HONEY-GINGER CHICKEN

Isa na namang masarap at madaling putahe ang handog ko sa inyong lahat. Ito yung palagi kong sinasabi na kahit hindi marunong magluto ay magagawa ito. Konti lang bilis ng kilos (para di masunog ang honey sauce) ay tiyak kong perfect ang kakalabasan ng dish na ito.

Okay na okay din ito sa mga working mother na kailangan pang magluto pagkagaling nila sa opisina. Simple lang kasi ang mga sangkap at simpleng-simple lang ang procedure ng pagluluto. Siguro it will take only about 30 minutes at may ulam na kayo. Try it!


HONEY-GINGER CHICKEN

Mga Sangkap:
10 pcs. Chicken Thigh & Legs.
1 cup Pure Honey
1/2 cup Soy Sauce
2 thumb size Ginger grated
Salt and pepper to taste
1 tbsp. Canola oil

Paraan ng pagluluto:
1. Timplahan ang manok ng asin at paminta. Hayaan ng mga ilang minuto.
2. Sa isang non-stick na kawali i-prito sandali ang mga manok sa kaunting mantika. Iba-brown lang ng konti ang balat ng manok.
3. Ilagay ang toyo, grated ginger at 1 tasang tubig. Takpan at hayaang maluto ang manok ng mga 20 minuto. Maaring lagyan pa ng konting tunig kung kinakailangan.
4. Kung kakauntin na ang sauce, ilagay na ang honey. Hinaan ng konti ang apoy para hindi masunog ang honey. Haluin ng haluin hanggang sa ma-coat ng sauce ang lahat ng manok at kumonti na lang ang sauce.

Ihain habang mainit pa.

Enjoy!!!!

Comments

Jenn Valmonte said…
True, this is really easy to cook! Thanks for another wonderful dish idea, Dennis!

Hopping from Food Trip Friday. You can read my post here: Halo Halo de Iloko | La Union
Thanks Jenn...ang sasarap naman ng kinain nyo sa La Union.....parang nabusog na ako kakatingin pa lang...hehehehe

Thanks for the visit. :)


Dennis
Another easy-breezy and yummy recipe. Thanks for sharing.
The Psalmist said…
Thank you for this one! I tried this and i added lemon juice for the chicken. The mixture of honey and ginger is awesome. More recipe please.

Mga Kathang Isip at Kwento ni Kiko

Popular posts from this blog

KALDERETANG BUTO-BUTO

TORTANG ALIMASAG (Crab Meat)