Mga Luto ni Dennis at Iba pa..

Ito ang isa sa mga inihanda ko nitong nakaraan naming media noche.   Crab Stick and Cucumber Spring Roll. Actually, marami na din akong na-post na recipe nito sa archive.   Minarapat ko lang na i-post ulit with the latest picture para sa mga bago pa lang na sumusubaybay sa food blog kong ito.   Mayroon ding nag-message sa akin na i-post ko nga daw ang recipe para magaya niya. Madali lang naman ang appetizer na ito.   Ang mahirap ay yung pag-hanap ng mga sangkap at yung mismong pag-assemble.   Kapag hindi ka kasi mabilis sa pag-roll masisira o mapupnit lang yung wrapper. Pero winner talaga ang spring roll na ito.   Hina-hanap-hanap talaga sa akin ito kapag may espesyal na okasyon sa amin.   Try nyo din po. CRAB STICK and CUCUMBER SPRING ROLL Mga Sangkap: Rice Paper Crab Sticks (cut into strips) Cucumber (cut into strips) Romaine Lettuce Cashiew Nuts (durugin) For the sauce:Mayonaise All Purpose Crea...

Hindi kami madalas mag-ulam ng karneng baka.   Bukod kasi sa may kamahalan ang presyo nito, hindi din ganun karami ang luto na alam kong gawin.   Pangkaraniwan luto na nagagawa ko lang dito ay ang nilaga at ang bistek. Minsan sa pamamalengke ko, may nakita akong magandang cut at klase ng karneng baka.   Kaya naman kahit medyo may kamahalan ang kilo nito ay bumili na din ako.   Naisip ko na lutuin ito with oyster sauce at lalagyan ng broccoli.   Kaso, walang akong nabiling broccoli sa palengke.   Ang ginawa ko na lang sayote ang aking inilagay at okay naman din ang kinalabasan.   Halos pareho lang din ng beef broccoli na gustong lutuin. BEEF CHAYOTE in OYSTER SAUCE Mga Sangkap: 1 kilo Beef (thinly sliced) 1/2 cup Oyster Sauce 1 pc. large Chayote or Sayote (cut into sticks) 2 thumb size Ginger (cut into strips) 5 gloves Minced Garlic 2 pcs. Large White Onion (cut into rings) 1 tsp. Sesame Oil 1/2 ...

Ang pochero ay isang dish na sa mga espesyal na okasyon natin natitikman.   Pero syempre basta para sa ating pamilya kahit simpleng araw ay the best i-serve ito. Pangkaraniwan ay karne ng baka o baboy ang ginagamit dito.   Pero pwede din naman ang manok lalo na sa mga may health issue and yes ito siguro ang healthy version. Madali lang itong lutuin kahit siguro bago pa lang natututong magluto ay magagawa ito.   Ang importante ay ang tamang sangkap at yung tamang lasa ng sauce na nag-aagaw yung alat, asim at tamis.  Try nyo po masarap ito. POCHERONG MANOK Mga Sangkap: 1 kilo Chicken Legs (cut into half) 1 tetra pack Tomato Sauce 2 pcs. Chorizo de Bilbao 5 pcs. Saging na Saba 2 pcs. Kamote (cut into cubes) Pechay Baguio Beans Repolyo Brown Sugar 1 pc. Onion (sliced) 5 cloves Minced Garlic Salt and pepper to taste Cooking Oil Paraan ng pagluluto: 1.   Timplahan ang manok ng asin at paminta.  Hayaan ng ilang sandali 2...

Nitong huling uwi ko sa aming bahay sa Bocaue, Bulacan, napansin ko itong puno ng kamias sa bakuran ng aking Tita Melda na hitik sa bunga. Naalala ko tuloy noong araw na maliliit pa kami, katu-katulong kami ng aming Mama Tinay na mamitas ng bunga nitong kamias at pagkatapos ay pinipiga namin yung katas at ginagawa namang minatamis.   Yes.  Ganun na katanda ng puno ng kamyas na ito. Kaya naman hiniling ko sa aking tita na pipitas ako nito para madala pabalik ng Maynila. Tamang-tama kasi may nabili namang hipon na suahe ang aking asawang si Jolly at ayos na isigang ko ito sa kamias nga. Ang sarap.   Tamang-tama lang yung asim.   Ang tagal ko na ding hindi nakatikim ng sinigang sa kamias.   Madalas kasi ay yung instant sinigang sa sampalok mix ang aking ginagamit. SINIGANG na HIPON sa KAMIAS Mga Sangkap: 1 kilo Hipon (Suahe) Kamias (depende sa asim na gusto nyo) 3 pcs. Tomatoes (quartered) 2 pcs. Onion (quartered) Labanos ...

Bumibili din ba kayo nung mga packed mix vegetables kagaya ng pang pinakbet at chopsuey sa mga supermarket kagaya ng SM or Puregold?   Sa tingin ko ay mas makakamura ka dito lalo na kung hindi naman pang-marami ang lulutuin mo.   Kapag kasi bumili ka ng per klase ng gulay, medyo mapapamahal ka unless marami o lahata ay lulutuin mo.   Kagaya sa amin na pahirapan magpakain ng gulay, yung 1 pack ay okay na sa amin. Itong packed mix vegetables ang ginamit dito sa tofu and bagnet chopsuey na niluto nitong nakaraang Linggo.   As expected naubos ang tofu at bagnet at ako ang umubos ng mga gulay.   Hayyy!!!  ang mga anak ko talaga.    Hehehehe. CHOPSUEY with TOFU and LECHON KAWALI Mga Sangkap: 500 grams Lechon Kawali (cut into cubes) 1 block Tofu or Tokwa (cut into cubes then fry) Mix Vegetables (carrots, broccoli, cauliflower, Baguio beans, cabbage, celery, bell pepper, etc.) 1/2 cup Oyster Sauce 5 cloves Min...

Hindi ako madalas magluto at mag-post ng vegetable dish.   Hindi kasi masyadong kumakain ng gulay ang mga anak ko.   Kaya ayun kami ng aking asawa ang umuubos kapag nagluto ako.   Pero minsan na nagluto ako ng gulay na munggo nilahukan ko ng pork liempo at kumain naman sila. Ganun ang ginawa ko sa ginisang sayote na ito.   Sinahugan ko ng giniling na baboy at kaunting oyster sauce.  At ayun, nagustuhan naman nila ito komo may karne nga.   hehehehe GINISANG SAYOTE Mga Sangkap: 2 pcs. large Sayote (cut into strips) 1 pc. Carrot (cut into strips) 250 grams Ground Pork 5 cloves MInced Garlic 2 tbsp. Oyster Sauce 1 pc. Onion (sliced) 1 tsp. Freshly Ground Black Pepper 1 tsp. Brown Sugar Salt to taste 3 tbsp. Cooking Oil Spring Onion to garnish Paraan ng pagluluto: 1.   Sa isang kawali, igisa ang bawang at sibuyas sa mantika. 2.   Isunod na agad ang giniling na baboy at timplahan ng asin at pam...

Classic favorite nating mg Pilipino itong caldereta.   Dati, sa mga handaan lang natin ito natitikman.   Pangkaraniwan, karneng baka ang ginagawang ganito o kaya naman ay karne ng baboy o kambing. Ngayon, hindi na pahirapan ang pagluluto ng caldereta.   Marami na kasing available na mga sauces at marinade mixes sa mga paborito nating classic na filipino dishes sa mga supermarket o palengke man.   Ako basta may bago akong nakita sa supermarket sinusubukan ko ito para malaman ko din kung alin ang masarap.   Hindi naman ako nagre-rely lang sa mga instant mixes na ito.   Nilalagayan ko pa din ng iba pang mga sangkap para mas lalo pa itong mapasarap. Katulad nitong Chicken Caldereta na ito.   Bukod sa UFC Caldereta Mix, nilagyan ko pa din ito ng sweet pickle relish at Reno Liver spread na pangkaraniwang nilalahok natin sa caldereta.   The result?    Isang masarap na ulam para sa ating ...

Minsan lang kami mag-ulam ng karneng baka.   Bukod kasi sa may kamahalan ang per kilo nito, may katagalan din itong lutuin lalo na kung may katigasan ang karne.   Kung yun namang malambot na parte ang bibilhin, panigurado doble o triple pa ang presyo nito.   Isa pa, very limited lang din ang alam kong luto sa baka kaya pangkaraniwan nilaga, bistek o caldereta ang nagiging luto ko dito. This time, isang espesyal na beef dish ang ibinibigay ko sa inyo na alam kong magugustuhan ng inyong pamilya.   Try nyo din po. CREAMY BEEF, MUSHROOM and POTATOES Mga Sangkap: 1 kilo Beef (thinly sliced) 1 can Button Mushroom (sliced) 2 pcs. Potatoes (cut into sticks) 1 tetra brick All Purpose Cream 1 head Minced Garlic 1 pc. Onion (sliced) 3 tbsp. Butter 1/2 tsp. Maggie Magic Sarap Salt and pepper to taste Paraan ng pagluluto: 1.   Sa isang kawali o kaserola, igisa ang bawang at sibuyas sa butter. 2.   Isunod na agad ang hiniwang ka...

Dapat sana ay Pork Binagoongan ang gagawin kong luto sa pork liempo na nabili ko para sa aming pang-ulam.   Kaso hindi ko napansin na wala na pala kaming bagoong alamang na pangunahing sangkap para dito.   Ang natitira na lang ay wala pang 1 kutsara na bagoong.  Hindi ko naman magawang Bicol Express at baka naman hindi makain ng mga anak ko sa anghang. E di ang ginawa ko na lang pinag-ubra ko kung ano ang meron at eto na nga ang kinalabasan.    Isang masarap pa din na dish na nagustuhan ng aking mga anak. BABOY at SITAW sa GATA Mga Sangkap: 1 kilo Pork Liempo (cut into cubes or strips) 3 cups Kakang Gata Sitaw (cut into 1 inch long) 1 tbsp. bagoong Alamang 5 pcs. Siling Pang-sigang 2 pcs. Siling Labuyo 1 thumb size Ginger (cut into strips)  1 head Minced Garlic 1 pc. Large Onion (sliced) 2 tbsp. Cooking Oil Salt and pepper to taste Paraan ng pagluluto: 1.   Sa isang non-stick na kaserola o kawali, ilagay ang kar...

Nitong huli kong pamimili sa SM Supermarket sa may Sta. Mesa, may nakita akong magandang cut ng chicken thigh fillet.   Maganda kasi nakasama pa yung skin nito at medyo malalaki ang piraso.  Although sabihin na natin na hindi healthy yung balat ng manok pero kung paminsan-minsan naman ay okay lang siguro.   Yung balat kasi ng manok ang nagbibigay ng extra flavor at moist sa manok. Nung makita ko nga ang mga chicken thigh fillet na ito, isang dish lang ang naisip kong gawin.   At ito na ngang Chicken Broccoli.   Masarap ito.  For sure magugustuhan din ito ng inyong pamilya. CHICKEN BROCOLLI Mga Sangkap: 3/4 kilo Chicken Thigh Fillet 1/2 kilo Broccoli (cut into bite size pieces) 1/2 cup Oyster Sauce 1/2 cup Soy Sauce 1 tbsp. Brown Sugar 1 thumb size Ginger (cut into strips) 5 cloves Minced Garlic 1 pc. Onion (sliced) 3 tbsp. Cooking Oil 1 tsp. Sesame Oil 1 tsp. Cornstarch (dissolved 1/2 cup water) Salt and pepper to t...

Pahirapan pakainin ng gulay ang aking mga anak lalo na ang anak kong si James.   Mag-uulam siya ng sabaw pero pahirapan talaga sa gulay lalo na yung madadahon na gulay.   Pero laking pagtataka ko na gusto daw niya nung lumpiang toge.   Siguro nakakabili o nakakakain siya nito sa school kaya nagustuhan niya. Kaya naman nitong nakaraang Linggo naisipan kong magluto nitong Lumpiang Toge para sa aking mga anak at para matigil na din ang pagke-crave ko dito. Simple lang ang version kong ito.   Kung tutuusin nga mas ma-karne pa nga ito kumpara dun sa mga nabibili natin sa labas na puro talaga toge at iba pang gulay.   Mas makarne ginawa ko para hinay-hinay lang at hindi sila mabigla sa gulay. Okay naman ang kinalabasan.   Nagustuhan nila ito.   Si James nga yun lang ang ini-ulam at hindi na tumikim pa ng iba pang ulam.    Hehehehe MEATY LUMPIANG TOGE Mga Sangkap: 1/2 kilo Toge or Bean Sprout 1...

Nitong huling pagbisita namin sa bayan ng aking asawang si Jolly sa San Jose Batangas nitong nakaraang mahal na araw, hindi maaring hindi ako maka-kain ng paborito kong loming Batangas.   Ewan ko ba, solve na solve ako sa kanilang lomi.   Kaya naman ng magawi kami ng palengke bago kami bumalik ng Manila, naisipan kong bumili nitong lomi noodles. Actually, hindi ko pa alam noon kung yung may sabaw ang gagawin kong luto dito o yung guisado o parang pancit.   Pancit guisado nauwi ang naging luto sa noodles.   Pork at gulay ang isinahog at nilagyan din ng kaunting sesame oil para madagdag ng flavor sa noodles. PANCIT LOMI GUISADO Mga Sangkap: 1 kilo Lomi Noodles (Egg noodles) 1/2 kilo Pork Belly 5 cloves Minced Garlic 1 pc. Large Onion (sliced) 100 grams Baguio Beans (sliced) 1 pc. Carrot (cut into strips) Pechay Baguio or Repolyo (sliced) 1 tsp. Sesame Oil 1 tsp. Maggie Magic Sarap 3 tbsp. Cooking Oil Salt and pepper to taste ...

Sa mga Katolikong Kristyano kagaya ko, nagsimula ang mga Kwaresma o ang apatnapung araw ng paghahanda sa Pagkabuhay ni Hesus.   At nitong ngang nakaraang Miyerkules sa pamamagitan ng pagpapahid ng abo sa noo nag-simula ito.   Ito ay nagpapa-alala sa atin na tayo ay nagmula sa abo at sa abo din tayo magbabalik. Sa apatnapung araw na yun, hinihikayat tayo ng simbahan na mag-ayuno at umiwas sa pagkain ng karne lalo na sa araw ng Biyernes.   At bilang pakikibahagi ng food blog kong ito, bibigyan ko kayo tuwing Biyernes ng mga ulam na pwede nating lutuin sa araw na ito. SARCIADONG TILAPIA Mga Sangkap: 6 pcs. Medium Size Fresh or Live Tilapia 1/2 kilo Tomatoes (chopped) 2 pcs. Fresh Eggs (beaten) 5 cloves Minced Garlic 2 pcs. Onion (chopped) 3 tbsp. Cooking Oil 1/2 tsp. Maggie Magic Sarap Salt and Pepper to taste Cooking Oil for frying Paraan ng pagluluto: 1.   Timplahan ng asin at paminta ang mga tilapia.   Hayaan ...

Espesyal na ulam sa amin ang mga seafoods kagaya ng sugpo, alimango at alimasag.   Bukod kasi sa masarap naman talaga ang mga ito, yun lang talagang may kamahalan ang presyo nito.    Pero ako naman bastat masisiyahan ang ang pamilya na kakain ay okay lang. Kagaya nitong alimasag na iniulam namin nitong mga nakaraang Linggo.   Maganda kasi yung alimasag na nakita ko sa palengke at tamang-tama kako na lagyan ko ito ng gata ng niyog at samahan na din ng gulay na sitaw at kalabasa.   Tunay nga na nagustuhan ng aking pamilya ang dish na ito lalo na ang asawa kong si Jolly.   Ubos ang kanin.   hehehehe GINATAANG ALIMASAG na may SITAW at KALABASA Mga Sangkap: 1 kilo Alimasag (mas mainam yung babae) 2 cups Kakang Gata Kalabasa (cut into cubes) Sitaw (cut into 1 inch long) 2 thumb size Ginger (cut into strips) 5 cloves Minced Garlic 1 pc. Onion (sliced) 3 tbsp. Cooking Oil 1/2 tsp. Maggie Magic Sarap Salt and p...

First time ko pa lang nakapagluto nitong ginataang langka at masarap pala.   May nakita kasi akong itinitindang nahiwa na  na langka at tamang-tama kako na gataan ito.   Tamang-tama din at may crispy shrimps o tostadong hipon na pasalubong ng asawa kong si Jolly nung nanggaling siya ng Boracay.  Ito kako ang isasahog ko sa ginataang langka.   At ayos naman ang kinalabasan, masarap at malinamnam ang ginataang langka.   Ayos na ayos sa ano mang piniritong isda.    Ubos na naman ang kanin.   Hehehehe GINATAANG LANGKA na may TOSTADONG HIPON Mga Sangkap: 1/2 kilo Hiniwang Murang Bunga ng Langka 2 cups Tostadong Hipon 1 thumb size Ginger (cut ito strips) 5 cloves Minced Garlic 1 pc. Onion (chopped) 4 pcs. Siling Pang-sigang 2 cups Coconut Milk - Unang piga 3 cups Coconut Milk - Pangalawang piga 3 tbsp. Cooking Oil 1/2 tsp. Maggie Magic Sarap Salt and pepper to taste Paraan ng pagluluto: 1. ...

Ito po yung dish na inilaban ko at naging finalist sa nakaraang Lady's Choice Real Chef Challenge last November 25, 2015 sa Glorietta 3 Ayala Center, Makati City. Para makasali sa contest na ito, magsa-submit ka ng iyong recipe sa kanilang web application at kasama yun ay ang entry code na makikita naman sa 5.5 lbs. container ng Lady's Choice. Hindi ko akalain na mapapasama ako sa contest na ito.   Mas lalo pang lumakas ang akign kaba ng ma-meet ko na ang iba pang kasali sa finals na puro chef talaga.   Ako lang ang kasali sa finals na hindi chef.   Kaya naman hindi na ako umasa pa na maipapanalo ko ang laban na ito.  Pero ganu pa man ibinigay ko pa din ang aking best. FRESH SISIG SALAD ROLL Mga Sangkap: Cooked Pork Sisig Romaine Lettuce Rice Paper Crab Sticks (cut into strips) Carrots (cut into strips) Cucumber (cut into strips) Sotanghon noodles (boiledthen sprinkle with sesame oil) Cilantro Sesame Oil For the Sauce: 1 cup ...

Hindi kami madalas mag-ulam ng karneng baka sa bahay.   Medyo may kamahalan kasi ang kilo nito at kung yung medyo mura naman ay may katagalan na lutuin.   Pero espesyal para sa akin ang karneng baka.   Bukod sa lutong caldereta, the best pa rin sa akin ang nilaga nito. This time sinahugan ko naman ng gulay na ampalaya.   Itong Ampalaya con Carne.   First time ko lang magluto nito sa bahay.   Sinusubukan ko kung kakainin ito ng aking mga anak.   Pero ayun, ampalaya ang natira at ako na lang ang umubos nito.   Hehehehe AMPALAYA CON CARNE Mga Sangkap: 1 kilo Beef (thinly sliced ) 1 pc large size Ampalaya (sliced) 1/2 cup Oyster Sauce 1/2 cup Soy Sauce 1 tbsp. Brown Sugar 5 cloves Minced Garlic 1 pc. large Onion (sliced) 1 tsp. Cornstarch 3 tbsp. Cooking Oil Salt and pepper to taste Paraan ng pagluluto: 1.   Sa isang heavy bottom na kaserola, igisa ang bawang at sibuyas sa manti...

One of my favorite vegetable dish ito ginataang sitaw at kalabasa.   Kahit bagoong o hibe lang ang sahog nito ay panalong-panalo ito sa akin lalo na kung marami din itong gata na kasama. Pero hindi lang pala gata ang maaring magpasarap pa sa ginataang sitaw at kalabasa.   Natuklasan ko ito nung makita ko itong natirang pinaghalong mayonaise at bagoong sa fridge na ginamit kong sauce sa aking daing na bangus.   Sayang naman kako at naisipan kong ihalo di ito sa niluluto kong ginataang sitaw at kalabasa nga. Ang resulta?    Level-up sa lasa na ginataang sitaw at kalabasa.   Try nyo din po. GINATAANG SITAW at KALABASA:   With a Twist Mga Sangkap: Kalabasa (cut into cubes) Sitaw (cut into 2 inches long) 3 cups Kakang Gata 1 cup lady's Choice Mayonaise 2 tbsp. Bagoong Alamang 5 cloves Minced Garlic 1 large Onion (sliced) 3 tbsp. Cooking oil Salt and pepper to taste Paraan ng pagluluto: 1.   Sa isang kaserola, igis...

Nitong nakaraang kaarawan ng pangany kong anak na si Jake, naisipan kong magluto nitong arroz valenciana.  Ang arroz valenciana ay para din lang paella na nag-origin sa Valencia sa Espanya.  Kinokonsidera na pagkain ito ng mahihirap noong araw komo sama-sama na ang kanin at ang ulam sa isang lutuan.  Butofcourse sa panahon natin ngayon na medyo sosyal kapag sinabing paella.  Para bang mayayaman lang ang nakaka-kain nito. Dito sa atin sa Pilipinas mayroon din tayong bersyon na tinatawag nating bringhe.   Kaning malagkit ito na kinulayan ng luyang dilaw na may sahog ding manok o karne at mga gulay kagaya ng patatas, carrots at iba pa. Sa version kong ito, pinaghalo ko ang paella at ang valenciana.   Bukod kasi sa karne nga baboy at atay, nilagyan ko pa ito ng tahong at hipon.   At for added twist, nilagyan ko din ito ng gata ng niyog para mas maging malasa.   Yan ang natutuan ko naman sa aking Inang Lina. Masarap ang rice dish na ito....

After nang pagbisita namin sa aking Tiyo Lando sa Bicol, parang nag-crave ako bigla sa pagkain ng Laing.   Yes.   Yung lutong Bicol na dahon ng gabi na may gata.   Tyempo din na napanood ko sa youtube yung movie nina Aga at Claudine yung Kailangan kita.   Gustong-gusto ko yung part ng encounter ni Caloy played by Aga at yung Tatay niya na tinuturuan siyang magluto ng laing.   Gusto-gusto ko yung part na sinabi nung tatay..."...pare-pareho lang naman ang pagluto ng laing...pare-pareho rin ang mga rekado...pero siguro iba lang ang gata ko....punong-puno ito ng pagmamahal....alam mo...ito rin yung paborito ng anak ko...si Caloy".   Ito talaga yung mga linya na tumagos sa akin.   Kaya ayun..napaluto tuloy ako ng laing.    hehehehe Ito siguro ang the best na luto ko ng laing.   Winner talaga!!!! LAING ala DENNIS Mga Sangkap: 500 grams Sariwang Dahon at Tangkay ng Gabi (cut into small pi...