PRAWN & BOKCHOY in CHILI-GARLIC and OYSTER SAUCE


Kung gusto mo ng mga fresh na seafoods kagaya ng alimango, sugpo, tuna, salmon at iba pa, Farmers market sa Cubao ang aking ire-rekomenda. Sariwa talaga ang mga seafoods dito at talaga namang marami kang mapagpipilian. Dito din humahango ng seafoods ang mga sikat na restauran dito sa Manila.

Last Friday, ito ang naisip ko na iluto para sa aming dalawa ng asawa kong si Jolly. Alam ko paborito niya ang hipon o sugpo. Kaya naman kahit may kamahalan ang kilo nito, bumili pa din ako kahit na half kilo lang.

Para naman hindi mabitin sa pangulam, nilagyan ko ito ng bokchoy o chinese pechay para pamparami or para may gulay na din.

Try nyo ito..masarap talaga....naparami nga ang kain ko....hehehehe


STIR-FRIED PRAWN & BOKCHOY in CHILI-GARLIC SAUCE

Mga Sangkap:
500 grams Prawn o Sugpo
100 grams Bok choy or chinese pechay
1 tbsp. Chili-Garlic Sauce
2 tbsp. Oyster Sauce
1 tsp. Brown Sugar
4 cloves minced garlic
1 medium size White Onion sliced
5 slices Ginger
1 tsp. Sesame oil
1 tsp. Cornstarch
salt and pepper to taste

Paraan ng pagluluto:
1. Sa isang kawali, igisa ang luya, bawang at sibuyas sa kaunting mantika o butter.
2. Ilagay ang sugpo at timplahan ng asin at paminta. Halu-haluin at lagyan ng mga 1/2 cup na tubig. Takpan at hayaan ng mga 2 minuto.
3. Ilagay ang chili-garlic sauce at oyster sauce. Halu-haluin
4. Ilagay ang brown sugar at tinunaw na cornstach. halu-haluin
5. Tikman at i-adjust ang lasa.
6. Ilagay ang sesame oil bago hanguin sa isang lalagyan.

Ihain habang mainit pa.

Enjoy!!!!!

Comments

AC said…
wow, sir... parang ang sarap sarap naman po nito... natuwa ako sa iyong post, hindi dumugo ang ilong ko... hehehe... thanks po sa pagbigay ng recipe... gagawin ko po ito... ETO PO ANG AKIN - hipon din...
May 24, 2010 at 6:18 PM
Dennis said…
Hi AC....yup na try ko na din yung lutong ganyan na may sprite or 7up....sarap nun mapaparami talaga ang kanin mo...hehehe

Dennis\
May 24, 2010 at 8:25 PM
J said…
Sarap nito bossing... kaso hindi ako makabili ng seafood ngayon dahil may oil spill dito sa States hehehe. Try ko pag safe na ang seafood.
May 25, 2010 at 9:42 AM
Dennis said…
Thanks J.....wala bang available sa supermarket? Sarap talaga nito....hehehehe
May 25, 2010 at 11:58 AM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more