BATCHOY TAGALOG


Kapag narinig natin ang Batchoy ang unang pumapasok sa isip natin ay yung La Paz Batchoy na noodle dish na maraming sahog sa ibabaw at may chicharon pa.  Masarapa naman talaga ang noodle dish na ito.

Pero itong batchoy na sinasabi ko naman ay yung soup dish na parang tinila ang pagkaluto.   Mga lamang-loob ng baboy kagaya ng lapay, puso, bato ang sahog nito.   Mayroon din itong lomo o yung malambot na parte ng baboy at nilalagyan din ng nabuong dugo ng baboy.   Sa gulay, sayote, sili at dahon ng sili ang inilalagay din dito.

Isa sa mga paborito kong may sabaw na ulam ang dish na ito.   Natatandaan ko nagluluto nito ang aking Inang Lina at sarap na sarap talaga ako sa sabaw nito.

Matagal nang hindi ako nakakapagluto nito.   Mahirap kasing makahanap ng sariwang lamang-loob ng baboy.   Pero nitong huling pamamalengke ko sa Agora market sa San Juan, naka-tyempo ako ng sariwang lapay, puso at bato ng baboy.   At itong batchoy tagalog nga ang unang pumasok sa isip ko.     Huwag lang kakalimutan na hugasang mabuti ang mga lamang-loob ng baboy dahil may amoy ito at maaring lumasa at maka-apekto sa inyong lulutuin.

Kaya eto, ang sarap higupin ang sabaw lalo pang umuulan.   Try nyo din po.


BATCHOY TAGALOG

Mga Sangkap:
About 1 kilo = Atay, lapay at bato ng Baboy (linising mabuti at hiwain ng maliliit)
1/2 kilo Pork Lomo (cut into small cubes)
2 pcs. Sayote (cut into cubes)
4 pcs. Siling Pang-Sigang
Dahon ng Sili
2 thumb size Ginger (cut into strips
1 pc. Onion (sliced)
5 cloves Minced Garlic
1 pc. Pork Cubes (optional)
1 tsp. Maggie Magic Sarap
3 tbsp. Cooking Oil
Salt and pepper to taste

Paraan ng pagluluto:
1.   Sa isang heavy bottom na kaserola, igisa ang luya, bawang at sibuyas sa mantika.
2.   Unang ilagay ang hiniwang puso ng baboy dahil ito ang medyo matagal lumambot.   Lagyan ng mga 2 tasang tubig at hayaang kumulo.
3.   Kung malambot na ang puso, ilagay na ang bato, lapay at lomo na hiniwa.   Takpan muli at hayaang maluto ang lamang-loob.
4.   Lagyan na ng nais na dami ng tubig pang-sabaw at timplahan ng asin at paminta.
5.   Sunod na ilagay ang siling pang-sigang at sayote.   Takpan at hayaang maluto ang gulay.
6.   Huling ilagay ang dahon ng sili, pork cubes at maggie magic sarap.
7.   Tikman ang saw at i-adjust ang lasa.

Ihain habang mainit pa ang sabaw.

Enjoy!!!!


Comments

Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more