TORTANG DALAGANG BUKID


No.   Hindi burger patties yan....hehehehe.   Tortang Dalagang Bukid yan...hehehe

Noon ko pa gustong gumawa nitong tortang dalagang bukid na ito.   Yun lang kapag gagawin ko na tinatamad na ako.  Alam nyo naman siguro na kapag wala kayo sa mood na magluto, hindi masarap ang kalalabasan ng inyong niluluto.   Mabusisi o matrabaho din kasi ang pagluluto nito.   Kagaya ng pagluluto ng relyenong bangus, kailangan mong ilaga muna ang isda at saka pagitityagaang alisan ng tinik.   Yun ang medyo matrabahong part.

Also, ang dish na ito ay nagpapabalik sa aking ala-ala noong araw na mga bata pa kami.   Komo nga mahirap lang kaming pamilya, madalas ay isda ang aming iniuulam.   At para hindi maging kasawa-sawa ang paksiw o pritong isda, minsan ay tinotorta ito ng mahal kong Inang Lina.   At itong tortang dalagang bukid ang pinaka-paborito sa mga niluluto niyang ulam para sa amin.   Tansa ko pa na marami akong nakakain kapag ito ang aming ulam.   Ang masarap dito ay yung may sawsawan kang calamansi at patis on the side.   Siguradong mas gaganahan kang kumain.

At ngayon nga, nais kong maranasan din ng aking mga anak ang sarap at pagkagusto ko sa dish na ito.   I hope magustuhan din nila kagaya ng pagkagusto ko sa ulam na ito.


TORTANG DALAGANG BUKID

Mga Sangkap:
1.5 kilo Isdang Dalagang Bukid
1 pc. large Red Bell pepper (cut into small cubes)
1 cup Green Peas
2 pcs. medium size Potato (cut into small cubes)
3 tbsp. Soy Sauce
1 tbsp. Liquid Seasoning
6 pcs. Fresh Eggs
5 cloves minced Garlic
1 large Onion finely chopped
2 pcs. Tomatoes finely chopped
Salt and pepper to taste
Cooking oil for frying

Paraan ng pagluluto:
1.   Timplahan ng asin at paminta ang dalagang bukid at i-steam.
2.   Palamamigin at himayin ang laman ng isda.   Alisin ang maliliit na tinik.
3.   Sa isang kawali, i-prito ang patatas hanggang sa maluto.
4.   Sunod na igisa ang bawang, sibuyas at kamatis.
5.   Ilagay na din ang green peas, red bell pepper at ang hinimay na dalagang bukid.
6.   Timplahan ng mga pampalasa, toyo, liquid seasoning, asin at paminta ayon sa inyong panlasa.
7.   Hanguin sa isang lalagyan at palamigin ng konti.
8.   Batihin ang mga itlog at ihalong mabuti sa nilutong isda.
9.   I-prito ito sa kawaling may kaunting mantika ayon sa nais ninyong laki ng inyong torta.

Ihain na may kasamang patis na may calamansi.

Enjoy!!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more