LINGUINE PASTA with CRAB FAT SAUCE

Last Saturday November 19, inimbitahan ko ang aking ka-officemate, kaibigan at kumpareng si Darwin at ang kanyang pamilya para mag-dinner sa bahay. Matagal-tagal na din kasi na hindi kami nagkaka-chikahan ng mga kaibigan kong ito kaya minabuti kong i-invite sila sa house.

Si Darwin pala ay dati kong assistant manager at after nga na malipat siya mg grupo 4 or 5 years ago, bihira na kami magkita at magkabalitaan.

Simpleng dinner lang ang inihanda ko para sa kanila. Una ay ito ngang pasta dish na entry ko for today ang Lingione pasta with crab fat sauce. Nagluto din ako ng roasted chicken, shrimp curry with coconut milk, creamy chicken & mung beans spring roll. Abangan nyo na lang yung mga separate posting ko para sa mga ito.

Nakakatuwa naman dahil bukod sa masarap na kwentuhan na nangyari nung gabing yun ay nagustuhan naman nila ang inihanda ko para sa kanila.


LINGUINE PASTA with CRAB FAT SAUCE

Mga Sangkap:
400 grams Linguine Pasta (cook according to package direction)
2 cups Crab fat (available in supermaket in can and in bottle)
1 head minced Garlic
1 large sice Red Onion chopped
2 cups grated Cheese
3 tbsp. Olive oil
1 tsp. Dried Basil leaves
3 pcs. Egg beaten
Salt and pepper to taste

Paraan ng pagluluto:
1. Lutuin ang pasta according to package direction. Huwag i-overcooked.
2. Sa isang non-stick na kawali o wok, i-prito ang binating itlog hanggang sa maluto. Hanguin muna sa isang lalagyan.
3. Sa parehong kawali, igisa ang bawang at sibuyas sa natitirang olive oil.
4. Ilagay ang taba ng talangka, dried basil at timplahan ng asin at paminta.
5. Lagyan ng 1 tasang tubig at halu-haluin.
6. Ilagay na din ang 1 cup na grated cheese.
7. Tikman ang sauce at i-adjust ang lasa.
8. Ilagay ang nilutong pasta at haluing mabuti hanggang sa ma-coat ng sauce ang lahat pasta.
9. Hanguin sa isang lalagyan at ilagay sa ibabaw ang chopped na scrambled egg at 1 cup pa na grated cheese.

Ihain habang mainit pa.

Enjoy!!!

Comments

Popular posts from this blog

KALDERETANG BUTO-BUTO

TORTANG ALIMASAG (Crab Meat)