BAKED TAHONG

Ito ang appetizer na niluto nitong nakaraang kaarawan ng asawa kong si Jolly.  Baked Tahong.

Dapat sana sasabawan ko lang ito pang-terno sa barbeque belly na niluto ko.   Pero nung sinabi ng may birthday na may darating nga daw siyang guest, naisipan kong i-bake ito at lagyan ng kaunting palaman para maging appetizer.

Actually madali lang naman talagang gawin ito.   Basta ang pinaka-base na palaman ay butter o kaya naman ay cheese.   Pwede nyo ding lagyan ng mga herbs o spices na gusto nyo.   In this version of mine cheese, onions, tomatoes at red bell pepper ang aking inilagay.   Yummy talaga!!!


BAKED TAHONG

Mga Sangkap:
1 kilo large size Tahong
1 thumb size na Luya (pitpitin)
1 cup Grated Cheese
2 pcs. tomatoes (cut into small cubes)
1 pc large size White Onion (chopped)
1 pc. Red Bell Pepper (cut into small cubes)
Salt and pepper to taste

Paraan ng pagluluto:
1.   Pakuluan angtahong sa isang kaserola na may tubig, asin at pitpit na luya.   Hanguin kapag bukuka na ang shell.
2.   Alisin ang kalhating ng shell na walang laman at ilagay sa isang bandehado ang parte na may laman.
3.   Sa isang bowl paghaluin ang grated cheese, chopped onion, tomatoes at red bell pepper.  Timplahan na din ng kaunitng asin at paminta
4.   Ipalaman ito sa bawat piraso ng tahong.
5.   Lutuin ito sa oven toaster hanggang sa matunaw lamang ang keso.

Ihain habang mainit pa.

Enjoy!!!!!

Comments

Popular posts from this blog

KALDERETANG BUTO-BUTO

KALDERETANG BUTO-BUTO ala BATANGAS

HALABOS na HIPON sa SPRITE, BAWANG at MARGARINE