SARCIADONG GALUNGGONG: Nag-level Up

Noong araw itinuturing na pagkaing mahirap ang isdang galunggong.   Mura lang kasi itong mabibili at marami talaga nito sa mga palengke.   Pangkaraniwang luto na nagagawa natin sa isdang ito ay prito.   Yung iba ipinapaksiw din ito pero ako hindi.  Medyo nalalansahan kasi ako dito.  Pwede din i-steam muna tapos ay hihimayin ang laman at saka gagawing torta o palaman sa lumpia.

Noong araw komo nabibili ng mura ang isang ito, marami bumili nito ang aking Inang.  Kapag natitira ang prito nito, nilalagyan niya ng ginisang kamatis na may itlog para maging sarciado naman.   Sa version ko namang ito, nag-level up ang sarciadong galunggong.   Nilagyan ko pa ito ng dried basil na nakadagdag ng flavor sa kabuuan ng dish.   Try nyo din po.


SARCIADONG GALUNGGONG:   Nag-level Up

Mga Sangkap:
1 kilo medium size Galunggong
8 pcs. medium size na Kamatis (hiwain ng maliliit)
1 pc. large na Sibuyas (hiwain ng maliliit)
1 ulo na Dinikdik na Bawang 
2 pcs. Itlog (batihin)
1/2 tsp. Dried Basil
3 tbsp. Olive Oil
1 tsp. Maggie Magic Sarap
Salt and pepper to taste
 Mantika para pam-prito

Paraan ng pagluluto:
1.   Timplahan ng asin at paminta ang galunggong.
2.   I-prito ito sa mantika hanggang sa maluto at medyo tustado.   Ilagay sa isang bandehado.
3.   Sa isang kawali o sauce pan, i-gisa ang bawang, sibuyas at kamatis sa olive oil.   Lagyan ng 1/2 tasang tubig...halu-haluin at hayaang maluto hanggang sa madurog ang mga kamatis.
4.   Timplahan ng kaunting asin, paminta at maggie magic sarap.
5.   Huling ilagay ang binating itlog.   Halu-haluin
6.   Tikman ang sauce at i-adjust ang lasa.
7.   Ibuhos sa ibabaw ng piniritong galunggong ang ginisang kamatis.

Ihain habang mainit pa.

Enjoy!!!!


Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more