MENUDONG PUTI as SEEN @ KAPUSO MO JESICA SOHO

After maipalabas last Sunday night itong Menudong Puti na niluto ko sa Kapuso Mo Jesica Soho sa GMA 7, marami ang nag-request ng recipe para dito.   Yun naman talaga ang plano ko.   Ang i-share ito after na maipalabas ang segment na yun ng menudo.

Kagaya ng nasabi ko sa interview, halos kapareho din ito ng tradisyunal na menudo na alam natin.   Yun lang ang pagkakaiba nito ay sa halip na tomato sauce all purpose cream ang ginamit ko.   Butter din ang ginamit ko sa pag-gisa para mas maging malinamnam at nilagyan ko pa ng dagdag na grated cheese para makumpleto na.

For sure magugustuhan ninyo ang Menudong Puti na ito.   Tamang-tama sa nalalapit na Kapaskuhan.




MENUDONG PUTI as SEEN @ KAPUSO MO JESICA SOHO

Mga Sangkap:


1 kilo Pork Kasim or Pigue (cut into bite size pieces)
5 pcs. Jumbo Cheese Dogs or 2 cans Vienna Sausages (cut the same size as the pork)
1 tetra brick All Purpose Cream

2 pcs. Pork Cubes (boiled in 3 cups water)
2 large Potatoes (cut into cubes)
1 large Carrot (cut into cubes)
1 large Red Bell Pepper (cut into cubes)
1 large Green Bell Pepper (cut into cubes)
1 cup Grated Cheese
1 cup Sweet Pickle Relish
1 cup Green Peas
1 cup Melted Butter
2 heads Minced Garlic
1 large Onion (chopped)
Salt and pepper to taste

Paraan ng pagluluto:
1.   I-prito ang bawang sa butter hangang sa mag-golden brown ang kulay.  Hanguin sa isang lalagyan.
2.   Sunod na igisa ang sibuyas ng mga ilang segundo.
3.   Sunod na ilagay ang karne ng baboy at timplahan ng asin at paminta.   Halu-haluin at hayaang masangkutsa.   About 2 minutes.
4.   Sunod na ilagay ang sweet pickle relish at ang pinakuluang knorr cubes.   Takpan at hayaang maluto hanggang sa lumambot ang karne.   Maaaring lagyan ng tubig o pork broth pa kung kinakailangan.
5.   Kung malambot na ang karne, ilagay na ang patatas, carrots, red bell pepper at green bell pepper.   Halu-haluin.
6.   Kung luto na ang patatas, ilagay na ang all purpose cream, sliced cheesedogs or sausages at grated cheese.   Halu-haluin.   Hayaang kumulo.
7.   Tikman ang sauce at i-adjust ang lasa.
8.   Hanguin sa isang lalagyan at ibudbod sa ibabaw ang toasted garlic na naunang niluto.

Ihain habang mainit pa.

Enjoy!!!!


Comments

Popular posts from this blog

Sinigang na Baboy

Tinolang Manok

FOOD SUGGESTIONS para sa mga MAHAL na ARAW