CHEESY CHICKEN ADOBO

Hindi ko kayang bilangin ang version ng paborito nating lahat na Adobo.   Masasabi nga natin na ito ang ating pambansang ulam dahil kahit saang parte ng Pilipinas ay may kani-kaniyang version at paraan ng pagluluto nito.

Marami na rin akong nagawang version ng chicken o pork adobo at nadagdagan pa ito nang makita ko itong billboard na ito ng isang restaurant na ang specialty nila ay ang adobo na may cheese.   Well, hindi ako magtataka kung masarap ito dahil alam naman natin kahit anong pagkain kapag nilagyan mo ng cheese ay sumasarap.

Kaya nga nitongisang araw, sinubukan kong magluto nito na may ibang paraan kesa sa usual na luto na ginagawa ko.  Ginisa ko muna kasi ito at nilahukan ko ng ginayat na tanglad.   At masarap nga ang kinalabasan ng aking cheesy chicken adobo.   Try nyo din po.




CHEESY CHICKEN ADOBO

Mga Sangkap:
1 whole Chicken (cut into serving pieces)
1 head minced Garlic
1 large Onion (sliced)
1/2 cup Tanglad (white portion...chopped)
2 pcs. Dried Bay Leaf
3/4 cup Vinegar
3/4 cup Soy Sauce
1 cup Grated Cheese
1 tsp. Ground Black Pepper
1 tsp. Brown Sugar
 Salt to taste
 2 tbsp. Cooking Oil

 Paraan ng pagluluto:
1.   Sa isang heavy bottom na kaserola, igisa ang bawang, sibuyas, laurel at tanglad sa mantika.
2.   Ilagay na agad ang manok at timplahan ng kaunting asin at paminta.    Halu-haluin.   Takpan at hayaang masangkutsa.
3.   Kapag nagmantika na ang manok, ilagay na ang suka, toyo at brown sugar.   Takpan muli at hayaang maluto ang manok.   Maaring lagyan pa ng tubig kung gusto ninyong medyo masabaw ang inyong adobo.
4.   Tikman ang sauce at i-adjust ang lasa.
5.   Ilagay ang grated cheese sa ibabaw ng nilulutong adobo.  Takpan muli at patayin na ang apoy.

Ihain habang mainit pa.

Enjoy!!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more