CREAM DORY FILLET with CHEESY WHITE SAUCE


Ito yung isa sa mga in-order ng aking ka-officemate na si Ms. Dez nung nagpakain siya dito sa office ng kanyang mga staff. Sa hiling na din ng mga nakakain ng dish na ito, naisipan kong i-share na din ang recipe nito at para dito na ri nila tingnan.

May negative comment din ako na nakuha sa dish na ito. Medyo napa-alat ata yung batter ko sa fish fillet at yung sa white sauce. Kaya paalala ko na lang na hinay-hinay sa asin lalo na sa iodized salt.

In general, masarap ang dish na ito. Ayos na ayos sa mga handaan o sa mga party lalo na ngayon papalapit na ang pasko.

Try nyo din.


CREAM DORY FILLET with CHEESY WHITE SAUCE

Mga Sangkap:
3 kilos Cream Dory (cut into serving pieces)
1 pc. Lemon
1/2 kilo All Purpose Flour
5 pcs. Eggs
1 tetra bricl All Purpose Cream
1 cup grated Cheese
1/2 cup Butter
5 cloved minced Garlic
Salt and pepper to taste
Cooking oil for frying

Paraan ng pagluluto:
1. Sa isang bowl, i-marinade ang cream dory fillet sa asin, paminta, katas ng lemon, lemon zest o ginadgad na balat ng lemon at maggie magic sarap. Overnight mas mainam.
2. Para gumawa ng batter, sa isang bowl paghaluin ang harina at malamig na tubig. halu-haluin. Ilagay na din ang itlog, maggie magic sarap at batihing mabuti. Dapat ay medyo malapot ang batter para kumapit ng husto sa fish fillet.
3. Magpakulo ng mantika sa isang kawali. Dapat mga 1 to 2 inches ang lalim ng mantika.
4. Ilubog ang piraso ng fish fillet sa batter at saka ilubog sa kumukulong mantika. Lutuin hanggang sa mag-golden brown ang kulay. Hanguin sa isang lalagyang may paper towel.
5. For the white sauce, sa isang sauce pan ilagay ang butter hanggang sa matunaw.
6. Sunod na ilaagay ang bawang hanggang mag-golden brown ang kulay.
7. Ilagay na agad ang harina at halu-haluin. Isunod na rin agad ang all purpose cream at kaunting tinunaw na harina.
8. Ilagay na din ang grated cheese at patuloy na haluin hanggang sa lumapot. Maaring lagyan ng gatas o tubig para makuha ang nais na lapot ng sauce.
9. Tikman ang sauce at -i-adjust ang lasa.

Ihain ang cream dory fillet kasama ang ginawang white sauce.

Enjoy!!!!

Comments

tekkie said…
Sir Dennis, favorite ko na itong blog mo... it really helps me a lot sa pagpi-prepare ng dish...
Yesterday i tried this cream dory fillet with cheesy white sauce. but i used pineapply juice to marinate the fish instead of lemon juice (ang hirap kasi maghanap sa palengke ng lemon..)
and ung white sauce eh ginawa kong dip for the fish fillet... ang sarap! hehehe...
nagbaon ako kanina and pinatikim ko sa mga officemates ko and eto reaction nila.. "Ate Tek bakit ang sarap ng fish fillet mo.. magluto ka ulit ha... "
Thank you talaga sa blog mo sir Dennis... =)
Good luck ang hope see more posts of new dishes...
January 30, 2012 at 11:23 AM
Dennis said…
Thanks Tekkie....HIndi ko pa na try na pineapple juice ang gamitin na pang-marinade sa fish fillet. Iniisip ko kasi may sugar content ang juice at madali itong masunog pag pinirito. Ang mangyayari magiging dark yung kakalabasan ng fish fillet. But I know for sure masarap ang lasa na kakalabasan.

Thanks also Tekkie for the idea. subukan ko din yung ganyan. God Bless.
January 31, 2012 at 8:51 AM
Anonymous said…
Hi sir. I would like to try this recipe po. Pero hindi ko lang po naintindihan yung instruction sa number 7: "Ilagay na agad ang harina at halu-haluin. Isunod na rin agad ang all purpose cream at kaunting tinunaw na harina." Gaano karami po yung ilalagay na harina? And yung kaunting tinunaw na harina, gaano karami rin po? Thank you po.
May 31, 2016 at 12:11 PM
Dennis said…
Tama po yun para dagdag lapot yung harina sa white sauce. 1 tbsp. lang po siguro...depende sa dami ng sauce na gagawin.

Tipo error po yun. Pwedeng harina diretso after ng bawang or tinunaw na harina sa tubig kasunod ng cream.
May 31, 2016 at 5:30 PM
Anne said…
Mukang masarap sya.. Try ko nga! Thanks sa pag share ng recipe na ito Mr. Dennis Glorioso 👍🏻
March 19, 2017 at 10:37 AM
Dennis said…
Salamat din Ms. Anne ;)
May 5, 2017 at 1:34 PM
Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more