Liempo ala Jake


Sa totoo lang hindi ko alam kung ano ang tawag sa lutong ito. Yung iba ang tawag ay bagnet...yung iba naman lechong kawali. Pero komo nga nilgyan ko ng twist ang lutong ito, inangkin ko na ang recipe at pinangalanan kong "Liempo ala Jake".



Si Jake pala ay ang panganay kong anak. He's 11 years old. Kagabi kasi nung niluluto ko ito, sabi niya.."Daddy, pwede natin iyang ipambenta". Aba gusto pang mag-negosyo ng aking anak...hehehehe. So ayun nga, kaya sa kanya ko ipinangalan ang lutong ito.


Mga Sangkap:

1 to 1.5 kilos Pork Liempo (Piliin nyo yung di masyadong makapal ang taba)

salt and pepper

maggie magic sarap

calamansi juice

bawang


Paraan ng pagluluto:

1. Gilitan ang liempo ng pahaba. Parang maghihiwa ka ng pang-ihaw na liempo pero hindi mo isasagad o puputulin.

2. Sa isang lalagyan, paghaluin ang asin, paminta at maggie magic sarap

3. Ikiskis (rub) ang mga ito sa laman ng liempo.

4. I-marinade ito sa pinaghalong calamansi juice at bawang.

5. Ilagay sa isang plastic o lalagyan at hayaan mababad ng 1 oras. (Mas mainam kung overnight o matagal ang pagka-babad)

6. Kung lulutuin na, lutuin ito sa turbo broiler at 350 degrees na init.

7. From time to time pahiran ng pinag-marinade-an ang balat o katawan ng liempo

8. Hanguin ito kung sa tingin ninyo ay luto na at mapula na ang balat.


Masarap kainin ito kung may sawsawan na pinaghalong toyo, suka, calamansi at sibuyas. Pwedeng lagyan ng kaunting asin at asukal ayon sa inyong panlasa.


Enjoy!!!

Comments

MaMely said…
dennis ano ba yung maggie magic sarap? ano ang puedeng altenative kung wala ito? thank you!
February 5, 2009 at 10:28 AM
Dennis said…
Dito ka ba sa Pilipinas MaMely? Palagay ko hindi....Anyway, seasoning lang siya just like vetsin or MSG. Optional ito...yun lang gumagamit pa rin ako kasi na-e-enhance nito ang flavor ng niluluto.

Thanks again for visiting mg blog.

Dennis
February 5, 2009 at 3:56 PM
Cool Fern said…
hi ,dennis, na alaala ko tuloy ang aking turbo broiler noon..ewan ko kung saan na yon ngayon..but i have used it a lot of times..esp sa manok..turbong manok..
February 6, 2009 at 6:37 AM
Dennis said…
Hehehehe.....yung turbo broiler namin actually is regalo pa nung kami ay kinasal. Awa naman ng Diyos ay hindi pa ito nasisira after 11 years....hehehehe. Okay gamitin ito sa pagluluto kasi inaalis nito ang mga sobrang taba sa baboy man o sa manok. Yun lang medyo malakas ito sa kuryente.....hehehehehe

Dennis G.
February 6, 2009 at 7:03 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more