MINATAMIS NA SAGO, LANGKA at NATA DE COCO

Remember yung na mentioned ko na bisita namin sa bahay na galing sa Ireland na kapatid ng aking asawa? Yes. Komo alam kong sabik sila sa mga pagkain pinoy, sinamahan ko na din ng dessert na ito para makumpleto na.

Ang dessert na ito ay very common sa mga lugar sa Batangas. Minamatamis nila yung sago at may nilalagay sila na dahon na pampalasa na hindi ko naman alam ang tawag. Dito sa version ko, nilagyan ko naman ng bunga ng langka at nata de coco para mas lalo pang mapasarap.

Yummy ito lalo na kung malamig ng konti. Panalo kung lalagyan mo ng kinadgad na yelo at gatas...hehehe..parang halo-halo na.




MINATAMIS na SAGO, LANGKA at NATA DE COCO

Mga Sangkap:
1/2 kilo Sugar
1/2 kilo Sago (yung luto na)
300 grams Langka (himayin)
1/2 kilo Nata de Coco

Paraan ng pagluluto:
1. Sa isang kaserola, magpakulo ng 3 tasang tubig.
2. Ilagay ang langka kung kumukulo na at hayaan ng mga 10 minuto.
3. Sunod na ilagay na ang asukal, sago at nata de coco. Hayaang kumulo hanggang sa medyo lumapot na ang arnibal o ang sabaw na asukal.
4. Palamigin muna at saka ilagay sa fridge.

Enjoy!!!!!

Comments

i♥pinkc00kies said…
sarap naman lalo na pag chilled!!
Dennis said…
Lagyan mo pa ng ginadgad na yelo at gatas...panalo ito. Parqa na ring halo-halo.

Popular posts from this blog

Sinigang na Baboy

Tinolang Manok

FOOD SUGGESTIONS para sa mga MAHAL na ARAW