FRIED CHICKEN ala MAX

Nang makita ko itong spring chicken nitong nakaraan naming pag-go-grocery sa SM Supermarket sa Makati, isa lang ang pumasok sa isip ko na gawing luto dito.   Fried chicken Max style.  Yes.   Yung fried chicken na hindi balot ng mga breadings at kung ano-anong flavoring.  

Lilinawin ko lang na hindi ito ang authentic na recipe ng fried chicken ng Max.   Ang pagka-alam ko wala pa ding nakaka-alam ng exact na recipe nito.  Ang recipe na ito ay base ko lang sa lasa na aking nalalasahan kapag kinakain ko ito.  Ofcourse medyo malapit-lapit lang ang nagagawa ko sa lasa.   Pero the best pa rin ito lalo na kung isasawsaw mo sa Jufran na catsup.  Para ka na din kumain sa Max resto.   Hehehehe


FRIED CHICKEN ala MAX

Mga Sangkap:
2 Whole Spring Chicken (cut into half)
1 sachet Sinigang Mix Powder
1 thumb size Ginger (sliced)
1 large Onion (sliced)
Freshly Ground Black Pepper
Rock Salt
Cooking Oil for Frying

Paraan ng pagluluto:
1.   Kisikisan ng asin ang lahat ng side ng manok.   Hayaan ng ilang sandali.
2.   Sa isang heavy bottom na kaserol pakuluan ang tubig na may asin paminta, sibuyas, luya at sinigang mix powder.  (dapat lubog ang manok na ilalagay)
3.   Kapag kumukulo na ilagay na ang manok at hayaang maluto.
4.   Kung sa tingin nyo ay luto na hanguin sa isang lalagyan at palamigin.
5.   Sa siang kawali o heavy bottom na kaserola, magpakulo ng mantika.   Dapat lubog ang manok na pi-prituhin.
6.   Bago prituhin ang manok kiskisan muli ng asin at paminta ang katawan ng manok.   Make sure din na wala itong excess na sabaw bago i-prito para hindi magtalsikan ang mantika.
7.   I-prito ito ng lubog sa mantika hanggang sa mag-golden brown ang kulay.   Hanguin at palamigin.
8.   I-prito muli ang manok for the second time para maging extra crispy ang balat ng manok.

Ihain na may kasamang piniritong kamote at Jufran na catsup.

Enjoy!!!!


Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more