PORK ADOBO with FRESH PINEAPPLE



Last Tuesday May 18, 2010, habang ako ay naghahanda sa pagpasok sa opisina, napansin ko ang Adobo Challenge sa programang Umagang kay Ganda sa channel 2.

Sa pa-contest ng umagang yun, inanyayahana ang sinuman na magdala ng anumang luto ng adobo. May judge na titikim ng mga entry at kung sino marahil ang pinakamasarap ay siyang mananalo.

Habang pinapakita ang ibat-ibang entry sa programang yun, nakatawag ng pansin sa akin ang isang entry na may kasamang fresh na pineapple ang kanyang adobo. Kaya naman kinagabihan ng araw na iyun, iyun ang niluto ko for dinner.

Hindi naman ako nagkamali, masarap ang kinalabasan ng masarap nang adobo. Ang pagkakaiba kasi niya, humahalo yung tamis at asim ng pinya sa alat at asim naman ng adobo. Try nyo ito para maiba naman ang adobo nyo.


PORK ADOBO with FRESH PINEAPPLE

Mga Sangkap:
500 grams Pork kasim cut into cubes (adobo cut)
3 cups Fresh Pineapple cut the same size as the pork
1 head minced garlic
½ cup vinegar
½ cup Soy sauce
1 tsp. Maggie magic sarap
1 tbsp. Brown sugar
1 tsp. ground black pepper

Paraan ng pagluluto:
1. Sa isang non-stick na kawali, i-prito ang bawang sa mantika hanggang sa mag-golden brown ang kulay. Hanguin sa isang lalagyan.
2. Ilagay ang karne ng baboy at timplahan ng paminta, toyo at suka. Takpan at hayaang maluto hanggang sa lumambot ang karne. Maaring lagyan ng tubig kung tuyo na ang sauce at matigas pa ang karne.
3. Ilagay ang fresh pineapple, brown sugar, ½ ng nilutong bawang at Maggie magic sarap. Halu-haluin
4. Tikman at i-adjust ang lasa.
5. Hanguin sa isang lalagyan at lagyan ng natira pang piniritong bawang sa ibabaw.

Ihain habang mainit pa.

Enjoy!!!!

Comments

Lady Patchy said…
yan ang masarap adobong may pinya. try mo rin lagyan ng kamatis ang adobo .yan naman ay recipe ng mother ko . di mo makikita kamatis kasi hahalo sa sauce at masarap siya.
May 20, 2010 at 7:49 PM
Cecile said…
wow, sarap ng adobo :-); i haven't tried adding pineapple, ma try ko nga :-)
May 20, 2010 at 10:01 PM
Dennis said…
@ tatess......pag nilagyan mo ng kamatis ang adobo, parang afritada na siya...pero i-try ko din minsas...hehehehe

@ Cecile....masarap...naglalaban yung alat, asim at tamis ng pinya. Di ko alam kung magwo-work din siay with canned pineapple. Siguro?
May 21, 2010 at 5:40 PM
FoodTripFriday said…
I will certainly try this one. My sister used to cook adobo w/ pineapple juice and i like it a lot!
May 21, 2010 at 9:26 PM
Dennis said…
Kung ima-marinade mo ang pork sa pineapple juice...pork hamonado na yun....di ba?
May 22, 2010 at 8:11 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more