa.

Enjoy!!!!

Comments

J said…
Sarap kuya. Parang pininyahang manok + honey chicken + curry! Panalo ito.
Yup..parang ganun...pero walang curry powder ha....turmeric powder para magka-kulay lang.

Thanks J

Popular posts from this blog

KALDERETANG BUTO-BUTO

KALDERETANG BUTO-BUTO ala BATANGAS

HALABOS na HIPON sa SPRITE, BAWANG at MARGARINE