HERBED ROASTED PORK BELLY

Walang pasok o non-wotking holiday yesterday November 7, 2011. Sa bahay lang kami ng aking asawa at mga anak. At komo kumpleto kami lahat sa bahay, naisipan kong magluto ng isang espesyal na tanghalian. Actually simpleng tanghalian lang pero punong-pino ng flavor.

Roasted pork belly ang niluto ko. Para mapasarap ito, nilagyan ko ito ng herbs at spices. At isa pa, hindi ko na pinakuluan ang pork belly. Diretsong niluto ko na ito sa turbo broiler after kong ma-marinade sa mga herbs at spices. Komo nga hindi na ito pinakuluan, juicy ang laman nito at crunchy talaga ang balat.

Para mayroon namang sabaw, nagluto na langang ng instant laksa noodles soup. Itong yung noodle soup na kilalang-kilala sa Singapore. Kahit instant noodle soup lang ito hindi naman kulang sa lasa. Masarap talaga at tamang-tama lang ang pagka-anghang nito.


HERBED ROASTED PORK BELLY

Mga Sangkap:
1.5 kilo Pork Belly (piliin yung manipis lang ang taba)
1 tbsp. Rock salt
1/2 tsp. Dried Basil
1/2 tsp. Dried Rosemary
1 tsp. Paprika
1/2 tsp. freshly ground Black Pepper
1// tsp. Maggie magic Sarap (optional)

Paraan ng pagluluto:
1. Sa isang bowl, paghalu-haluin ang lahat ng sangkap maliban sa pork belly.
2. Hiwaan ang pork belly ng mga 1/2 inch ang pagitan.
3. Kiskisan ng mga pinaghalong sangkap ang paligid at mga singit-singit ng pork belly.
4. Hayaan muna ng mga 1 oras.
5. Lutuin ito sa turbo broiler sa init na 250 'C sa loob ng isang oraso hanggang a pumula at maging crispy ang balat.
6. Hayaan munag lumamig sanali bago i-chop.

Ihain ito na may kasamang sawsawan na pinagsamang toyo, katas ng calamansi, suka, sibuyas, kamatis at konting asukal.

Enjoy!!!

Comments

J said…
Naku kuya... ginutom ako. Parang gusto ko bumili ng liempo at gayahin ang recipe mo hehehe
November 9, 2011 at 3:50 AM
Dennis said…
Hehehe...Yan ang gusto ko J...yung gayahin ang mga pino-post ko na recipe then feedback back lang kung ano ang naging resulta.

Actually, marami na ang nag-email sa akin at succesful naman lahat. Hehehe


Dennis
November 9, 2011 at 8:43 AM
Anonymous said…
anung mangyari pag kinulo mo yung meat kuya? haha mukhang masarap nga, esp pag isawsaw mo sa toyo pati suka na may sili. hahaha! cheers! - gio
November 9, 2011 at 9:01 AM
Dennis said…
Hi Gio,

Okay lang din naman kung pakukuluan mo muna yung karne. Yun lang, komo nga pinakuluan mo na siya, lumalabas yung juice ng karne at sumasama sa sabaw na pinagpakuluan. So, nagiging less juicy ang finished product mo.

Kung yung liempo na nabili mo ay medyo makapal ang balat o matanda na yung baboy, mainam na pakuluuan muna hanggang sa lumambot.

Pero kung manipis lang yung balat at bata pa yung baboy, mas mainam na diretso na sa turbo broiler o oven. With this, nandubn pa rin yung juice ng karne at malalasahan mo talaga pag kinain mo na.

Thats it....

Dennis
November 9, 2011 at 11:51 AM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more