CHAR SIU PORK ala DENNIS

Ito ang isa pa sa dish na inihanda ko sa kaarawan ng bunso kong anak na si Anton.   Ang Char Siu Pork ala Dennis

Char Siu ay isang Cantonese dish na ang ibig sabihin roasted pork.   May mga herbs at spices sila na inilalagay para maging malasa ito.

In my own version, yung hickory barbeque marinade ng Clara Ole ang ginamit ko dito.   HInaluan ko na lang ng Hoisin sauce para nandun yung lasa na parang Instik.  Hehehehe.  

Masarap ang kinalabasan ng version kong ito.  Nagustuhan nga ng aking biyenan ang pork dish ko na ito.   Try nyo din po.


CHAR SIU PORK ala DENNIS

Mga Sangkap:
1 kilo Pork Tenderloin or Lomo
1 tetra pack Clara Ole Hickory Barbeque Marinade
2 tbsp. Hoisin Sauce
2 tbsp. Brown Sugar
1 pc. Onion (chopped)
1 tsp. Sesame Oil
Salt and pepper to taste

Paraan ng pagluluto:
1.   Timplahan ng asin at paminta ang bawat piraso ng pork tenderloin o lomo.   Hayaan ng ilang sandali.
2.   I-marinade ito ng overnight sa Clara Ole Hickory Barbeque Marinade.
3.   I-roast ito sa turbo broiler sa init na 250 degrees hanggang sa medyo ma-rost na ang karne.   About 20 minutes.
4.   For the sauce:   Pakuluan ang marinade mix na may kasamang chopped onion at brown sugar.
5.   Huling ilagay ang hoisin sauce at sesame oil.
6.   Tikman ang sauce at i-adjust ang lasa.
7.   I-slice ang nilutong char siu pork at ilagay sa side ang sauce na ginawa.

Enjoy!!!!!

Comments

Anonymous said…
may alternative po ba kung walang broiler? -kim
Dennis said…
Pwede mong i-braise o i-panfry na lang sa isang non-stick na kawali. Lagyan mo na lang ng kaunting tubig para hindi masunog agad yung sauce.

Popular posts from this blog

Sinigang na Baboy

Tinolang Manok

FOOD SUGGESTIONS para sa mga MAHAL na ARAW