PORK ADOBO with STRING BEANS


Isa sa mga dish na una kong natutunang lutuin ay itong Pork Adobo.   Bakit naman hindi?  Walang ka-effort-effort kasi itong lutuin.   Kung baga, ilagay mo lang ang lahat ng sangkap sa lutuan at hayaan lang na maluto hanggang sa lumambot ang karne.   At sino ba namang pinoy ang hindi marunong magluto ng adobo?   Siguro ay wala....hehehehe.  

Ako siguro kahit ano pa ang i-adobo ay gusto ko.  Baboy, manok, baka, gulay..kahit ano.   Gusto ko kasi yung alat at asim at kung minsan ay may tamis din ang adobo natin.  Di ba nga parang ito ang pambansang ulam nating mga Pilipino?   Hehehehehe.

Basta adobo... sigurado...ubos ang kanin nyo.   Hehehehe



PORK ADOBO with STRING BEANS

Mga Sangkap:
1 kilo Pork Kasim or Pigue (cut into cubes)
1 tali String Beans o Sitaw (cut into 2 inches long)
1 cup Cane Vinegar
3/4 cup Soy Sauce
1/2 cup Oyster Sauce
2 tbsp. Brown Sugar
1 head Minced Garlic
1 tsp. ground Black Pepper
Salt to taste

Paraan ng pagluluto:
1.   Timplahan ng konting asin at paminta ang karne ng baboy.
2.   Sa isang non-stick na kaserola, i-brown ng bahagya ang mga karne sa kautning mantika.
3.   Ilagay na ang bawang, suka, toyo, brown sugar at paminta.   Lagyan din ng kaunting tubig.   Takpan at hayaang maluto hanggang sa lumambot ang karne.   Maaring lagyan pa ng tubig kung kinakailangan.
4.   Kung malambot na ang karne, ilagay na ang sitaw at takpan muli hanggang sa maluto ito.
5.  Tikman ang sabaw at i-adjust ang lasa.

Ihain habang mainit pa.

Enjoy!!!

Comments

Anonymous said…
wow salamat sa mga recipe....iba tlga ang lutong bahay
Dennis said…
Thanks Myhoneybunch......mas nai-inspire ako mag-post pa ng mga lutong bahay na recipe kapag nakaka-recieved ako ng mga comment na kagaya nito.

Salamat sa patuloy na suporta.


Dennis

Popular posts from this blog

FOOD SUGGESTIONS para sa mga MAHAL na ARAW

Sinigang na Baboy

Tinolang Manok