PORK BELLY with HONEY-LEMON GLAZE

Ni-request ng mga katrabaho ko sa ipisinang aking pinapasukan na magpakain naman daw ako sa kanila ng mga dishes na pino-post ko dito sa blog.  Yun na lang daw ang maging Christmas Gift ko para sa kanila.

At nangyari nga yun today December 17.   Kaya nga na-late itong post ko ay dahil nag-halfday ako at nagluto nga ng mga pagkaing aking ipapakain sa kanila.

Itong Pork Belly with Honey-Lemon Glaze ang isa sa mga dish na niluto ko.   Medyo maykahabaan ang proseso ng pagluluto nito.   Bale kasi 3 luto ang ginawa ko.   Nilaga muna yung pork belly....ipinirito...at sa nilagyan naman ng glaze.

Medyo matrabaho pero sulit naman dahil nagustuhan ng mga kumain ang dish na ito.   Yummy daw....hehehehe


PORK BELLY with HONEY-LEMON GLAZE

Mga Sangkap:
2 kilos Pork Belly (cut into cubes)
2 pcs. Onion (quatered)
2 tbsp. Rock Salt
1 tsp. Ground Black Pepper
For the breadings:
1 cup Rice Flour
1 cup Cornstarch
1 tsp. Maggie Magic Sarap
For the Glaze:
1 pc. Lemon
1 tsp. Lemon Zest
1 cup Pure Honey Bee
1/2 cup Soy Sauce
2 tbsp. Sugar
1 cup Water
5 cloves Minced Garlic
1 large White Onion (sliced)
For garnish:
Toasted Sesame seeds
Spring Onions

Cooking Oil for frying

Paraan ng pagluluto:
1.   Pakuluan hanggang sa lumambot ang pork belly sa tubig na may asin, sibuyas, asin at paminta.
2.  I-drain at palamigin.
3.   Isalin sa isang plastic bag ang pinalambot na pork belly at ilagay ang cornstarch, rice flour at maggie magic sarap.
4.   Alug-alugin hanggang sa ma-coat ng breadings ang lahat ng piraso ng karne.
5.  I-prito ito ng lubog sa mantika hanggang sa mag-golden brown ang kulay.   Hanguin muna sa isang lalagyan.
6.   For the glaze:   Igisa ang bawang at sibuyas sa kaunting mantika.
7.   Ilagay na ang toyo, 1 cup na tubig at ang brown sugar.   Hayaang kumulo.
8.   Sunod na ilagay ang katas ng lemon, lemon zest at ang honey bee.   Hau-haluin hanggang sa medyo lumapot na ang sauce
9.    Tikman ang sauce at -i-adjust ang lasa.
10.   Ilagay sa sauce ang piniritong pork belly.   Halu-haluyin hanggang sa ma-coat ng glaze ang bawat piraso ng karne.
11.  Hanguin sa isang lalagyan at budburan ng toasted sesame seeds at spring onions sa ibabaw.

Ihain habang mainit pa.

Enjoy!!!!


Comments

Anonymous said…
honey bee? yung bubuyog mismo?
Dennis said…
Bee lang yun kung bubuyog lang. hehehe. Pure honey bee as I have mentioned in the recipe.
Anonymous said…
honey lang dapat
Unknown said…
Maraming salamat sa suggestion mo kuya dennis ung ilan iluluto ko mamaya para sa noche buena. Merry christmas
Dennis said…
Thnaks Rai.....Merry Christmas and a Happy New Year to you and your family

Popular posts from this blog

FOOD SUGGESTIONS para sa mga MAHAL na ARAW

Sinigang na Baboy

Tinolang Manok