FATHER'S DAY LUNCH @ CABALEN


Father's Day kahapon.   A special day para sa mga ama, tatay, daddy, papa, tatang na katulad ko.

Na-feel ko talaga na espesyal ang araw na ito.   Bakit naman hindi?   Nag-effort talaga ang aking asawang si Jolly na ipagluto ako (kahit hindi talaga siya sanay magluto....hehehehe) ng isang espesyal na beef dish na saka ko na lang ipapakita sa isa ko pang espesyal na post.   hehehehe.   Nag-simba din kami at pagkatapos noon at pinakain naman niya ako at ang mga bata sa isang Kapampangan na restaurant sa Glorietta Makati ang Cabalen.

Matagal na din ang Cabalen sa restaurant business.   Actually, noong binyagan ang pangalawa kong anak na si James ay dito ko ginawa ang reception.

Buffet ang style ng resto na ito.   All Kapampangan favorites ang mga nakahanda.  


Hinayaan ko lang ang mga bata na kumuha kung ano ang gusto nila.   Ako naman, nag-start ako with a hot bulalo soup.  Okay naman, matabang lang sa panlsasa ko.

Sunod na kinuha ko ay ang mga appetizers.   Kumuha ako ng crispy kangkong, okoy na kalabasa, fried tofu at mangang hilaw na may bagoong.

For the main dish (please see pict above), kumuha lang ako ng kare-kare, dinuguan, adobong balut, beef caldereta at bringhe.   Late ko na nakita yung lechon pero kumuha pa din ako nito kahit konti.  Hehehehe.

Para panghimagas, kumuha ako ng ginumis at matamis na saging.   Ito yung parang ginataang buko na may sago.   Masarap naman siya at hindi gaanong matamis.

Busog na busog ako kahit hindi naman ganoon karami ang aking kinain.   Siguro epekto na din yun ng diet na ginagawa ko because of my diabetis.



On the postive note, okay naman yung mga food na sine-serve nila.   Masarap at pinoy na pinoy talaga.   At mura ha.   P298 lang per head at P60 para sa bottom less na drinks.

On the negative side, parang ang konti lang ng mga choices.   Compare noong araw na nag-pabinyag ako, marami ka talagang mapagpipiliian.   Also, parang ang tagal nilang mag-refill.  Yun nga kokonti na ang choices, ang tagal pang mag-dagdag o mag-refill.   Yung lechon nga, dadalwa pa lang ang kumukuha ay ubos na agad.  Konti lang kasi yung ni-refill nila.  Kahit sa mga desserts, konti din lang ang choices.

Kung babalik pa ako?   Pwede naman kung may maglilibre ulit sa akin.  Hehehehe.   Sana lang ay magkaroon pa ng maraming choices sa kanilang buffet table.

I really enjoy this year's Father's Day.   With my wife Jolly and the kids beside me, the day is perfect.

Next year ulit..... :)

Comments

Anonymous said…
Belated Happy Father's Day Sir! Okay naman sa Cabalen kasi mura naman siya. Value for money talaga. Diyan po ang baptismal reception ng baby girl ko 7 years ago na. Okay siya for occasions kasi ang per head budget is mas mura pa sa catering and no worries kasi eat-all-you can...Mommy Marie
June 17, 2013 at 4:27 PM
Dennis said…
Yes Mommy Marie...kagaya nga ng nasabi ko dun ko din ginawa yung baptismal reception nung pangalawa kong anak. Pero noon, marami talagang choices compare ngayon. Although, sulit na din siya kasi busog ka naman talaga. hehehehe
June 18, 2013 at 8:37 AM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more