CHICKEN LIVER, GIZZARD and MIX VEGETABLES



Ilang araw ko ding pinag-isipan kung ano ang mga dish na ihahanda ko sa birthday ng aking asawang si Jolly. Siguro naka-tatlo akong revise bago na-finalized ang listahan ko. Hehehehe.

As promised, narito ang isa sa mga niluto kong dish. Chicken Liver and Gizzard with Mix Vegetables. It’s a simple dish at napakadaling lutuin. Talaga namang nagustuhan ito ng aming mga bisita.

Nakikita ko ang dish na ito sa mga espesyal na handaan kagaya ng fiesta, binyagan o kaya naman at kasal sa amin sa Bulacan.

Magandang i-handa ito sa mga espesyal na okasyon dahil sa bukod sa masarap na ay colorful pa ito at kaiga-igaya talaga sa mata ng mga bisita.


CHICKEN LIVER and GIZZARD with MIX VEGETABLES

Mga Sangkap:
½ kilo Chicken Liver (cut into serving pieces)
½ kilo Chicken Gizzard (Pakuluan hanggang sa lumambot, cut into serving pieces)
50 pcs. Quail eggs (ilaga at balatan)
1 pc. Large Sayote (balatan at hiwain sa maliliit na cubes)
½ kilo Frozen Mix Vegetables (peas, carrots, corn)
½ cup Grated Cheese
½ cup Butter
2 pcs. Chicken cubes
1 large White Onion finely chopped
5 cloves minced garlic
Salt and pepper to taste

Paraan ng pagluluto:
1. Sa isang kawali o non-stick pan, igisa ang bawang at sibuyas sa butter.
2. Sabay nang ilagay ang atay at balun-balunan ng manok.
3. Timplahan ng asin at paminta at lagyan ng 1 tasang tubig. Hayaang kumulo hanggang sa maluto ang atay.
4. Ilagay muna ang hiniwang sayote at chiekn cubes. Hayaan ng mga 3 minuto.
5. Ilagay ang mix vegetables at grated cheese. Halu-haluin.
6. Tikman at i-adjust ang lasa.
7. Ilagay ang quail eggs bago hanguin sa isang lalagyan.

Ihain habang mainit pa.

Enjoy!!!!

Comments

Anonymous said…
Sir! Thanks for sharing your recipes... for someone who doesn't know how to cook, I was able to please the entire family :) http://tinytincan.wordpress.com/2010/07/24/400/

Thanks a lot!
Thanks tinytincan.....share mo din yung mga natutunan mo na...hehehe

Dennis

Popular posts from this blog

KALDERETANG BUTO-BUTO

KALDERETANG BUTO-BUTO ala BATANGAS

HALABOS na HIPON sa SPRITE, BAWANG at MARGARINE