CORNED BEEF SPAGHETTI


May natira pa akong half kilo ng spaghetti pasta nung nagluto ako ng pasta dish para sa birthday ng asawa kong si Jolly.   Tamang-tama kako at gagayahin ko yung pasta negra na nilutong kapatid kong si Shirley.   Kaya lang parang alanganin yung tira-tirang pusit na ilalahok ko dito.  At isa pa, baka hindi kumain ang mga bata ng pasta na maitim.  So nag-isip ako kung ano ang pwede kong gawin.   Tamang-tama naman at may 3 cheese spaghetti sauce pa ako at ng i-check ko ang aking cabinet ay mayroon pa din akong 1 latang Argentina na corned beef.   At doon na nga nabuo ang corned beef spaghetti na ito.   Masarap at nagustuhan ng aking mga anak.   Try nyo din po.


CORNED BEEF SPAGHETTI

Mga Sangkap:
400 grams Spaghetti pasta
1 (260 grams) can Argentina Corned Beef
1 tetra pack Clara Ole 3 cheese Spaghetti sacue
5 cloves minced Garlic
1 large Onion (chopped)
1 tsp. Dried Basil Leaves
2 tbsp. Olive Oil
1 tbsp. Brown Sugar
Salt and pepper to taste
1 cup Parmesan Cheese

Paraan ng pagluluto:
1.   Lutuin ang spaghetti pasta according to package directions.
2.   Sa isang kawali, igisa ang bawang at sibuyas sa olive oil.
3.   Ilagay na agad ang corned beef, 3 cheese spaghetti sauce, dried basil at timplahan ng asin, paminta at brown sugar.   Hayaang kumulo ng bahagya.
4.  Tikman ang sauce at i-adjust ang lasa.
5.   Ihalo sa sauce ang nilutong pasta at haluing mabuti hanggang sa ma-coat ng sauce ang lahat na noodles.

Ihain ito habang mainit pa na may parmesan o grated cheese sa ibabaw


Enjoy!!!!

Comments

Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more