Mga Luto ni Dennis at Iba pa..

Ito po yung sinasabi ko sa previous post ko na isa pang dish na niluto ko sa Batangas.   Tinapa Fritters o Tortang Tinapa. Dapat sana ay bola-bola ang gagawin ng helper ng aking byenan pero naki-alam nga ako at ito ang ginawa kong bersyon.   Hehehehe. Masarap siya.   Malasa at tamang-tama sa misua soup na akin ding niluto.   Nakakatuwa nga dahil nagustuhan ng aking biyenan ang aking niluto.   Naka-dalawang balik ng kanin eh.   hehehehehe TINAPA FRITTERS (Tortang Tinapa) Mga Sangkap: Tinapang Bangus o Galunggong Itlog Harina Puting Sibuyas (chopped) Maggie Magic Sarap Asin at paminta Cooking Oil for Frying Note:   Hindi ko na po nilagyan kung gaano karami ang mga sangkap dahil depende na po ito sa dami ng tinapa na hihimayin. Paraan ng pagluluto: 1.   Himayin ang tinapa at tiyakin na wala na itong tinik. 2.   Sa isang bowl batihin ang itlog at ihalo ang harina. 3.   Timplahan ng...

Ito ang isa sa mga dish na inihanda ko nitong nakaraan kong kaarawan.   Pinaputok na Bangus sa Dahon ng Saging. May ilang recipes na din ako nito sa archive.   Ang pagkakaiba nito ay yung binalot ko pa ito ng dahon ng saging for extra flavor saka ko binalot ng aluminum foil.   Nilagyan ko din ng itlog na maalat ang palaman para kumpletos rekados na talaga. Also, nung binili ko yung boneless bangus na ito, pina-alis ko na yung kaliskis para walang hazzle habang kinakain. As expected, nagustuhan ng aking mga bisita ang dish na ito.   Ang isang guest ko nga gusto pa na mag-order para naman daw sa birthday ng husband niya.   Hehehehe PINAPUTOK na BANGUS sa DAHON ng SAGING Mga Sangkap: Boneless Bangus Kamatis Sibuyas Itlog na Maalat Dahon ng Saging Aluminum Foil Maggie Magic Sarap Salt and pepper to taste Paraan ng pagluluto: 1.   Linising mabuti ang boneless bangus at timplahan ng asin, paminta at maggie magic sarap. ...

The last time na nagluto ako n dish na ito ay nung February 2012 pa.   Nagaya ko lang ito nang minsang mag-breakfast kami sa UCC Coffee sa may Tomas Morato.   Nagustuhan ko ito at naisipan kong i-replicate nga sa bahay.   And that was 3 years ago at naisipan kong gawin ulit para maiba naman ang aming almusal.   Ang sarap talaga.   Naghahalo kasi yung flavor ng lahat ng mga sangkap.   At madali lang lutuin ha.   try nyo din po. SMOKED FISH & SALTED EGG GUISADO Mga Sangkap: 8 pcs. Tinapang Gigi (himayin at alisin ang maliliit na tinik) 5 pcs. Salted Egg o Itlog na Pula (cut into small cubes) 5 cloves Minced Garlic 1 large Onion (chopped) 5 pcs. Tomatoes (chopped) 2 tbsp. Olive oil 1 tbsp. Liquid Seasoning Salt and pepper to taste Paraan ng pagluluto: 1. Sa isang non-stick na kawali, igisa ang bawang, sibuyas at kamatis sa olive oil. 2. Sunod na ilagay ang hinimay na tinapa. Timplahan ng konting a...

Nabanggit ko sa hotdog dish na post ko na nagiging boring na sa ating mga anak ang mga pang-ulam na inihahanda natin sa ating mga anak.   Kaya naisipan kong gawan ito ng twist para maiba naman at hindi maging boring sa paningin ng mga kakain. Ganun din ang ginawa ko sa luncheon meat na ito.   Sa halip na i-prito ko lang, ginawa ko itong torta.   Sinamahan ko din ng grated cheese para mas lalong maging katakam-takam.   Ang mainam pa nito pwede din itong ipalaman sa tinapay.   Tiyak ko na magugustuhan din ito ng inyong mga anak gaya ng pagkagusto ng mga anak ko.   Try po ninyo. CHEESEY TORTANG LUNCHEON MEAT Mga Sangkap: 1 can (350 grams) Maling Luncheon Meat (cut into small cubes) 4 pcs. Fresh Eggs (beaten) 2 pcs. Tomatoes (sliced) 1 large White Onion (sliced) 5 cloves MInced Garlic 1 cup grated Cheese Salt and pepper to taste 3 tbsp. Cooking Oil Paraan ng pagluluto: 1.   Sa isang kawali, igisa ang b...

Yes marunong akong magluto pero sa totoo lang hirap na hirap ako mag-isip basta pang-ulam sa almusal ang gagawin.   Medyo nakakasawa na din kasi yung pangkaraniwan na kinakain natin sa almusal.   Minsan sinubukan kong cereals naman pero ayaw ng mga anak ko at madali daw silang ginugutom.   Sabagay, iba naman talaga kapag kanin ang ating kinain sa almusal. Hindi ko matandaan kung nakapag-post na ako nitong Cheesy Bacon and Egg Scrambled na ito na almusal namin nitong nakaraang araw lang.   Pero super yummy ang dish na ito.   Pwedeng i-ulam sa kanin o sinangag at pwedeng-pwede din sa tinapay.   Try nyo din po. CHEESY BACON and EGG SCRAMBLED Mga Sangkap: 300 grams Smokey Bacon (cut into abount 1/2 inch long) 5 pcs. Fresh Eggs (beaten) 1 cup grated Cheese 2 pcs. Tomatoes (sliced) 5 cloves Minced Garlic 1 pc. medium size Onion (sliced) 1/2 cup melted Butter Salt and pepper to taste Paraan ng pagluluto: 1. ...

Minsan ang mga pagkaing patapon na o yung my leftover ay nagagawan pa natin ng paraan para ma-recycle.   Dapat naman.   Sa mahal ba naman ng mga bilihin ngayon ang pag-aaksaya sa pagkain ay isang malaking NO. Kagaya nitong enselada na ito na aking inihanda para almusal.   Yung tinapa na inilagay ko ay tira-tira ng nakaraan naming almusal.   At nang hinimay ko ito at tinusta sa kawali ang laki ang isinarap sa enseladang itlog na maalat na ito na may kamatis.   Highly recommended ko ito sa lahat. ENSELADANG KAMATIS at ITLOG NA MAALAT na may TUSTADONG TINAPA Mga Sangkap: 8 pcs. Tinapang Galunggong o 2pcs. Tinapang Bangus 6 pcs. Itlog na Maalat (Balatan at hiwain sa apat) 8 pcs. Kamatis (sliced) 2 tbsp. Olive Oil 2 tbsp. Patis 3 tbsp. Cooking Oil Paraan ng pagluluto: 1.   Sa isang non-stick na kawali, i-prito ang hinimay na tinapa hanggang sa matusta.   Mainam yung crispy pero hindi naman sunog. 2....

Ang Scotch Egg ay isang dish na nag-origin sa London, England taong 1738.   Ito ay gawa sa nilagang itlog na binalutan ng sausage meat o sa atin giniling na baboy at iba pang sangkap.    Niluluto ito sa oven at yung iba naman ay piniprito ng lubog sa mantika.   Masarap itong snacks o baon sa mga picnic at maging pang-ulam man. Sa version kong ito ng Scotch Egg, beef burger patties ang aking ginamit na pambalot sa nilagang itlog.   May nabasa kasi akong recipe na yun nga ang ginamit.   Ang mainam sa burger patties timplado na ito na hindi na kailangan pang timplahan ng kung ano-ano para magawa.   Ipambabalot lang ito sa itlog at saka igugulong sa harina, binating itlog at breadcrumbs ay okay na.   Kayo na an bahala kung anong sauce ang isasama nyo dito.  Para sa akin sweet chili sauce ay ok na.   Try nyo din po. SCOTCH EGG ala DENNIS Mga Sangkap: 10 pcs. Hard boiled Eggs 20 pcs. Beef Burg...

Sa unang attempt ko na gumawa nitong Jelly Plan, hindi masyadog maganda ang kinalabasan ng caramel toppings na inilagay ko.  Tumigas kasi ito na parang candy at nang itinaob ko na sa plato ay naiwan pa ito sa bottom ng llanera.   Kaya naman sa pagkakataong ito tiniyak ko na na hindi yun mangyayari. Ang problema naman hindi ako naka-bili ng evaporated milk para sa dessert na ito.   Nang bigla kong naalala yung custard cake na nabasa ko din sa isa pang food blog na coconut cream ang kanyang ginamit sa halip na evaporated milk.   Tamang-tama at may isa tetra brick pa ako ng coconut cream na gagamitin ko sana para sa maja mais na gagawin ko. At yun na nga coconut cream sa halip na evap ang aking ginamit at naging mas masarap ito compare sa original na recipe na aking nagawa na.   Try nyo din po.   Masarap at mura lang ang magagastos. JELLY PLAN with COCONUT CREAM Mga Sangkap: 1 sachet Mr. Gulaman (Yellow color) 1 big can Co...

Sa mga pagkaing ating niluluto para sa ating mga pamilya, itong pang-almusal ang hirap na hirap ako.   Nakakasawa na din kasi ang pangkaraniwan nating naihahanda kagaya ng longanisa, tocino, tuyo, hotdogs, ham at iba pa.  Isama mo na din ang mga de lata na pagkain kagaya ng sardinas at mga sausages. Pero para siguro hindi maging boring ang mga pang-ulam sa almusal na ito, mainam na lagyan natin ng twist o ibahin natin ang pagkaluto. Halimbawa ay itong de latang luncheon meat na ito.  Palagi na lang na prito tapos isasawaw sa catsup ang drama nito.   Pero bakit hindi natin ito gawing torta o omellet?   Sa iba fritters ang tawag dito.  Bukod sa iba ito sa paningin ng mga kakain, mas masarap ito at mas marami din ang makaka-kain.   Try nyo din po. TORTANG LUNCHEON MEAT Mga Sangkap: 1 can Maling Luncheon Meat (cut into cubes) 2 pcs. Tomatoes (sliced) 1 large White Onion (sliced) 5 cloves Minced Garlic 4 pcs. Fresh Eggs (...

Noong araw itinuturing na pagkaing mahirap ang isdang galunggong.   Mura lang kasi itong mabibili at marami talaga nito sa mga palengke.   Pangkaraniwang luto na nagagawa natin sa isdang ito ay prito.   Yung iba ipinapaksiw din ito pero ako hindi.  Medyo nalalansahan kasi ako dito.  Pwede din i-steam muna tapos ay hihimayin ang laman at saka gagawing torta o palaman sa lumpia. Noong araw komo nabibili ng mura ang isang ito, marami bumili nito ang aking Inang.  Kapag natitira ang prito nito, nilalagyan niya ng ginisang kamatis na may itlog para maging sarciado naman.   Sa version ko namang ito, nag-level up ang sarciadong galunggong.   Nilagyan ko pa ito ng dried basil na nakadagdag ng flavor sa kabuuan ng dish.   Try nyo din po. SARCIADONG GALUNGGONG:   Nag-level Up Mga Sangkap: 1 kilo medium size Galunggong 8 pcs. medium size na Kamatis (hiwain ng maliliit) 1 pc. large na Sibuyas (hiwain ng ma...

Alam kong umay na umay pa din kayo sa mga natira nyong handa nitong nakaraan nating Media Noche, kaya minarapat kong pampatanggal umay muna ang i-post kong dish para sa araw na ito. Actually, bago mag-Pasko ko pa ito nagawa at naluto.   Umuwi kasi ako sa amin sa Bocaue Bulacan at nang pabalik na ako ng Manila ay pinabaunan ako ng aking kapatid na si Shirley ng isang malaking tinapang bangus. Unang kita ko pa lang sa tinapang bangus ay dish na ito agad ang aking naisip.   Masarap itong pang-ulam sa almusal at pwede din siguro na side dish o pangulam din sa tanghalian at hapunan.   Tingin ko din ay pwede itong ipalaman sa lumpia wrapper at pagkatapos ay i-prito.   Sigurado akong panalo ito sa mga makakakain.   Try nyo din po. GINISANG TINAPANG BANGUS at ITLOG NA MAALAT  Mga Sangkap: 1 whole Boneless Tinapang Bangus (himayin ang laman) 4 pcs. Itlog na Maalat (hiwain ng maliliit) 4 pcs. Kamatis (hiwain din ng maliliit) 1 ...

Natatandaan nyo ba yung Pork Binagoongan dish na niluto nitong mga nakaraang araw?   Nung niluto ko ito naparami ang tubig na nailagay ko para palambutin ang karne.  Kaya ang ginawa ko, binawasan ko ito at itinabi.  Baka kako may mapag-gamitan pa.  Sayang naman kasi.   Guisado na kasi yun at malasa na din ang sabaw. Nitong pritong manok ang ulam namin sa bahay, naisipan kong gawing soup ang natirang pinagpakuluan na ito.   Ang ginawa ko lang ay pakuluin ito muli at ng kumukulo na ay inilagay ko ang binating itlog.   Hinalo ko agad para hindi magbuo-buo ito sa sopas.   Huli kong inilagay naman ang ginayat na repolyo at saka ko tinimplahan ng kaunting asin at paminta. Ang sarap pala ng ganitong klase ng sopas.   Simple pero punong-puno ng lasa.   Tamang-tama talaga ito lalo na ngayong maulan pa rin ang panahon. Enjoy!!!!

Para sa akin importante ang itsura ng pagkaing aking inihahain sa aking pamilya.   Ofcourse without sacrificing yung lasa.   Baka naman maganda nga tingnan pero wala naman lasa.  Kaya naman talagang ginagawan ko ng paraan para maging katakam-takam ang bawat putaheng aking niluluto. Bukod sa itsura, ginagawan ko din ng twist ang aking mga niluluto lalo na yung mga classic na nating pagkain kagaya ng adobo.   Parang kasing nakakasawa na kung yun at yun an ating nakakain at nalalasahan. Dito sa adobo dish na ito, hindi lamang basta chicken adobo ito na may nilagang itlog na nakikita natin sa mga carinderia.   Yung egg ginawan ko ng marble effect at yung adobo naman ay iiba ko ang pamamaraan ng pagluluto.   Ang resulta?   Isang re-invented na chicken adobo with marbled egg.   Try nyo din po. CHICKEN ADOBO with MARBLED EGGS Mga Sangkap: 1 whole Chicken (cut into serving pieces) 1 head minced Garlic 1 l...

Pangkaraniwang almusal namin sa bahay katulad ng nakakaraming pinoy ang kanin at ulam.   Mas mainam na ito para mas mabigat sa tiyan at may panlaban tayo sa lahat ng gawain sa buong mag-hapon.   Pero may pagkakataon na nakakasawa na din yung pare-parehong ulam sa umaga kaya naman minsan nagluluto din ako ng sopas o kaya naman ay mga noodle dish. Nitong nakaraang araw naisipan kong gumawa o magluto naman ng French toast.   Basically, ito ay yung tinapay na nilubog sa itlog na may gatas at saka tinoast.   Yung iba, medyo matamis yung timpla na ginagawa nila pero ako, konting asin lang at magic sarap ang aking inilagay dahil ite-terno ko ito sa ginisang corned beef.  Bukod pa dun sinamahan ko din ng hinog na papaya para mas makumpleto ang aming almusal.   Nakakatuwa dahil ubos at humihirit pa ang aking mga anak sa french toast na ito. FRENCH TOAST ala Dennis Mga Sangkap: 1 pack Gardenia Loaf Bread 1 small can Alaska Eva...

Hindi ko alam kung may gumagamit pa din ng dahon ng saging kapag nagluluto tayo ng torta .   Di ba komo hindi pa uso noon ang mga non-stick na kawali ginagamitan nila ng dahon ng saging ang pagpi-prito ng torta para di manikit sa kawali. Ganito din ang ginagawa ng aking Inang Lina noong araw. TORTANG GINILING in BANANA LEAVES Mga Sangkap: 1/2 kilo Lean Ground Pork 1 large Potato (cut into small cubes) 5 cloves Minced Garlic 1 large Onion (chopped) 2 pcs. Tomatoes (chopped) 3 pcs. Fresh Eggs (beaten) 1 tbsp. Worcestershire Sauce Salt and pepper to taste Banana Leaves (i-cut na hugis bilog depende sa laki ng torta na nais nyo) Cooking Oil for frying Paraan ng pagluluto: 1.  Sa isang kawali, i-prito muna ang patatas hanggang sa maluto. 2.   Sunod na igisa ang bawang, sibuyas at kamatis. 3.   Ilagay na agad ang giniling na baboy at timplahan ng asin, paminta at worcestershire sauce.   Halu-haluin.   Tikman at i-...

Ano ba ang pwedeng luto sa ampalaya?    Ginisang may itlog, ampalaya con carne, pwede ding isama sa paksiw na isda, pinakbet at marami pang iba.   Pero siguro pinaka-simple na ay yung ginisa at lagyan ng binating itlog. Hindi marami ang nagkakagusto sa ampalaya lalo na ang mga bata.   Obviously ay dahil sa pait nito.   Pero kung sustansya ang titingnan natin, lalo na kung maysakit ka na diabetis, pipilitin mo talagang kumain nito.   Hehehehe.   Pero ako, gusto ko itong gulay na ampalaya.   Kahit simpleng luto lang ay winner ito sa akin.   Ayos na ayos itong pangulam kasama ang paborito ninyong pritong isda.   Kaya nga nitong isang araw, kasama ko itong niluto kasama ang pritong galunggong.   At para maging extra espesyal ang ampalaya, nilagyan ko pa ito ng canned tuna.   Mas sumarap ito at parang di mo na din napapansin yung pait ng ampalaya. AMPALAYA con TUNA M...

Magaling magluto ang aking namayapang Inang Lina.   Siguro yun ang namana naming lahat na magkakapatid sa kanya.   Kahit mga simpleng pagkain o lutuin ay nagagawa niyang pasarapin.   Marahil ay pareho lang kami ng sangkap na inilalagay sa aming mga niluluto, ang pagmamahal.  :) Kagaya nitong dish natin for today.  Sarciadong tilapia.   Noong araw ang natatandaan kong isda na nilulutong ganito ng aking Inang ay bangus o kaya naman ay dalagang bukid.   Kahit hati-hati lang kami sa isda, dinadagdagan ko na lang ang ginisang kamatis na may itlog at inihahalo ko sa kanin para magkasya ang aking pang-ulam.   Gustong-gusto ko ang ginisang kamatis na ito na may itlog kaya kahit ngayon ay palagi ko pa din itong niluluto.  Tr nyo din po. SARCIADONG TILAPIA Mga Sangkap: 1 kilo or pcs. medium size Tilapia 8 pcs. Tomatoes (sliced) 1 large White Onion (chopped) 5 cloves minced Garlic 2 pcs. Egg (beaten) 1/2 tsp....

Bukod sa Pancit Palabok na niluto ko para sa ini-sponsor naming alayan sa Batangas, gumawa din ako n espesyal na sandwich na first time ko lang din na ginawa.   Pasensya na pala kung yan lang ang pict na nailagay ko.   Hindi na umabot na kuhanan ng picture sa dami ng nag-kagusto.   Hehehehe Ang unang plano ay simpleng egg sandwich lang ang aking gagawin komo maraming itlog sa kanilang lugar.   (San Jose is considered as the egg basket of the Philippines).   Kaso, nag-object ang aking asawang si Jolly at sawa na daw sa itlog ang mga taga-roon sa kanila. At naisipan ko na gumawa ng cheese pimiento sandwich.   Pero sa palamang ito, nilagyan ko pa rin ng nilagang itlog.  Para kasi kakong masarap yung kahit papaano ay may nakakapang laman ang dila mo mula sa palaman.  At isa pa, para mas marami ang kalabasan ng palaman.   Mga 75 katao kasi ang estimate ko na dadalo sa alayan.   Also, para maging ...

Kahit napakainit ng panahon at kung pwede lang ay sa loob ka na lang ng isang kwartong may aircon maglagi, hindi napigilan na magluto at gumawa ako nitong enseladang inihaw na talong.   Ewan ko ba, parang nag-crave ako dito nitong nakaraang mga araw. At para makumpleto ang aming pang-ulam, nag-prito ako ng galunggong.  Yung maliliit lang.  Pinirito ko ito na tustado at swak na swak sa enseladang ginawa ko.  Kahit nga ang anak kong si Jake ay naka-dalawang balik ng kanin sa ulam naming ito.   Hehehehe. ENSELADANG TALONG na may ITLOG NA MAALAT at BAGOONG Mga sangkap: 4 pcs. Talong 3 pcs. Itlog na maalat 3 pcs. Kamatis (cut into small cubes) 1 medium size White Onion (chopped) 2 tbsp. Bagoong Alamang (sweet style) Paraan ng pagluluto: 1.  I-ihaw ang talong at alisin ang balat.   Hiwain sa nais na laki at ilagay sa isang bowl. 2.  Hiwain din ang itlog na maalat sa nais na laki.  Ihalo ito sa inihaw na talong. 3....

Noong araw natatandaan ko pa sa aming probinsya sa Bulacan, kapag ganitong paprating ang mga Mahal na Araw, marami ang nagpapabasa ng Pasyon.   Sa pagpapabasa, nagpapakain din ang sponsor sa mga tao.   May mga pamilya din na nagpapabasa at yung iba naman ay mga kapisanan. Natatandaan ko pa, kung hindi man dun sa kapilya kami nakikikain ay humihingi na lang kami ng ulam na handa nila.  Ang tawag dun sa paghingi ng pagkain ay pangangariton.   hehehehe.   Masaya ang naging kaugaliang ito.   Hindi lamang nagkakaroon ng pagutulong-tulong, may pagbibigayan din. Komo nga mga Mahal na Araw ito, madalas na pagkaing inihahanda ay gulay at isda.   Madalas din ay itong sarciadong isda o galunggong ang niluluto.   Okay naman.  Isa ito sa ga paborito kong luto sa pritong isda.   Kaya naman nitong nakaraang Biyernes (nangingilin din kami sa pagkain ng karne) ay ito nga ang aking niluto para sa aming hapuna...