Mga Luto ni Dennis at Iba pa..

Ang Noche Buena ay isa sa mga tradisyon nating mga Pilipino sa panahon ng Kapaskuhan.   Hinihintay natin ang alas-12 at sabay-sabay na pinagsasaluhan ng ating pamilya ang masasarap na pagkain. This year, sa bahay ng aking biyenan na si Inay Elo kami nag-spend ng aming Noche Buena.   Simple lang naman ang aking inihanda komo kabi-kabila din naman ang mga kainan.    Para sa pampagana, gumawa ako ng California Maki na nilagyan ko din ng strip crab sticks at Japanese Mayo sa ibabaw. For the main course, nagluto ako nitong Roasted Chicken na sinamahan ko din ng baby potatoes.  Mayroon din nitong Baby Back Ribs in a bed of buttered beans.  Panalo ang sauce nito sabi ng anak kong si Jake. Mawawala ba ang pasta dish kapag ganitong okasyon.   Dapat sana ay with mix sausages ang gagawin ko dito.   Kaso, naiwan ko sa Manila yung nabili kong sausages.   Kaya ang nangyari, simpleng ala carbonara ang aking naluto. ...

Last last Sunday, nagkaroon ng Family Day ang pangalawa kong anak na si James sa Don Bosco Mandaluyong.   Bale ang nangyari, nag-toka ang mga parents officer ng mga pagkain na dadalihin ng bawat estudyante.  Buti na lang at medyo madali-dali ang na-toka sa aking anak.   Rice o kaya naman ay Fried Rice.  Yang Chow Fried Rice ang naka-specify pero ang ginawa ko ay all meat or meat overload na fried rice. Nakakatuwa naman kasi nung pinapanood ko yung mga nagkukuhanan ng pagkain, marami ang kumuha nung niluto ko.   Sabagay, sino ba naman ang hindi matatakaw sa fried rice ko?   Ito pa lang ay kumpleto na.   Hehehehe. FRIED RICE MEAT OVERLOAD Mga Sangkap: 10 cups Cooked Rice (jasmine or yung long grain ang gamitin) 250 grams Ground Pork 250 Grams Sweet Ham (cut into small pieces) 250 grams Bacon (cut into small pieces) 4 pcs. Chinese Chorizo (cut into small cubes) 2 cups Mix Vegetables (corn, carrots, peas) 4 pcs. Fr...

Kapag kumakain daw tayo, ang unang kumakain ay ang ating mga mata at pag-iisip.   Kung baga, mas ginaganahan tayong kumain kapag maganda ang itsura nakakatakam ang pagkaing naka-hain sa atin. But ofcourse hindi dapat makalimutan ang lasa ng pagkain na ating ihahain.   Baka naman maganda nga tingnan pero wala namang lasa.   Kaya nga sa mga buffet na kainan tinitingnan ko muna lahat ng nakahain bago ako kumuha.   Balik na lang ulit kung nagustuhan ko ang pagkain. Ganito ang ginawa ko sa simpleng daing na bangus na ito.   Simpleng timpla sa daing na bangus at pagkatapos ay nilagyan ko ng ginisa sa luya na pyster sauce.   At para maging katakam-takam sa mata, nilagyan ko pa ito ng caramelized onion at toasted garlic bits sa ibabaw. Di ba nakakatakam naman talaga?   Try nyo din po. DAING na BANGUS with OYSTER SAUCE Mga Sangkap: 2 pcs. medium size Boneless Bangus 1/2 cup Oyster Sauce 1 thumb size Ginger (cu...

Amoy na amoy na natin talaga ang kapaskuhan.   Hindi lamang sa ating mga nakikitang dekorasyon sa mga tahanan, mga daan at maging sa mga mall ay bakas na bakas at dama natin ang nalalapit na pasko. Marami din sa atin ay abalang-abala na sa pag-iisip kung ano ang masarap ihanda para sa ating Noche Buena.   Yung iba gusto ay yung kakaiba at hindi pangkaraniwan nating kinakain.   Yung iba naman gusto yung traditional o classic na inihahanda sa kapaskuhan at ginagawa na lang nilang extra special. Medyo mahirap din na kakaiba yung ihanda.  Una:   baka pumalpak ang pagkakaluto...pangalawa:   baka hindi magustuhan ng mga bata kasi hindi nila kilala yung pagkain... pangatlo:   baka magastos.    Hehehehe So para sa akin okay siguro na yung classic dishes na lang ang ating ihanda pero gawin natin extra special ang sahog at ang pagkakaluto. Kagaya nitong classic spaghetti na ito.  Madali la...

Hindi kami madalas mag-ulam ng karneng baka.   Bukod kasi sa may kamahalan ang presyo nito, hindi din ganun karami ang luto na alam kong gawin.   Pangkaraniwan luto na nagagawa ko lang dito ay ang nilaga at ang bistek. Minsan sa pamamalengke ko, may nakita akong magandang cut at klase ng karneng baka.   Kaya naman kahit medyo may kamahalan ang kilo nito ay bumili na din ako.   Naisip ko na lutuin ito with oyster sauce at lalagyan ng broccoli.   Kaso, walang akong nabiling broccoli sa palengke.   Ang ginawa ko na lang sayote ang aking inilagay at okay naman din ang kinalabasan.   Halos pareho lang din ng beef broccoli na gustong lutuin. BEEF CHAYOTE in OYSTER SAUCE Mga Sangkap: 1 kilo Beef (thinly sliced) 1/2 cup Oyster Sauce 1 pc. large Chayote or Sayote (cut into sticks) 2 thumb size Ginger (cut into strips) 5 gloves Minced Garlic 2 pcs. Large White Onion (cut into rings) 1 tsp. Sesame Oil 1/2 ...

Pangkaraniwang ipinapalaman natin sa inihaw na bangus ay ang sibuyas at kamatis.   Sa probinsya nga binabalot pa natin ito sa dahon sa saka iihaw sa baga.   Masarap ito dahil nandun yung smokey taste ng nasunog na dahon ng saging na nagdadagdag ng flavor sa bangus. Marami na din akong version na nagawa sa inihaw na bangus na ito.   At ang isa sa pinaka-sikat nga ay itong Cheesy inihaw na bangus.   Meron pa ngang nag-email sa akin na nasa ibang bansa at naging standard na sa kanilang tahanan na lagyan ng cheese ang kanilang inihaw na bangus.   Nakakatuwa di ba? In this version, bukod sa keso, nilagyan ko din ito ng fresh basil leaves para magkaroon ng kakaibang lasa.  Sa Italy nga daw perfect combination ang basil, tomatoes at cheese kay naisip ko na gawin din ito sa hamak na bangus.   At hindi nga ako nagkamali.   Isang masrap na version ng inihaw na bangus ang naluto ko.    Try nyo din po. ...

Hello po sa lahat ng tagasubaybay ng food blog kong ito.   Pasensya na po kung hindi po ako nakakapag-post nitong mga nakaraang araw at linggo.   Nagkasakit po kasi ako at naoperahan.   Pero okay na nama po ako ngayon.   Pipilitin ko po na makapag-post na ng mga masasasarap na putahe sa abot ng aking makakaya. Today, isang simple at masarap na chicken dish ang aking handog sa inyo.   For sure ay magugustuhan ito ng inyong mga anak. Simple din kasi ang mga sangkap at paraan ng pagluluto nito.   Try nyo din po. CRISPY CHICKEN with SPICY BARBEQUE GLAZE Mga Sangkap: 1 kilo Chicken Drumstick or Thigh 1 pc.Lemon 1 cup Flour 1 cup Cornstarch 1 tsp. Maggie  Magic Sarap Salt and pepper to taste Cooking Oil for frying For the Glaze: 1 cup Hickory Barbeque Sauce 1 tbsp. Chili-Garlic Sauce 1 tbsp. Brown Sugar 1 tsp. Grated Ginger 2 pcs. White Onion (sliced) 5 cloves Minced Garlic 3 tbsp. Melted Butter Paraan ng p...

Isa sa mga recipes na nauna kong na-post sa blog na ito ay itong Pork Hamonado.   Sabi nga nung isang nag-comment sa mga espesyal na handaan lang daw siya nakakatikim ng pork dish na ito.   Sabi din niya, di daw niya masabi ang kakaibang sarap at linamnam nito.   Kahit ang kaibigan kong si Ate Joy, gustong-gusto din niya ang pork dish na ito. Akala ng marami ay mahirap gawin o lutuin ito pero sa totoo lang ay napakadali lang.   Kahit baguhan lang sa pagluluto ay matututunan ang dish na ito.   Bakit naman?   Bukod kasi sa simple lang ang paraan ng pagluluto, ay iilan din lang ang sangkap na kinakailangan.   Try nyo din po. PORK HAMONADO ESPESYAL Mga Sangkap: 2 kilos Pork Kasim or Pigue (Yung may balat pa at taba.   Ipahiwa na parang log o pahaba) 3 cups or 1 medium size can Pineapple Juice (sweetened) 2 pcs. Onion (chopped) 1 head Minced Garlic 1 cup Brown Sugar 1/2 cup Soy Sauce Salt and pep...

Ang pochero ay isang dish na sa mga espesyal na okasyon natin natitikman.   Pero syempre basta para sa ating pamilya kahit simpleng araw ay the best i-serve ito. Pangkaraniwan ay karne ng baka o baboy ang ginagamit dito.   Pero pwede din naman ang manok lalo na sa mga may health issue and yes ito siguro ang healthy version. Madali lang itong lutuin kahit siguro bago pa lang natututong magluto ay magagawa ito.   Ang importante ay ang tamang sangkap at yung tamang lasa ng sauce na nag-aagaw yung alat, asim at tamis.  Try nyo po masarap ito. POCHERONG MANOK Mga Sangkap: 1 kilo Chicken Legs (cut into half) 1 tetra pack Tomato Sauce 2 pcs. Chorizo de Bilbao 5 pcs. Saging na Saba 2 pcs. Kamote (cut into cubes) Pechay Baguio Beans Repolyo Brown Sugar 1 pc. Onion (sliced) 5 cloves Minced Garlic Salt and pepper to taste Cooking Oil Paraan ng pagluluto: 1.   Timplahan ang manok ng asin at paminta.  Hayaan ng ilang sandali 2...

Ito ang isa pa sa mga dish na niluto ko nitong nakaraang kaarawan ng aking panganay na anak na si Jake.   Fish Fillet with Chili-garlic-mayo dip. Actually, lasty minute choice ko itong dish na ito.   Nung sabihin kasi ng anak ko kung ilan ang ine-expect niyang guest naisip ko na dagdagan pa ang nase menu ko.   At ito na nga yun. Madali lang naman lutuin ang fish fillet.   Tip lang... kung isdang cream dory ang gagamitin nyo, huwag nyo na itong lagyan ng asin or kung lalagyan man, kaunting-jaunti lang.   Maalat na kasi ang laman ng isdang iyo.   I-marinade lang ito sa kaamansi o lemon at kaunting paminta at Magic sarap ay okay na. FISH FILLET with CHILI-GARLIC-MAYO DIP Mga Sangkap: 1 kilo Cream Dory Fillet (hiwain ng pahaba) 1 pc. Lemon 1 tsp. Maggie Magic Sarap 1/2 tsp. Ground Black Pepper For the batter: 2 pcs. Fresh Eggs 1/2 cup Flour 1/2 Cup Cornstarch Salt and pepper to taste -- Cooking Oil for Frying For ...

Ito yung rice dish na niluto ko para sa kaarawan ng panganay kong anak na si Jake.   Request niya ito kay ito ang niluto ko. Madali lang naman gawin ang rice dish na ito.   Ang importante lang ay tama ang sangkap na gagamitin at yung timing sa pagluluto nito. Hindi ko matawag na yang chow fried rice ito komo wala naman akong hipon na inilagay.   Mostly, mga karne anag akibng inilagay kaya tinawag ko na lang ito na Fried Rice Meat Overload. Kahit naman ano ay pwedeng ilagay sa fried rice.   Mas mainam lang ay yung strong ang flavor para lumasa talaga sa kanin. FRIED RICE MEAT OVERLOAD Mga Sangkap: 8 cups Cooked Rice (jasmin or long grain rice) 1 cup Mix Vegetables (corn, carrots, green peas) 3 pcs. Fresh Eggs (beaten) Spice Ham (cut into cubes) Chorizo de Bilbao (cut into small pieces) Bacon (cut into small pieces) 1 head Minced Garlic 1 pc. Onion (chopped) 1 tsp. Sesame Oil Cooking Oil Spring Onion (chopped)  Salt an...

Ito ang isa pa sa mga dish na niluto nitong nakaraan kong kaarawan.   Itong Braised Pork Tenderloin in Hoisin Sauce. Actually, para din siyang pork hamonado.   Yun lang, pork tenderloin or lomo nga ang ginamit dito at bukod sa pineapple juice nilagyan ko din ito ng Hoisin sauce. Masarap ito.   Kakaiba yung lasa ng tamis ng sauce dahil sa hoisin sauce.   At tamang-tama din ang lambot ng karne komo lomo nga ang ginamit.  Ayos na ayos itong ihanda sa mga espesyal na okasyon lalo na din na papalapit na ang pasko.   Try nyo din po. BRAISED PORK TENDERLOIN in HOISIN SAUCE Mga Sangkap: 1 kilo Pork Tendeloin or Lomo 1 can Pineapple Juice 1/2 cup Hoisin Sauce 1/2 cup Soy Sauce 1 head Minced Garlic 2 pcs. Onion (chopped) 2 tbs. Brown Sugar 1 tsp. Sesame Oil Salt and pepper to taste Paraan ng  pagluluto: 1.   Ibabad ang pork tenderloin o lomo sa pineapple juice at timplahan ng bawang, sibuyas, asin at p...

September 22 ang araw ng kapanganakan ng panganay kong anak na si Jake.   At kagaya ng mga nakaraan niyang birthday, iniraraos namin ito kahit papaano sa aming tahanan. Huwebes pumatak ang kanyang birthday at siya na din ang nagsabi na Sabado na lang gawin ang celebration komo nga simpleng araw yun at may pasok sila sa school. At ganun nga ang nangyari.   Tanghali pa lang ng Sabado ay nag-simula na akong magluto para sa kanyang mga bisita.   Sabi niya mga 15 daw ang ine-expect niya na guest kaya naman nag-handa ako ng para sa 20 to 25 na guest naman. Sa may birthday din nang-galing kung ano ang gusto niyang ihanda ko.   Ganun naman lagi ang ginagawa ko.   Kung ano ang gustong handa ng may birthday, yun ang inihahanda ko. So nagluto ako ng Pork Hamonado,  Shrimp in Orange-Pineapple sauce, Fish fillet with Chili-Garlic-Mayo Dip,  5 Spice Fried Chicken,  Spaghetti Meat Overload in Italian Sauce at Yang Chow Fr...

Ang Lechon Macau ay para din lang yung paborito nating Lechon Kawali o yung Bagnet ng Ilocos.   ang pagkakaiba lang nito ay tinitimplahan pa ito ng herbs and spices habang pinapakuluan at pini-prito. Actually na-kopya ko lang ang recipe na ito sa isa pang food blog at hindi ko alam kung ganito ba talaga ang recipe na ginagamit sa Macau.   Ito pala ang isa pa sa mga dish na niluto ko nitong nakaraan kong kaarawan.   Masasabi ko na masarap dahil may kakaiba itong lasa kumpara sa simple nating lechon kawali.   Try nyo din po. LECHON MACAU Mga Sangkap: 2 kilos Pork Belly (cut into blocks) 2 tsp. 5 Spice Powder 1 tsp. Garlic Powder 2 pcs. Dried Laurel Leave 2 pcs. Onion (quartered) 1 head Garlic (sliced) 2 tbsp. Rock Salt 1 tsp. Maggie Magic Sarap 1 tsp. Ground Black pepper Cooking Oil for Frying Paraan ng pagluluto: 1.   Sa isang heavy bottom na kaserola ilagay ang pork belly,  1 tsp. ng 5 spice powder, sibuyas, ba...

Ito ang isa pa sa mga dish na niluto ko para sa aking nakaraang kaarawan.   Halabos na Hipon sa Gata. Ang paghahalabos ang pangkaraniwang luto na ginagawa natin sa hipon.   Madalas asin lang ang inilalagay natin at kaunting tubig at pakukuluan o steam lang ng kaunti.   Pero pwede din na maglagay pa tayo ng kung ano-anong pampalasa pa para sumarap ito. Yung iba ginigisa pa ito sa butter at nilalagyan ng 7Up o Sprite,   Yung iba naman maraming bawang o mga herbs na pampalasa. Sa version kong ito, gata ng niyog naman ang aking ipinang-halabos.   Nilagyan ko din ng chili-garlic sauce para may kaunting sipa sa bibig ang lasa.   For me, ito ang panalong luto sa hipon. HALABOS na HIPON sa GATA Mga Sangka: 1 kilo Medium size Shrimp 2 cups Kakang Gata ng Niyog 1 tbsp. Chili-garlic sauce 1 thumb size Ginger (cut inti strips) 5 cloves Minced Garlic 1 pc. Onion (sliced) 2 tbsp. Cooking Oil or melted Butter Salt and pep...

Ito po ang isa pa sa mga dish na niluto ko nitong nakaraan kong kaarawan.   Lasagna Roll. First time ko lang itong ginawa.   Yung regular na lasagna yes nakagawa na ako pero itong naka-roll ngayon pa lang talaga. Actually halos pareho lang ang proseso sa pagluluto nito.   Ang pagkakaiba lang, sa halip na i-layer yung lasagna sheets ipinapalaman yung meat at sauce at saka niro-roll.   Importante din na i-top ito ng quick melt cheese at fresh chopped basil leaves.   Yummy!!!! LASAGNA ROLL Mga Sangkap: 10 pcs. Lasagna Pasta 500 grams Ground Pork or Beef 1 can Sliced Mushroom 1/2 cup Tomato Paste 1 cup Quick Melt Cheese 1/2 cup Melted Butter1/2 tsp. Dried Oregano 1/2 tsp. Dried Basil 1/2 tsp. Dried Parsley 5 cloves Minced Garlic 1 pc. Large White Onion (chopped) Salt and pepper to taste For the sauce/garnish: 4 cups Spaghetti Sauce 2 cups Grated Quick melt Cheese 1/2 cup Chopped Fresh Basil Leaves  5 cloves Mi...

Ito ang isa sa mga pagkaing aking inihanda sa aking kaarawan last Monday September 12.   Herb Crusted Pink Salmon. Ito ang aking inihanda komo paborito ito ng aking asawang si Jolly at ang tatlo kong mga anak.   Dati, simpleng salt and pepper lang ang itinitimpla ko dito komo masarapa na ang isdang ito.   But this time, nilagyan ko ito ng 3 klaseng herb para mas lalo pang sumarap.   Nilagyan ko ito ng thyme, basil at parsley.   Ang resulta?   Perfect!  Sinamahan ko pa ng buttered Baguio beans...Panalo!!! HERBS CRUSTED PINK SALMON Mga Sangkap: 1 kilo Pink Salmon Fillet 1 tsp. Dried Parsley 1 tsp. Dried Basil 1 tsp. Dried Thyme 1 tsp. Ground Black Pepper 1 tsp. Salt or to taste Butter for frying Paraan ng pagluluto: 1.   Paghaluin ang mga herbs, asin at paminta sa isang bowl.   2.   Ibudbod ito sa paligid ng pink salmon fillet.   Hayaan ng ilang sandali o a...

Last Monday September 12 me and my family celebrated my 49th birthday.   Actually, nag-start ang celebration ng September 11 pa lang.   May fieldtrip kasi ang panganay kong anak na si Jake ng September 12 kaya naisipan kong mag-celebrate na kaming pamilya ng September 11 pa lang. Sa Buffet 101 kami kumain ng aming lunch after ng aming pagsisimba.   From the church diretso na kami sa branch ng buffet 101 sa Robinsons Magnolia. First time namin sa branch na ito ng Buffet 101.  For me, mas okay ang branch nila sa Glorietta. Masasarap naman ang mga food.  Nag-start ako with different kinds of maki at sunod naman itong mga dimsum, century eggs and soy chicken. Komo may free cake ang may birthday, isinabay na din namin ang celebration ng panganay kong anak na si Jake na mag-be-birthday din sa September 22 naman.   Sa mismong araw ng aking birthday September 12 nagluto din ako ng kaunting handa para sa aking pamilya. ...

Paborito din ng mga anak ko ang burger steak na nabibili sa isang sikat na fast food chain.   Kaya naman kapag may pagkakataon ay nagluluto din ako nito sa bahay para sa kanila.  Nilalagyan ko na lang ng sarili kong twist ito para mas mapasarap pa. Sa version kong ito, ground pork ang ginamit ko para sa burger.   Medyo may kamahalan kasi kung baka.  hehehe.   Although may available din naman na burger patties sa supermarket, iba pa rin yung ikaw mismo ang gagawa fro scratch. Also in this version, nilahukan ko ang burger ng mga spices para may kaunting sipa kapag kinakain mo na ito.  At hindi naman ako nagkamali, masarap at juicy ang kinalabasan ng aking burger steak.   Try nyo din po. PORK BURGER with MUSHROOM GRAVY Mga Sangkap: 1 kilo Ground Pork (3/4 Lean & 1/4 Fat) 1 tsp. 5 Spice Powder 1/2 tsp. Cayene Powder 1/2 tsp. Paprika Powder 1 tsp. Ground Black Pepper 2 pcs. White Onion (chopped) 2 pcs. Fresh Eggs ...

Nitong huling uwi ko sa aming bahay sa Bocaue, Bulacan, napansin ko itong puno ng kamias sa bakuran ng aking Tita Melda na hitik sa bunga. Naalala ko tuloy noong araw na maliliit pa kami, katu-katulong kami ng aming Mama Tinay na mamitas ng bunga nitong kamias at pagkatapos ay pinipiga namin yung katas at ginagawa namang minatamis.   Yes.  Ganun na katanda ng puno ng kamyas na ito. Kaya naman hiniling ko sa aking tita na pipitas ako nito para madala pabalik ng Maynila. Tamang-tama kasi may nabili namang hipon na suahe ang aking asawang si Jolly at ayos na isigang ko ito sa kamias nga. Ang sarap.   Tamang-tama lang yung asim.   Ang tagal ko na ding hindi nakatikim ng sinigang sa kamias.   Madalas kasi ay yung instant sinigang sa sampalok mix ang aking ginagamit. SINIGANG na HIPON sa KAMIAS Mga Sangkap: 1 kilo Hipon (Suahe) Kamias (depende sa asim na gusto nyo) 3 pcs. Tomatoes (quartered) 2 pcs. Onion (quartered) Labanos ...

Nagsabi sa akin ang pangalawa kong anak na si James na kailangan daw niyang magdala ng pagkaing Pilipino sa school bilang pagdiriwang ng Buwan ng wika.  At ito ngang Chicken Adobo na ito ang aking niluto. Kapag pagkaing Pilipino, dalawang pagkain lang ang naiisip ko na masasabi nating pinoy na pinoy talaga.   Ito ay ang adobo at sinigang.   Di ba nga hanggang ngayon ay pinagdidibatehan pa kung alin nga sa dalawang ito ang maituturing na pambansang ulam ng Pilipinas.   Kahit ako hindi ko mapili kung alin talaga.   Pareho kasi na versatile ang dalawang ulam na ito at kahit saang lugar sa Pilipinas ay may sarilijg bersyon ng dalawang ulam na ito. But this time nilagyan ko ng twist ang chicken adobo ko na ito.   Komo mga kabataan ang kakain, naisip ko na bakit hindi ko lagyan ng grated cheese ang ibabaw para mas lalong maging katakam-takam.   Adobo with cheese?   Why not?   parehong masarap kay mas la...

May nabili akong sariwang Yellow Pin tuna sa palengke.   Nung makita ko ito isang luto lang ang pumasok sa isip ko at ito ay ang lutuin ito sa gata.  Masarap naman talaga ang luto sa gata.   Kahit ano siguro basta nilagyan mo ng gata ng niyog ay tiyak na sasarap.   Samahan mo pa ito ng sili para pampa-anghang ay tiyak na mas gaganahan kang kumain. Try nyo din po. YELLOW PIN TUNA in COCONUT CREAM Mga Sangkap: 1 kilo Fresh Yellow Pin Tuna (sliced) 2 cups Fresh Coconut Cream 2 thumb size Ginger (sliced) 1 head Minced Garlic 1 pc. large Onion (sliced) A bunch of Pechay Tagalog 5 pcs. Siling Pang-sigang Salt and pepper to taste 1/2 tsp. Maggie Magic Sarap (optional) 3 tbsp. Cooking Oil Paraan ng pagluluto: 1.   Timplahan ng asin at paminta anag bawat piraso ng isda.   Hayaan ng ilang sandali. 2.   Sa isang kawali o kaserola, igisa ang luya, bawang at sibuyas sa mantika. 3.   Sunod na ilagay ang kakang gata at...

Ang inspirasyon ko nung niluto ko ang dish na ito ay yung chicken fillet Italiana ng KFC.   Ofcourse hindi ko naman talaga alam kung ano ang mga sangkap nun at kung paano ginawa kaya bale ito ang sarili kong version ng dish na yun. In my own version, pinalamanan ko ang chicken breast fillet ng chopped red bell pepper, white onion at dried basil.   Ito yung mga natira pang pang-toppings dun sa pizza pandesal na ginawa ko. And the result is great.   Mas masarap pa siguro sa nabibili sa KFC.   Hehehehe. CHICKEN FILLET ITALIANA ala DENNIS Mga Sangkap: 3 Whole Chicken Breast Fille (cut into half) 2 pcs. large Red Bell Pepper (cut into small cubes) 2 pcs. large White Onion (chopped) 1/2 tsp. Dried Basil 2 cups Pasta Sauce or Pizza Sauce 2 cups Grated Cheese 2 tbsp. Olive Oil 2 pcs. Fresh Eggs (beaten) 1 cup flour 2 cups Japanese Bread Crumbs Salt and pepper to taste Cooking Oil for Frying Paraan ng pagluluto: 1.   Gam...

Pangkaraniwang alam nating luto sa fried chicken ay yung binabalot sa breadings at saka piniprito hanggang sa maging malutong ang balat.  Naging batayan na natin ang fried chicken ng Jollibee at McDonald. But for me, wala pa ring tatalo sa pinoy style n pagpi-prito natin ng manok.   Yung kagaya ng sa Max Fried Chicken.   Yung wala breading na nilalagay.   Para sa akin kasi kapag may breadings, natatabunan nung seasoning ng breadings yung natural na flavor o lasa ng manok.   At isa pa,  kapag may breadings, maaring maging hilaw pa ang loob ng manok pero luto na ang labas. Kaya naman gusto kong i-share sa inyo itong pinoy style fried chicken na niluto ko nitong nakaraang kaarawan ng anak kong si James.   Simpleng simple lang ito.   Masasabi kong medyo nalalapit sa lasa ng Max Fried Chicken. PINOY STYLE FRIED CHICKEN ala DENNIS Mga Sangkap: 8 pcs. Chicken Legs 1 sachet Sinigang Mix 1 tbsp. Onion Powder 1 ...

Last Friday, nag-celebrate ng kanyang ika-16th birthday ang pangalawa kong anak na si James.   Wala naman siyang sinabi na darating na bisita pero naghanda pa din ako ng kaunti kagaya ng aking ginagawa taon-taon para sa kanilang karaawan.   Nagluto ako spaghetti, Max style fried chicken na may French fries at kropek, at sinamahan ko na din ng Japanese at pork siomai na binili ko lang sa supermarket. Sa spaghetti gumamit ako ng sweet style na spaghetti sauce at nilahukan ko ng ground pork, spice ham at cheesedog.   Nilagyan ko din ang sauce ng dried basil para magkaroon ng kakaibang lasa. Sa fried chicken naman ginaya ko yung ginagawa sa Max fried chicken.   And for extra crispyness dalawang beses ko siyang pinirito. Pabirito din ng may birthday itong siomai kaya iginagdag ko ito sa kanyang handa. Bumili naman ng cake ang asawa kong si Jolly para sa aming dessert.   At hindi pa dun ...