CREAMY BACON MUSHROOM & PENNE PASTA

Ito ang pasta dish na niluto ko para sa aking mga officemates kahapon ng ako ay nahilingan na magpakain.   In white sauce ang ginawa ko dito dahil favorite ng aking boss ang carbonara.   Alam kong magugustuhan niya ito at yun nga ang nangyari.   Hehehehe.

Madali lang gawin at lutuin ang pasta dish na ito.   Pwedeng-pwede din nating i-consider ito para sa ating Noche Buena.  Kaunti lang ang mga sangkap pero napakasarap ng lasa.   For sure magugustuhan ito ng mga bagets.


CREAMY BACON MUSHROOM & PENNE PASTA

Mga Sangkap:
500 grams Penne Pasta (cooked according to package direction)
300 grams Bacon (cut into small pieces)
1 big can Sliced Mushroom

2 tetra brick All Purpose Cream
2 cups grated Cheese
1/2 cup Melted Butter
1 tsp. Dried Basil
1 head Minced Garlic
1 large White Onion (chopped)
Salt and pepper to taste

Paraan ng pagluluto:
1.   Lutuin ang penne pasta according to package direction.   I-drain.
2.   Sa isang kawali (yung kasya ang pasta na lulutuin)   I-prito ang bacon sa butter hanggang sa medyo mag-brown ito.  Hanguin ang kalhati nito para sa toppings.
3.   Igisa ang bawang at sibuyas.   Halu-haluin.
4.   Sunod na ilagay ang sliced mushroom kasama ang sabaw nito.  
5.   Ilagay na din ang dried basil, all purpose cream at 1 cup na grated cheese.   Halu-haluin
6.  Timplahan na din ng asin at paminta.
7.   Tikman ang sauce at i-adjust ang lasa.
8.   Hitayin lang kumulo ng bahagya saka patayin ang apoy ng kalan at saka ihalo na ang nilutong penne pasta.
9.  Haluin mabuti hanggang sa ma-coat ng sauce ang lahat ng pasta.
10.   Hanguin sa  isang lalagyan at ilagay sa ibabaw ang natirang bacon at 1 cup pa ng grated cheese.

Ihain habang mainit pa.

Enjoy!!!!


Comments

Popular posts from this blog

KALDERETANG BUTO-BUTO

KALDERETANG BUTO-BUTO ala BATANGAS

HALABOS na HIPON sa SPRITE, BAWANG at MARGARINE