Escabecheng Isda

Hello! Me again. Natutuwa naman ako sa magandang pagtanggap sa blog ko na ito. Even here in the office I received positive feedback and they say that this blog will help them a lot especially sa kung anong ulam ang ihahanda nila sa kani-kanilang pamilya.

Okay. Eto na ang ating recipe for today. Escabecheng isda. Before ko gawin ang posting na ito, nag research muna ako more about escabeche. Ang napansin ko lang, may iba-iba palang recipe at paraan ng pagluluto nito. Pero itong ishe-share ko sa inyo I think is the simpliest. Napakadali lang gawin. At sisiguraduhin ko sa inyo na magugustuhan nyo ang lutong ito.

Mga sangkap:

1 kilo ng isda (Pwedeng macarel, galunggong, bangus, tilapia, etc. basta yung pang prito) Sa recipe na ito galunggong ang ginamit ko

1 medium size hilaw or green papaya

achuete seeds

suka

luya

bawang

sibuyas

asukal

asin at paminta

Paraan ng pagluluto:

1. Gadgarin ang papaya

2. Hiwain ang luya ng pahaba na parang palito ng posporo

3. Ibabad sa tubig ang achuete

4. I-prito ang isda sa kumukulong mantika at ilagay sa isang plato o bandihado

5. Sa isang kawali, igisa ang luya, bawang at sibuyas

6. Ilagay ang ginadgad na papaya

7. Timplahan ng suka, asin, paminta at asukal. Huwag hahaluin.

8. Ilagay na rin ang tinunaw na achuete

9. Tikman at timplahan muli ng asin, asukal at paminta ayon sa inyong panlasa. Ang tamang timpla nito ay yung naglalaban ang asim, alat at tamis.

10. Ilagay ang nilutong papaya sa ibabaw ng piniritong isda

Kagaya ng sinasabi ko dati pa, wala akong ginagamit na eksaktong sukatan ng mga gamit sa pagluluto. Ika nga tantiya-tantiyahan lang. Lalo na yung may mga bawal na sa pagkain. So kayo na ang bahalang mag-tantiya sa sami lalo na sa asin at asukal.

Ito ang exciting sa home cooking...yung natututo tayo sa mga pagkakamali natin. So the next time pwede nating itama yung mali na nagawa natin.

Enjoy!