BACON CUT PORK with CANTON NOODLES


Lagi kong nababanggit ang pag-gamit ng extender sa ating mga niluluto. Kung baga pamparami. Katulad na lang ng recipe natin for today. 1/2 kilo lang na Bacon cut na baboy ito. Kung lulutuin mo ito ng ganito lang, hindi ito magkakasya sa aming anim. So ano ang pwedeng gawin? Yun nga ang gumamit ng extender kagaya ng gulay at noodles. Dahil dito, busog kaming nakakain lahat at nakapag-baon pa ako sa office.....hehehehe. Di ba ang galing?


BACON CUT PORK with CANTON NOODLES

Mga Sangkap:

500 grams Bacon Cut Pork

250 grams Cauliflower

250 grams Canton Noodles

1 large carrots (Hiwain na parang match sticks)

1 cup Leeks (Hiwain ng mga 1 inch ang haba. Yung white portion i-chopped)

1/2 cup soy sauce

3 tbsp. Oyster sauce

2 tbsp. Sesame Oil

1 large red onion

4 cloves minced garlic

salt and pepper

1 tsp. cornstarch

1 tbsp. sugar




Paraan ng Pagluluto:

1. Timplahan ng asin at paminta ang karne ng baboy. Hayaan ng mga 15 minuto.

2. Sa isang non-stick pan o kawali, i-prito ang bacon cut pork sa kaunting mantika hanggang sa medyo pumula at maluto ang karne.

3. Lagyan ng mga 1 tasang tubig, takpan at hayaang kumulo at lumambot ang karne.

4. Ilagay ang toyo, carrots at canton noodles. Halu-haluin. Maaring lagyan ng tubog kung kinakailangan

5. Ilagay ang cauliflower, leeks at oysters sauce. Halu-haluin. Hayaan hanggang sa maluto ang cauliflower

6. Ilagay ang asukal. Tikman at i-adjust ang lasa.

7. Ilagay ang tinunaw na cornstarch para lumapot ang sauce.

8. Hanguin sa isang lalagyan at lagyan ng chopped leeks sa ibabaw.

Ihain habang mainit pa.

Enjoy!!!

Comments

Cool Fern said…
parang pansit canton ang kinalabasan niya,ano?
sarap naman nito..
keep it up,dennis..
August 8, 2009 at 11:27 PM
Dennis said…
Parang ganun na nga....hehehehe...pinaganda lang ang pangalan....pero konti lang kasi yung noodles. mas marami yung cauliflower at pork.

Dennis
August 9, 2009 at 3:44 PM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more