PORK BALLS with ORANGE-HOISIN SAUCE

Nakakatuwa talaga ang mag-experiment sa paghahalo ng ibat-ibang flavors sa pagkain. Ito ang pinagkakaabalahan ko nitong mga nakaraang araw. Ofcourse may mga sablay din. Hehehe. Pero sa mga sangkap naman na gagamitin ay medyo mai-imagine mo na ang kakalabasan ng lasa.

Kagaya nito simpleng bola-bola na niluto ko. Sa halip na catsup ang maging sawsawan, gumawa ako ng sauce na may hoisin sauce at katas ng orange. Winner ang sauce. Kung baga nag-level up ang simpleng bola-bola.

Try nyo din.




PORK BALLS with ORANGE-HOISIN SAUCE

Mga Sangkap:
1/2 kilo Ground Pork
1 large White Onion finely chopped
1/2 tsp. 5 Spice Powder
1/2 tsp. Ground Black pepper
1 tbsp. Hoisin Sauce
1 tbsp. Soy Sauce
1 tbsp. Oyster Sauce
1 pc. Egg
2 tbsp. Cornstarch
1 tsp. Sesame oil
Salt to taste
For the Sauce:
1 tsp. grated Ginger
1 tbsp. Hoisin Sauce
1 tsp. Orange Zest
1/3 cup fresh Orange juice
1 tsp. Cornstarch
1/2 cup water
1 tbsp. Brown Sugar
1 tsp. Sesame oil
Salt and pepper to taste

Paraan ng pagluluto:
1. Sa isang bowl, paghaluin ang mga sangkap para sa bola-bola. Maaring mag-steam ng kaunti nito para matikman kung ayos na ang timpla.
2. Gumawa ng mga bola-bola na kasing laki ng golf balls o kung gaano kalaki ang gusto ninyo.
3. Ilagay muna sa fridge para ma-set ng konti.
4. I-prito ito sa kumukulong mantika hanggang sa maluto. Hanguin sa isang lalagyang may paper towel.
5. For the sauce: Sa isang sauce pan, paghaluin lamang ang lahat ng sangkap para sa sauce.
6. Lutuin sa mahinang apoy hanggang sa lumapot. maaring lagyan ng tubig pa kung kinakailangan.
7. Tikman at i-adjust ang lasa.

Ihain ang bola-bola kasama ang nilutong sauce.

Enjoy!!!!

Comments

J said…
Tama ka kuya. Kahit nag-eexperiment ay maiimagine mo naman ang kalalabasan. Ako din kasi madalas pacham sa kusina hehe.

Mukhang masarap ito... titingnan ko nga kung may hoisin sauce pa ako.

http://notjustafoodblog.blogspot.com
Mismo...pacham is the correct term.....hahahahaha

Popular posts from this blog

KALDERETANG BUTO-BUTO

KALDERETANG BUTO-BUTO ala BATANGAS

HALABOS na HIPON sa SPRITE, BAWANG at MARGARINE