PORK HAMONADO ROLL

Narito ang isa pa sa main dish na niluto ko sa thanksgiving lunch na inihanda ko nitong nakaraang June 24.   Pork Hamonado Roll.

May isang nag-email sa akin na nagtatanong ng recipe ng pork hamonado.   Gusto niyang matutong magluto dahil sa mga fiesta o handaan lang siya nakakatikim nito. 

In this version, yung tradisyunal na naka-roll ang aking ginawa.   Nilagyan ko din ng hotdog sa gitna para mas maging katakam-takam kapag na-slice na ito.   Tunay ka na nasarapan talaga ang mga kumain ng hamonado na ito.  Naubos talaga...hehehehe.


PORK HAMONADO ROLL

Mga Sangkap:
1 kilo Pork Kasim or Pigue (Ipahiwa ng manipis at buo.  Sa isang kilo makakagawa ng 3 roll)
1 small can Pineapple Juice
Hotdogs
Brown Sugar
1/2 cup Soy Sauce
2 pcs. Red Onion (chopped)
Salt and pepper to taste
1 tsp. Cornstarch or Flour

Paraan ng pagluluto:
1.   Timplahan ng asin at paminta ang ini-sliced na karne ng baboy.
2.   I-marinade ito sa pineapple juice kasama ang hiniwang sibuyas.   Hayaan ng overnight sa fridge o higit pa.
3.   Ilatag sa isang bandehado ang minarinade na karne.   Ilagay sa kabilang dulo ang hotdog at saka i-roll ng mahigpit.    Talian para hindi bumuka ang laman kapag niluluto na.
4.   Ilagay sa isang heavy bottom na kaserola ang ini-roll na karne at isama na din ang marinade mix,  toyo at brown sugar
5.   Lutuin ito sa katamtamang lakas ng apoy hanggang sa maluto.
6.   Tikman ang sauce at i-adjust ang lasa.
7.   Huling ilagay ang tinunaw na cornstarch para lumapot ang sauce.
8.   Hanguin ang nilutong karne at palamigin.   Alisin ang tali at saka i-slice sa nais na kapal.   Ilagay sa isang bandehado.
9.   Ilagay sa ibabaw ang sauce bago i-serve.

Enjoy!!!!


Comments

Popular posts from this blog

Sinigang na Baboy

Tinolang Manok

FOOD SUGGESTIONS para sa mga MAHAL na ARAW