INIHAW NA PUSIT


Nitong huling pagdalaw namin sa aking biyenan na si Inay Elo sa Batangas, may dala kami fresh na pusit na binili ng aking asawang si Jolly at gusto niyang ihawin ko ito para na din sa mga darating na mga pamangkin niyang balikbayan.

Hindi naman kalakihan ang mga pusit na ito at tamang-tama lang na pang-ihaw.   Simple din lang ang aking mga ipinang-timpla para hindi matabunan ang natural na lasa ng pusit.   Tamang ihaw din lang ang ginawang luto para hindi tumigas ang laman nito.


INIHAW NA PUSIT

Mga Sangkap:
1 kilo Medium size Pusit (linising mabuti)
Kamatis (chopped)
Sibuyas (chopped)
Maggie Magic Sarap
Asin at Paminta

Paraan ng pagluluto:
1.   Linising mabuti ang pusit.  Tiyakin na naalis yung tinta sa loob.
2.  Paghaluin ang hiniwang sibuyas at kamatis at timplahan ng asin, paminta at Maggie Magic Sarap.
3.   Ipalaman ang pinaghalong kamatis at sibuyas sa loob ng pusit.   Note:   Okay lang na alisn na lang muna ang ulo ng pusit.
4.   I-ihaw ito sa baga.   Hiwaan ang katawan ng pusit at saka baligtarin para maluto naman ang kabilang side.

Ihain habang mainit pa na may sawsawang toyo na may calamansi.

Enjoy!!!!

Comments

Popular posts from this blog

KALDERETANG BUTO-BUTO

HALABOS na HIPON sa SPRITE, BAWANG at MARGARINE