PORK & VEGETABLE LASAGNA

Kapag nagbe-birthday ang aking mga anak, tinatanong ko sila kung ano ang gusto nilang iluto para sa kanilang handa.   Kagaya nitong nakaraang birthday ng anak kong si James.   Lasagna ang gusto niyang lutuin ko kaya pinagbigyan ko naman.

Sa tatlo kong anak, ang anak ko si James ang pahirapan talagang pakainin ng gulay.   Ewan ko ba kung bakit?   Samantalang lumaki naman silang pare-pareho ang kinakain.   Kaya ang ginawa ko sa hiling niyang Lasagna, nilagyan ko ng mixed vegetables.   hehehehe.   Ayos din naman at nagustuhan niya. 


PORK & VEGETABLE LASAGNA

Mga Sangkap:
500 grams Lasagna Pasta (cooked according to package directions)
750 grams Ground Lean Pork
300 grams MIxed Vegetables (carrots, green peas, corn)
1 big can Sliced Mushroom
4 cups 3 Cheese Pasta Sauce (Clara Ole)
1 tsp. Dried Basil
3 tbsp. OLive Oil
1 cup Grated Cheese
1 head Minced Garlic
1 large Onion (chopped)
Salt and pepper to taste
For the White Sauce toppings:
1 cup All Purpose Flour
1 cup Melted Butter
1 small can Evaporated MIlk
1 tetra brick Alaska Crema
3 cups Pork Stock
1 tsp. Maggie Magic Sarap (optional)
Salt and pepper to taste

Paraan  ng pagluluto:
1.   Lutuin ang lasagna pasta according to package direction.  Please note na kailangan mababad pa ang pasta sa pinagpakuluan para malutong mabuti pa.   Hindi na kasi ito ibe-bake pa.   Pero kung gusto nyong i-bake ito, just drain the water and i-ready para i-assemble.
2.   Sa isang kawali o heavy bottom na kaserola, igisa ang bawang at sibuyas sa olive oil.
3.   Isunod na agad ang giniling na baboy at timplahan ng asin, paminta at dried basil.   Halu-haluin.
4.   Kapag nawala na ang pagka-pink ng karne, ilagay na ang sliced mushroom (kasama ang sabaw), mixed vegetables at 3 cheese pasta sauce.   Halu-haluin at hayaan ng mga 3 minuto.
5.   Huling ilagay ang grated cheese.   Tikman ang sauce at i-adjust ang lasa.
6.   To assemble:    Sa isang baking dish, maglagay ng 1 layer ng nilutong lasagna pasta.   Lagyan ng 1 layer ng ginawang pork and vegetable sauce.  Gawin lamang ito ng 3 ulit o layer.
7.   For the white sauce toppings:    Sa isang kawali ilagay ang butter hanggang sa matunaw.   Ilagay na agad ang all pupose flour at halu-haluin hanggang sa maghalong mabuti.   Ilagay ang pork stock at evaporated milk.   Timplahan ng asin, paminta at maggie magic sarap.   Patuloy na haluin.   Ilagay na ang all purpose cream.   Maaaring lagyan pa ang harina o sabaw hanggang makuha ang lapot na kailangan.   Tikman din ito kung tama na ang lasa.
8.   Ibuhos ang niluto white sauce sa ibabaw ng ni-layer na pasta at sauce.

Ihain habang mainit pa.

Enjoy!!!!!

#cremamoments

Comments

Popular posts from this blog

KALDERETANG BUTO-BUTO

KALDERETANG BUTO-BUTO ala BATANGAS

HALABOS na HIPON sa SPRITE, BAWANG at MARGARINE