CRISPY FRIED LIEMPO

Nung unang inilabas ng Chowking yung Chinese Style Fried Chicken nila, na-curious talaga ako, kung papaano nila ito nagawa at yung sang na ipinang-marinade nila.   Masarap kasi as compare dun sa fried chicken ng ibang kilalang fastfood.

Until mapanood ko yung commercial ulit ng Chowking na si Boy Abunda yung nagtatanong sa Chef kung ano nga ang sekreto ng fried chicken nilang ito.   Hindi rin sinabi kung ano nga ang sekreto pero ipinakita kung ano ang inilalagay sa chicken para maging extra crispy ito.

Sa tingin ko ay rice flour na ginawang batter ang ipinang-coat sa chicken para maging crispy ito.   At yun nga ang ginawa ko sa pork liempo na ito na iniulam at binaon ng mga kids ko nitong nakaraang araw.   Hindi man perfect o kahawig sa lasa ng nasa chowking, pero malutong nga ang kinalabasan ng fried pork liempo kong ito.  Pwede nyo ding subukan.   hehehehe


CRISPY FRIED LIEMPO

Mga Sangkap:
1/2 kilo Pork Liempo (cut into about 3 inch long)
3 tbsp. Sesame Oil
Salt and pepper to taste
For the batter mix:
Rice Flour
Cold Water
Maggie Magic Sarap
salt and pepper to taste
Cooking oil for Frying

Paraan ng pagluluto:
1.   I-marinade ang hiniwang liempo sa asin, paminta at sesame oil.   Hayaan ng ilang sandali.
2.   Sa isang bowl, paghaluin ang rice flour, asin, paminta, cold water at maggie magic sarap.   Wala akong measurement o sukat na inilagay.  Basta ang kailangang tandaan lang ay dapat malapot ang batter mix para kumapit ng husto sa  liempo.
3.   I-lubog ang liempo sa ginawang batter mix at i-prito ng lubog sa mantika hanggang sa mag-golden brown ang kulay ng magkabilang side.
4.   Hanguin sa lalagyang may paper towel.

Hiwain sa nais na laki at ihain na may kasamang Mang Tomas Sarsa ng lechon o catsup.

Enjoy!!!!