PORK BURGER with MUSHROOM GRAVY

Nitong huling kain namin sa Jollibee, burger steak ang in-order ng pangalawa kong anak na si James.   Ito yung bago nila na big burger steak.   Compare dun sa dating burger steak nila mas malaki nga ang patty nito.   I think ito din yung nilalagay nila sa Champ Burger nila.

Kaso, nung matapos siyang maka-kain, parang malungkot at bitin ang bata.   Hehehehe.   Ang sinabi ko na lang, "sige anak, gagawa ako ng burger steak sa bahay".    At ito na nga ang aking ginawa.

Pero sa halip na beef, pork ang aking ginamit.  Medyo may kamahalan din kasi kapag baka ang gagamitin.   Pwede din naman na ground chicken.  Try nyo din po.


PORK BURGER with MUSHROOM GRAVY

Mga Sangkap:
1 kilo Ground Lean Pork
2 pcs. Large White Onion (finely chopped)
2 tbsp. Worcestershire Sauce
5 slices of White or Loaf Bread (cut into small pieces)
3 pcs. Fresh Eggs (beaten)
1 cup All Purpose Flour
Salt and pepper to taste
For the Gravy:
1 big can Sliced Mushroom
1/2 cup Melted Butter
1 tbsp. All Purpose Flour
1 pc. Pork Cubes
1 head minced Garlic
1 small White Onion (chopped)
Salt and pepper to taste

Paraan ng pagluluto:
1.  Sa isang bowl paghaluin ang lahat ng mga sangkap para sa burger.   Haluing mabuti.
2.  Ilagay muna sa fridge ng mga ilang oras bago gawing burger patties.
3.  Gumawa ng mga burger patties ayon sa nais na laki at saka i-prito sa isang non-stick na kawali.   
4.   For the mushroom gravy:   Sa isang sauce pan, i-prito ang bawang sa butter hanggang sa mag-golden brown ang kulay.   Hanguin sa isang lalagyan.
5.   Sunod na igisa naman ang sibuyas.
6.   Isunod na din ang sliced mushroom kasama ang sabay nito.
7.  Ilagay na din ang pork cubes at hayaang kumulo.
8.  Ilagay na ang tinunaw na harina para lumapot ang gravy.
9.  Timplahan ng kaunting asin at paminta.
10.   Tikman ang gravy at i-adjust ang lasa.

Ihain ang burger patties na may mushroom gravy sa ibabaw at toasted garlic.

Enjoy!!!!!

Comments

Popular posts from this blog

KALDERETANG BUTO-BUTO

KALDERETANG BUTO-BUTO ala BATANGAS

HALABOS na HIPON sa SPRITE, BAWANG at MARGARINE